Постановление Министерства культуры Республики Беларусь от 23 октября 2025 г. №117 «Аб зацвярджэннi праекта зон аховы нерухомых матэрыяльных гiсторыка-культурных каштоўнасцей, размешчаных у в. Дарашэвiчы Петрыкаўскага раёна Гомельскай вобласцi»

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

23 кастрычніка 2025 г. № 117

Аб зацвярджэнні праекта зон аховы нерухомых матэрыяльных гісторыка-культурных каштоўнасцей, размешчаных у в. Дарашэвічы Петрыкаўскага раёна Гомельскай вобласці

На падставе пунктаў 2 і 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць праект зон аховы нерухомых матэрыяльных гісторыка-культурных каштоўнасцей, размешчаных у в. Дарашэвічы Петрыкаўскага раёна Гомельскай вобласці (дадаецца).

2. Гэта пастанова ўступае ў сілу пасля яе афіцыйнага апублікавання.

 

Міністр

Р.І.Чарнецкі

 

ЗАЦВЕРДЖАНА Пастанова Міністэрства культуры Рэспублікі Беларусь 23.10.2025 № 117

Праект зон аховы нерухомых матэрыяльных гісторыка-культурных каштоўнасцей, размешчаных у в. Дарашэвічы Петрыкаўскага раёна Гомельскай вобласці

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомых матэрыяльных гісторыка-культурных каштоўнасцей, размешчаных у в. Дарашэвічы Петрыкаўскага раёна Гомельскай вобласці (далей – праект зон аховы), распрацаваны на падставе пунктаў 2 і 3 артыкула 105 Кодэкса Рэспублікі Беларусь аб культуры.

2. Праект зон аховы распрацаваны для наступных нерухомых матэрыяльных гісторыка-культурных каштоўнасцей катэгорыі «3» (далей – гісторыка-культурныя каштоўнасці), уключаных у Дзяржаўны спіс гісторыка-культурных каштоўнасцей Рэспублікі Беларусь:

«Парк» у в. Дарашэвічы Петрыкаўскага раёна Гомельскай вобласці, шыфр 313Г000563;

«Брацкая магіла» ў в. Дарашэвічы Петрыкаўскага раёна Гомельскай вобласці, шыфр 313Д000564.

3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе дзяржаўнай прыродаахоўнай установы «Нацыянальны парк «Прыпяцкі».

4. Праект зон аховы распрацаваны з мэтай забеспячэння захавання гісторыка-культурных каштоўнасцей і іх навакольнага асяроддзя, заключаецца ў вызначэнні межаў тэрыторый гісторыка-культурных каштоўнасцей, ахоўнай зоны гісторыка-культурных каштоўнасцей (далей – ахоўная зона), зоны рэгулявання забудовы гісторыка-культурных каштоўнасцей (далей – зона рэгулявання забудовы), зоны аховы ландшафту гісторыка-культурных каштоўнасцей (далей – зона аховы ландшафту), зоны аховы культурнага пласта (слоя) гісторыка-культурных каштоўнасцей (далей – зона аховы культурнага пласта (слоя) і іх межаў, рэжымаў іх утрымання і выкарыстання.

5. Праект зон аховы распрацаваны на падставе архіўна-бібліяграфічных даследаванняў, аналізу горадабудаўнічай сітуацыі і ландшафту.

Схема зон аховы гісторыка-культурных каштоўнасцей дадаецца (дадатак 1).

Табліца каардынат паваротных кропак дадаецца (дадатак 2).

ГЛАВА 2
ТЭРЫТОРЫІ ГІСТОРЫКА-КУЛЬТУРНЫХ КАШТОЎНАСЦЕЙ. АХОЎНАЯ ЗОНА

6. Тэрыторыя гісторыка-культурнай каштоўнасці «Парк» вызначана па межах мэтавага зямельнага ўчастка з кадастравым нумарам 324300000001002175.

7. Тэрыторыя гісторыка-культурнай каштоўнасці «Брацкая магіла» вызначана па межах мэтавага зямельнага ўчастка з кадастравым нумарам 324381400001000141.

Гісторыка-культурная каштоўнасць «Брацкая магіла» знаходзіцца на тэрыторыі гісторыка-культурнай каштоўнасці «Парк».

8. Ахоўная зона ўстаноўлена для забеспячэння захавання гісторыка-культурных каштоўнасцей і іх навакольнага асяроддзя, архітэктурна-мастацкай і прыроднай якасцей гісторыка-культурных каштоўнасцей, найлепшага іх зрокавага ўспрымання.

Ахоўная зона супадае з тэрыторыяй гісторыка-культурнай каштоўнасці «Парк».

9. Мяжой тэрыторыі гісторыка-культурнай каштоўнасці «Парк» і ахоўнай зоны згодна з дадаткам 1 з’яўляецца ўмоўная лінія, якая ідзе ад кропкі 1 па мяжы мэтавага зямельнага ўчастка з кадастравым нумарам 324300000001002175 праз кропкі 2–3–4–5–6–7–8–9–10–11–12–13–14–15–16–17–18–19–20–21–22–23 да кропкі 1.

10. Мяжой тэрыторыі гісторыка-культурнай каштоўнасці «Брацкая магіла» згодна з дадаткам 1 з’яўляецца ўмоўная лінія, якая ідзе ад кропкі 24 па мяжы мэтавага зямельнага ўчастка з кадастравым нумарам 324381400001000141 праз кропкі 25–26–27 да кропкі 24.

11. На тэрыторыях гісторыка-культурных каштоўнасцей і ахоўнай зоны забараняецца:

знішчэнне, прычыненне шкоды, пагаршэнне тэхнічнага стану гісторыка-культурных каштоўнасцей і іх элементаў;

выкананне рамонтна-рэстаўрацыйных работ на гісторыка-культурных каштоўнасцях без навукова-праектнай дакументацыі, распрацаванай і ўзгодненай ва ўстаноўленым парадку;

узвядзенне (будаўніцтва) будынкаў і збудаванняў, акрамя: аднаўлення страчанай гістарычнай забудовы і планіроўкі парка на падставе навукова-праектнай дакументацыі; пракладкі падземных інжынерных камунікацый або рэканструкцыі існуючых інжынерных сетак і транспартных камунікацый з выкананнем добраўпарадкавання без пашкоджання зялёных насаджэнняў;

знішчэнне, прычыненне шкоды памятнаму камню;

добраўпарадкаванне, азеляненне, размяшчэнне (усталяванне) сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых асаблівасцей ландшафту і элементаў гісторыка-культурных каштоўнасцей;

выкарыстанне пры выкананні рамонтна-рэстаўрацыйных работ на гісторыка-культурных каштоўнасцях (у тым ліку па добраўпарадкаванні) нехарактэрных гістарычным: матэрыялаў і прыёмаў пакрыцця дарог, элементаў азелянення, малых архітэктурных форм;

навукова неабгрунтаваная змена існуючага рэльефу;

высечка дрэў, акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным;

ажыццяўленне на тэрыторыі брацкай магілы дзейнасці без выканання патрабаванняў Палажэння аб парадку добраўпарадкавання воінскіх пахаванняў і пахаванняў ахвяр войнаў, зацверджанага пастановай Савета Міністраў Рэспублікі Беларусь ад 17 верасня 2018 г. № 675.

ГЛАВА 3
ЗОНА РЭГУЛЯВАННЯ ЗАБУДОВЫ

12. Зона рэгулявання забудовы ўстаноўлена з мэтай рэгламентавання маштабу новага будаўніцтва і рэканструкцыі існуючай забудовы на тэрыторыі, якая прылягае да гісторыка-культурных каштоўнасцей.

13. Мяжой зоны рэгулявання забудовы згодна з дадаткам 1 з’яўляецца:

на паўночным усходзе – умоўная лінія, якая ідзе ад кропкі 34 уздоўж паўночна-ўсходняга боку праезнай часткі дарогі да кропкі 22; далей уздоўж мяжы тэрыторыі гісторыка-культурнай каштоўнасці «Парк» і ахоўнай зоны праз кропкі 21–20–19–18–17–16–15–14–13–12–11 да кропкі 10;

на паўднёвым усходзе – умоўная лінія, якая ідзе ад кропкі 10 уздоўж левага берага старарэчча Дубнік да кропкі 28;

на паўднёвым захадзе – умоўная лінія, якая ідзе ад кропкі 28 праз зямельны ўчастак для абслугоўвання артэзіянскай свідравіны да кропкі 29; далей уздоўж межаў зямельных участкаў па вул. Саўгаснай, 6А, 5А, 5, 4А праз кропкі 30–31 да кропкі 32; далей на паўночны захад да кропкі 33;

на захадзе – умоўная лінія, якая ідзе ад кропкі 33 уздоўж заходняй мяжы зямельнага ўчастка па вул. Саўгаснай, 25 і ў створы з ёй да кропкі 34.

14. На тэрыторыі зоны рэгулявання забудовы забараняецца:

узвядзенне будынкаў і збудаванняў вышэй за 10 м ад узроўню зямлі да ўзроўню вільчака даху і (або) з ужываннем неўласцівых, дысануючых матэрыялаў;

рэканструкцыя існуючых будынкаў і збудаванняў, якая прадугледжвае павелічэнне вышыні больш за 10 м ад узроўню зямлі да ўзроўню вільчака даху;

размяшчэнне прамысловых прадпрыемстваў, камунальна-складскіх і транспартных аб’ектаў і іншых збудаванняў, якія ў тым ліку павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі, за выключэннем аб’ектаў, якія забяспечваюць спрыяльнае і бяспечнае асяроддзе жыццядзейнасці насельніцтва.

ГЛАВА 4
ЗОНА АХОВЫ ЛАНДШАФТУ

15. Зона аховы ландшафту ўстаноўлена з мэтай захавання гістарычнага асяроддзя і прыродных панарам наваколля, візуальна і гістарычна звязаных з гісторыка-культурнымі каштоўнасцямі.

Зона аховы ландшафту складаецца з двух участкаў.

16. Мяжой першага ўчастка зоны аховы ландшафту згодна з дадаткам 1 з’яўляецца:

на паўночным захадзе – умоўная лінія, якая ідзе ад кропкі 34 на паўночны ўсход праз кропкі 35–36 да кропкі 37; далей уздоўж пасадкі дрэў праз кропкі 38–39–40 да кропкі 41;

на паўночным усходзе – умоўная лінія, якая ідзе ад кропкі 41 уздоўж праезнай часткі дарогі да кропкі 42;

на ўсходзе – умоўная лінія, якая ідзе ад кропкі 42 уздоўж паўночна-заходніх межаў зямельных участкаў па вул. Савецкай, 1А, 1 у в. Галубіца да кропкі 43;

на поўдні, паўднёвым захадзе – умоўная лінія, якая ідзе ад кропкі 43 уздоўж левага берага р. Прыпяць да кропкі 2; далей па мяжы тэрыторыі гісторыка-культурнай каштоўнасці «Парк» і ахоўнай зоны праз кропкі 1–23 да кропкі 22; далей уздоўж паўночна-ўсходняга боку праезнай часткі дарогі да кропкі 34.

17. Мяжой другога ўчастка зоны аховы ландшафту згодна з дадаткам 1 з’яўляецца:

на ўсходзе – умоўная лінія, якая ідзе ад кропкі 4 па мяжы зямельнага ўчастка з кадастравым нумарам 324300000001001968 да кропкі 44;

на поўдні – умоўная лінія, якая ідзе ад кропкі 44 на захад праз кропкі 45–46–47 да кропкі 48;

на паўднёвым захадзе – умоўная лінія, якая ідзе ад кропкі 48 уздоўж правага берага старарэчча Дубнік да кропкі 49; далей праз старарэчча Дубнік да кропкі 28;

на паўночным захадзе – умоўная лінія, якая ідзе ад кропкі 28 уздоўж левага берага старарэчча Дубнік да кропкі 10; далей па мяжы тэрыторыі гісторыка-культурнай каштоўнасці «Парк» і ахоўнай зоны праз кропкі 9–8–7–6–5 да кропкі 4.

18. На тэрыторыі зоны аховы ландшафту забараняецца:

узвядзенне новых будынкаў і збудаванняў, акрамя пракладкі ці рэканструкцыі падземных інжынерных камунікацый;

знішчэнне, прычыненне шкоды памятнаму камню;

ажыццяўленне гаспадарчай ці іншай дзейнасці, якая можа прывесці да змены характару гістарычнага ландшафту, да пашкоджання ці знішчэння дрэў, акрамя аднаўлення гістарычных рэльефаў прыроднага і антрапагеннага паходжання;

добраўпарадкаванне і азеляненне, якія ствараюць перашкоды для візуальнага ўспрымання гісторыка-культурных каштоўнасцей;

высечка дрэў, акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў.

ГЛАВА 5
ЗОНА АХОВЫ КУЛЬТУРНАГА ПЛАСТА (СЛОЯ)

19. Зона аховы культурнага пласта (слоя) устаноўлена для захавання, выяўлення і даследавання археалагічных аб’ектаў, артэфактаў на месцах страчаных гістарычных сядзібных будынкаў (збудаванняў).

Зона аховы культурнага пласта (слоя) устаноўлена ў заходняй і ўсходняй частках тэрыторыі гісторыка-культурнай каштоўнасці «Парк» і ахоўнай зоны.

Зона аховы культурнага пласта (слоя) складаецца з двух участкаў.

20. Мяжой першага ўчастка зоны аховы культурнага пласта (слоя) (тэрыторыя страчанага сядзібнага дома) згодна з дадаткам 1 з’яўляецца:

на паўночным усходзе – умоўная лінія, якая ідзе ад кропкі 50 на паўднёвы ўсход да кропкі 51;

на паўднёвым усходзе – умоўная лінія, якая ідзе ад кропкі 51 на паўднёвы захад да кропкі 52;

на паўднёвым захадзе – умоўная лінія, якая ідзе ад кропкі 52 на паўночны захад да кропкі 53;

на паўночным захадзе – умоўная лінія, якая ідзе ад кропкі 53 на паўночны ўсход да кропкі 50.

21. Мяжой другога ўчастка зоны аховы культурнага пласта (слоя) (тэрыторыя страчанай капліцы) згодна з дадаткам 1 з’яўляецца:

на ўсходзе – умоўная лінія, якая ідзе ад кропкі 54 на поўдзень да кропкі 17;

на поўдні, захадзе – умоўная лінія, якая ідзе ад кропкі 17 уздоўж мяжы тэрыторыі гісторыка-культурнай каштоўнасці «Парк» і ахоўнай зоны праз кропкі 18–19–20–21 да кропкі 22;

на паўночным захадзе – умоўная лінія, якая ідзе ад кропкі 22 на поўнач да кропкі 54.

22. На тэрыторыі зоны аховы культурнага пласта (слоя) забараняецца выкананне земляных, будаўнічых і меліярацыйных работ без прыняцця мер па ахове археалагічных аб’ектаў у адпаведнасці з артыкуламі 129 і 130 Кодэкса Рэспублікі Беларусь аб культуры.

 

 

Дадатак 1 да праекта зон аховы нерухомых матэрыяльных гісторыка-культурных каштоўнасцей, размешчаных у в. Дарашэвічы Петрыкаўскага раёна Гомельскай вобласці

СХЕМА ЗОН АХОВЫ ГІСТОРЫКА-КУЛЬТУРНЫХ КАШТОЎНАСЦЕЙ

 

 

Дадатак 2 да праекта зон аховы нерухомых матэрыяльных гісторыка-культурных каштоўнасцей, размешчаных у в. Дарашэвічы Петрыкаўскага раёна Гомельскай вобласці

ТАБЛІЦА КААРДЫНАТ ПАВАРОТНЫХ КРОПАК

№ п.к.	п.ш.	у.д.	№ п.к.	п.ш.	у.д.
1	52,108 904	28,264 484	28	52,104 211	28,256 951
2	52,107 892	28,265 508	29	52,104 503	28,256 389
3	52,107 315	28,264 356	30	52,104 577	28,256 486
4	52,106 519	28,263 642	31	52,104 642	28,256 349
5	52,106 472	28,263 338	32	52,105 476	28,257 069
6	52,106 568	28,263 234	33	52,106 923	28,253 992
7	52,106 407	28,262 535	34	52,107 719	28,254 06
8	52,106 473	28,262 208	35	52,108 301	28,255 306
9	52,106 153	28,261 061	36	52,108 177	28,256 292
10	52,105 349	28,259 085	37	52,108 735	28,262 354
11	52,105 876	28,258 144	38	52,113 154	28,258 31
12	52,105 963	28,258 218	39	52,113 124	28,258 552
13	52,106 037	28,258 114	40	52,108 683	28,262 789
14	52,106 122	28,258 063	41	52,111 365	28,271 16
15	52,106 702	28,256 271	42	52,110 465	28,275 306
16	52,106 748	28,256 302	43	52,108 874	28,274 424
17	52,106 789	28,256 131	44	52,104 002	28,264 115
18	52,106 748	28,256 087	45	52,104 132	28,263 208
19	52,106 835	28,255 615	46	52,103 296	28,261 266
20	52,106 65	28,255 386	47	52,103 302	28,260 335
21	52,107 083	28,255 091	48	52,102 655	28,256 668
22	52,107 146	28,255 139	49	52,102 997	28,256 396
23	52,108 103	28,261 962	50	52,108 5	28,263 389
24	52,105 84	28,259 629	51	52,107 444	28,264 437
25	52,105 816	28,259 664	52	52,106 896	28,263 305
26	52,105 787	28,259 612	53	52,108 063	28,262 178
27	52,105 809	28,259 577	54	52,107 299	28,256 251