Постановление № 84 (Постановление Министерства культуры Республики Беларусь от 2 ноября 2022 г. №84 «Аб зацвярджэннi праекта зон аховы нерухомай матэрыяльнай гiсторыка-культурнай каштоўнасцi "Мемарыяльны комплекс "Буйнiцкае поле" са збудаваннямi i прадметамi ўзбраення" ў г. Магiлёве Магiлёўскай вобласцi каля в. Буйнiчы Магiлёўскага раёна Магiлёўскай вобласцi.»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

2 лістапада 2022 г. № 84

Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці

На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць праект зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці (дадаецца).

2. Прызнаць страціўшымі сілу:

пастанову Міністэрства культуры Рэспублікі Беларусь ад 12 верасня 2016 г. № 36 «Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення ў межах згодна дадатку каля в. Буйнічы Магілёўскага раёна»;

пастанову Міністэрства культуры Рэспублікі Беларусь ад 20 кастрычніка 2021 г. № 66 «Аб змяненні пастановы Міністэрства культуры Рэспублікі Беларусь ад 12 верасня 2016 г. № 36».

3. Дадзеная пастанова ўступае ў сілу пасля яе афіцыйнага апублікавання.

 

Міністр

А.М.Маркевіч

 

ЗАЦВЕРДЖАНА Пастанова Міністэрства культуры Рэспублікі Беларусь 02.11.2022 № 84

Праект зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 513Д000048.

3. Праект зон аховы распрацаваны ўнітарным вытворчым камунальным прадпрыемствам «Цэнтр па рэстаўрацыі» па заказе таварыства з абмежаванай адказнасцю «Кансалтынг-буд».

4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, зон аховы гісторыка-культурнай каштоўнасці і іх межаў, рэжымаў утрымання і выкарыстання зон аховы гісторыка-культурнай каштоўнасці.

5. Праект зон аховы распрацаваны на падставе гісторыка-архіўных, бібліяграфічных і натурных даследаванняў, аналізу існуючага навакольнага асяроддзя і ландшафту.

6. Праектам зон аховы ўстаноўлены тэрыторыя гісторыка-культурнай каштоўнасці, ахоўная зона гісторыка-культурнай каштоўнасці (далей – ахоўная зона) і зона рэгулявання забудовы гісторыка-культурнай каштоўнасці (далей – зона рэгулявання забудовы).

Схема зон аховы гісторыка-культурнай каштоўнасці дадаецца (дадатак 1).

Пералік кропак каардынат дадаецца (дадатак 2).

ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ

7. Тэрыторыя гісторыка-культурнай каштоўнасці ўстаноўлена ў адпаведнасці з дадаткам 1.

8. Мяжой тэрыторыі гісторыка-культурна каштоўнасці з’яўляюцца:

на поўначы – ламаная лінія, якая ідзе ад кропкі № 1 да кропкі № 2, далей ад кропкі № 3 да кропкі № 4, далей ад кропкі № 5 да кропкі № 6;

на ўсходзе – умоўная лінія, якая ідзе ўздоўж праезнай часткі аўтамабільнай дарогі Р-93 «Магілёў–Бабруйск» ад кропкі № 6 да кропкі № 7;

на поўдні – умоўная лінія, якая перасякае праезную частку аўтамабільнай дарогі Р-93 «Магілёў–Бабруйск» ад кропкі № 7 да кропкі № 8, далей у накірунку да аўтамабільнай дарогі Н-11007 «Буйнічы–Цішоўка–Севасцьянавічы–Сенькава–Ільінка» (далей – аўтамабільная дарога Н-11007) ад кропкі № 9 паралельна аўтамабільнай дарозе Н-11007 да кропкі № 10, далей ад кропкі № 11 да кропкі № 12;

на захадзе – умоўная лінія, якая ідзе ўздоўж заходняга краю праезнай часткі вул. Легендарнай у в. Буйнічы Магілёўскага раёна Магілёўскай вобласці ад кропкі № 12 да кропкі № 1.

9. Пры ажыццяўленні дзейнасці на тэрыторыі гісторыка-культурнай каштоўнасці павінны выконвацца патрабаванні:

Кодэкса Рэспублікі Беларусь аб культуры;

Палажэння аб парадку добраўпарадкавання воінскіх пахаванняў і пахаванняў ахвяр войнаў, зацверджанага пастановай Савета Міністраў Рэспублікі Беларусь ад 17 верасня 2018 г. № 675.

ГЛАВА 3
АХОЎНАЯ ЗОНА

10. Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці і стварэння спрыяльных умоў для яе ўспрымання.

Ахоўная зона супадае з тэрыторыяй гісторыка-культурнай каштоўнасці.

11. На тэрыторыі ахоўнай зоны забараняецца:

узвядзенне будынкаў і збудаванняў, акрамя храмавага комплексу ў паўднёва-заходняй частцы ахоўнай зоны з боку вул. Легендарнай у в. Буйнічы Магілёўскага раёна Магілёўскай вобласці;

пракладка надземных інжынерных камунікацый;

усталяванне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых асаблівасцей, элементаў і дэталей архітэктурнага дэкору гісторыка-культурнай каштоўнасці.

ГЛАВА 4
ЗОНА РЭГУЛЯВАННЯ ЗАБУДОВЫ

12. Зона рэгулявання забудовы ўстаноўлена зыходзячы з неабходнасці рэгламентавання маштабу новага будаўніцтва і рэканструкцыі існуючай забудовы на тэрыторыі, якая непасрэдна прылягае да гісторыка-культурнай каштоўнасці.

13. Зона рэгулявання забудовы ўстаноўлена ў адпаведнасці з дадаткам 1.

Мяжой зоны рэгулявання забудовы з’яўляюцца:

на поўначы – умоўная лінія, якая ідзе ад кропкі № 19 да кропкі № 20, праходзіць па паўночным фасадзе будынка № 9 па вул. Легендарнай у в. Буйнічы Магілёўскага раёна Магілёўскай вобласці і далей да перасячэння з кропкай № 1;

на ўсходзе – умоўная лінія, якая ідзе ўздоўж заходняга краю праезнай часткі вул. Легендарнай у в. Буйнічы Магілёўскага раёна Магілёўскай вобласці ад кропкі № 1 да кропкі № 12;

на поўдні – умоўная лінія, якая ідзе ад кропкі № 12 да кропкі № 13 і супадае з паўночным краем праезнай часткі аўтамабільнай дарогі Н-11007;

на захадзе – умоўная лінія, якая ідзе ад кропкі № 13 да кропкі № 14, далей праходзіць па заходнім фасадзе будынка № 8 па вул. Легендарнай у в. Буйнічы Магілёўскага раёна Магілёўскай вобласці, далей да кропкі № 15, далей да кропкі № 16, далей праходзіць па заходнім фасадзе будынкаў № 6 і № 7 па вул. Легендарнай у в. Буйнічы Магілёўскага раёна Магілёўскай вобласці да кропкі № 17, далей у створы з паўднёвым краем праезнай часткі мясцовага праезду да кропкі № 18, далей праходзіць па заходнім фасадзе будынка № 9 па вул. Легендарнай у в. Буйнічы Магілёўскага раёна Магілёўскай вобласці да кропкі № 19, якая знаходзіцца з боку паўночнага фасада будынка № 9 па вул. Легендарнай у в. Буйнічы Магілёўскага раёна Магілёўскай вобласці.

14. На тэрыторыі зоны рэгулявання забудовы забараняецца:

будаўніцтва будынкаў і збудаванняў вышэй 20 м ад узроўню глебы да вышэйшай кропкі даху;

размяшчэнне прамысловых прадпрыемстваў, гандлёва-складскіх аб’ектаў і іншых збудаванняў, якія павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі;

узвядзенне транспартных магістралей і развязак, эстакад, мастоў і іншых інжынерных збудаванняў;

усталяванне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых асаблівасцей, элементаў і дэталей архітэктурнага дэкору гісторыка-культурнай каштоўнасці.

 

 

Дадатак 1 да праекта зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці

СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ

 

 

Дадатак 2 да праекта зон аховы нерухомай матэрыяльнай гісторыка-культурнай каштоўнасці «Мемарыяльны комплекс «Буйніцкае поле» са збудаваннямі і прадметамі ўзбраення» ў г. Магілёве Магілёўскай вобласці каля в. Буйнічы Магілёўскага раёна Магілёўскай вобласці

ПЕРАЛІК КРОПАК КААРДЫНАТ

1	53.864395	30.252965		11	53.860554	30.249938
2	53.864053	30.253239		12	53.860778	30.249912
3	53.863414	30.255846		13	53.860897	30.249157
4	53.863120	30.256570		14	53.861160	30.249308
5	53.863295	30.258601		15	53.861788	30.249343
6	53.863255	30.259189		16	53.861783	30.249785
7	53.859060	30.257227		17	53.863772	30.250042
8	53.859143	30.256935		18	53.863767	30.250660
9	53.859434	30.256729		19	53.864610	30.250651
10	53.860375	30.250599		20	53.864628	30.251647