 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
30 кастрычніка 2025 г. № 127
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Свята-Пакроўская царква» (інв. № 621/С-18257) па вул. Садовай, 1А ў в. Вялікая Ліпа Нясвіжскага раёна Мінскай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Свята-Пакроўская царква» (інв. № 621/С-18257) па вул. Садовай, 1А ў в. Вялікая Ліпа Нясвіжскага раёна Мінскай вобласці (дадаецца).
2. Гэта пастанова ўступае ў сілу пасля яе афіцыйнага апублікавання.
|
Міністр |
Р.І.Чарнецкі |
|
|
Пастанова |
Праект зон аховы нерухомай матэрыяльнай гісторыка-культурнай каштоўнасці «Свята-Пакроўская царква» (інв. № 621/С-18257) па вул. Садовай, 1А ў в. Вялікая Ліпа Нясвіжскага раёна Мінскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Свята-Пакроўская царква» (інв. № 621/С-18257) па вул. Садовай, 1А ў в. Вялікая Ліпа Нясвіжскага раёна Мінскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Свята-Пакроўская царква» (інв. № 621/С-18257) па вул. Садовай, 1А ў в. Вялікая Ліпа Нясвіжскага раёна Мінскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 613Г000485.
3. Праект зон аховы распрацаваны праектным прыватным унітарным прадпрыемствам «ГАЗБУДПРАЕКТ» па заказе прыходу храма Покрыва Прасвятой Багародзіцы ў в. Вялікая Ліпа Нясвіжскага раёна Мінскай вобласці Слуцкай епархіі Беларускай Праваслаўнай Царквы.
4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона), зоны рэгулявання забудовы гісторыка-культурнай каштоўнасці (далей – зона рэгулявання забудовы), зоны аховы ландшафту гісторыка-культурнай каштоўнасці (далей – зона аховы ландшафту) і іх межаў, рэжымаў іх утрымання і выкарыстання.
5. Праект зон аховы распрацаваны на падставе архіўна-бібліяграфічных даследаванняў, аналізу горадабудаўнічай сітуацыі і ландшафту.
Схема зон аховы гісторыка-культурнай каштоўнасці дадаецца (дадатак 1).
Табліца каардынат паваротных кропак дадаецца (дадатак 2).
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ
6. Тэрыторыя гісторыка-культурнай каштоўнасці вызначана па межах брукаванай пляцоўкі вакол царквы і пешаходнай сувязі з ёй.
7. Мяжой тэрыторыі гісторыка-культурнай каштоўнасці згодна з дадаткам 1 з’яўляецца:
на ўсходзе – умоўная лінія, якая ідзе ад кропкі 1 уздоўж брукаванай дарожкі праз кропкі 2–3 да кропкі 4;
на поўдні, захадзе, поўначы – умоўная лінія, якая ідзе ад кропкі 4 уздоўж брукаванай пляцоўкі вакол царквы праз кропкі 5–6–7–8–9–10–11 да кропкі 1.
8. На тэрыторыі гісторыка-культурнай каштоўнасці забараняецца:
знішчэнне, прычыненне шкоды, пагаршэнне тэхнічнага стану гісторыка-культурнай каштоўнасці, а таксама навукова неабгрунтаванае змяненне яе аб’ёмна-прасторавага і архітэктурнага рашэнняў, пагаршэнне ўмоў іх успрымання;
узвядзенне будынкаў і збудаванняў;
добраўпарадкаванне і (або) азеляненне з ужываннем неўласцівых і дысануючых гістарычнаму асяроддзю матэрыялаў, якія, у тым ліку, ствараюць перашкоды для візуальнага ўспрымання гісторыка-культурнай каштоўнасці.
ГЛАВА 3
АХОЎНАЯ ЗОНА
9. Ахоўная зона ўстаноўлена для забеспячэння захавання гісторыка-культурнай каштоўнасці і яе навакольнага асяроддзя, найлепшага зрокавага ўспрымання гісторыка-культурнай каштоўнасці.
У ахоўную зону ўваходзіць тэрыторыя гісторыка-культурнай каштоўнасці.
10. Мяжой ахоўнай зоны згодна з дадаткам 1 з’яўляецца ўмоўная лінія, якая ідзе ад кропкі 12 па вонкавай мяжы мураванай царкоўнай агароджы праз кропкі 13–14–15–16–17–18–19–20–2–3 да кропкі 12.
11. На тэрыторыі ахоўнай зоны забараняецца:
узвядзенне новых будынкаў і збудаванняў;
знішчэнне, прычыненне шкоды, дэмантаж каштоўнага гісторыка-архітэктурнага асяроддзя (званіца, капліца-пахавальня, капліца, мураваная агароджа), яго рэканструкцыя і рэстаўрацыя без захавання і аднаўлення гістарычнага аблічча на падставе комплексных навуковых даследаванняў;
замена (дэмантаж) гістарычных надмагільных помнікаў і агароджаў (мастацкае ліццё, коўка, разьба па камені, скульптура і іншыя элементы), якія маюць духоўныя, мастацкія і (або) дакументальныя вартасці, наяўнасць якіх пацверджана фактычна;
правядзенне работ па добраўпарадкаванні і азеляненні, усталяванне сродкаў вонкавай рэкламы, якія пагаршаюць візуальнае ўспрыманне гісторыка-культурнай каштоўнасці;
высечка дрэў, акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў.
ГЛАВА 4
ЗОНА РЭГУЛЯВАННЯ ЗАБУДОВЫ
12. Зона рэгулявання забудовы вызначана зыходзячы з неабходнасці рэгламентавання маштабу новага будаўніцтва і рэканструкцыі існуючай забудовы на тэрыторыях, якія прылягаюць да гісторыка-культурнай каштоўнасці, захавання неабходных умоў успрымання гісторыка-культурнай каштоўнасці.
Зона рэгулявання забудовы складаецца з двух участкаў.
13. Мяжой першага ўчастка зоны рэгулявання забудовы згодна з дадаткам 1 з’яўляецца:
на захадзе – умоўная лінія, якая ідзе ад кропкі 21 на поўнач у створы з заходняй мяжой зямельнага ўчастка па вул. Садовай, 1 і далей па гэтай мяжы да кропкі 22;
на поўначы – умоўная лінія, якая ідзе ад кропкі 22 па паўночнай мяжы зямельнага ўчастка па вул. Садовай, 1 і далей у створы з гэтай мяжой да кропкі 17;
на ўсходзе – умоўная лінія, якая ідзе ад кропкі 17 па заходняй мяжы ахоўнай зоны праз кропкі 16–15 да кропкі 14;
на поўдні – умоўная лінія, якая ідзе ад кропкі 14 уздоўж мясцовага праезда да кропкі 21.
14. Мяжой другога ўчастка зоны рэгулявання забудовы згодна з дадаткам 1 з’яўляецца:
на паўночным усходзе – умоўная лінія, якая ідзе ад кропкі 23 на поўдзень па паўночна-ўсходняй мяжы зямельнага ўчастка па вул. Садовай, 2 да кропкі 24;
на паўднёвым усходзе – умоўная лінія, якая ідзе ад кропкі 24 уздоўж вул. Садовай да кропкі 25;
на паўднёвым захадзе – умоўная лінія, якая ідзе ад кропкі 25 па паўднёва-заходняй мяжы зямельнага ўчастка па вул. Садовай, 4 да кропкі 26;
на поўначы – умоўная лінія, якая ідзе ад кропкі 26 па паўночна-заходняй мяжы зямельных участкаў па вул. Садовай, 4, 2 праз кропкі 27–28 да кропкі 23.
15. На тэрыторыі зоны рэгулявання забудовы забараняецца:
узвядзенне будынкаў і збудаванняў вышэй за 8 м ад узроўню зямлі да ўзроўню вільчака даху;
узвядзенне будынкаў і збудаванняў без выкарыстання традыцыйных аб’ёмна-прасторавых і колеравых рашэнняў, а таксама без уласцівых гістарычнаму асяроддзю будаўнічых матэрыялаў;
рэканструкцыя з надбудовай існуючых будынкаў і збудаванняў вышэй за 8 м ад узроўню зямлі да ўзроўню вільчака даху;
усталяванне з боку зямельных участкаў агароджы без выкарыстання традыцыйных формаў, матэрыялаў і колераў;
размяшчэнне прамысловых прадпрыемстваў, камунальна-складскіх і транспартных збудаванняў, якія павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі, за выключэннем аб’ектаў, якія забяспечваюць спрыяльнае і бяспечнае асяроддзе жыццядзейнасці насельніцтва.
ГЛАВА 5
ЗОНА АХОВЫ ЛАНДШАФТУ
16. Зона аховы ландшафту ўстаноўлена для забеспячэння найлепшага візуальнага ўспрымання гісторыка-культурнай каштоўнасці, захавання навакольнага асяроддзя і ландшафту, візуальна звязаных з гісторыка-культурнай каштоўнасцю.
17. Мяжой зоны аховы ландшафту згодна з дадаткам 1 з’яўляецца:
на поўначы – умоўная лінія, якая ідзе ад кропкі 23 уздоўж мясцовага праезду праз кропкі 29–30 да кропкі 31;
на паўднёвым усходзе – умоўная лінія, якая ідзе ад кропкі 31 уздоўж праезнай часткі вул. Садовай праз кропку 32 да кропкі 24;
на паўднёвым захадзе – умоўная лінія, якая ідзе ад кропкі 24 па мяжы другога ўчастка зоны рэгулявання забудовы да кропкі 23.
18. На тэрыторыі зоны аховы ландшафту забараняецца:
узвядзенне будынкаў і збудаванняў, акрамя інжынерных камунікацый;
добраўпарадкаванне ці азеляненне, усталяванне сродкаў вонкавай рэкламы, якія парушаюць характар традыцыйнага ландшафту і рэльефу, ствараюць перашкоды для візуальнага ўспрымання аб’ёмна-прасторавых асаблівасцей гісторыка-культурнай каштоўнасці;
высечка дрэў, акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў.
|
|
да праекта зон аховы нерухомай |
СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ
|
|
да праекта зон аховы нерухомай |
ТАБЛІЦА КААРДЫНАТ ПАВАРОТНЫХ КРОПАК
|
№ п.к. |
Геаграфічныя каардынаты |
№ п.к. |
Геаграфічныя каардынаты |
|
1 |
53.242753, 26.499541 |
17 |
53.243332, 26.498938 |
|
2 |
53.242764, 26.500032 |
18 |
53.243318, 26.499429 |
|
3 |
53.242728, 26.500029 |
19 |
53.243221, 26.499882 |
|
4 |
53.242714, 26.499539 |
20 |
53.243090, 26.500008 |
|
5 |
53.242631, 26.499453 |
21 |
53.242422, 26.498130 |
|
6 |
53.242618, 26.499198 |
22 |
53.243387, 26.498074 |
|
7 |
53.242640, 26.499085 |
23 |
53.242419, 26.499085 |
|
8 |
53.242724, 26.499024 |
24 |
53.241984, 26.499426 |
|
9 |
53.242786, 26.499056 |
25 |
53.241680, 26.498670 |
|
10 |
53.242807, 26.499174 |
26 |
53.242329, 26.498152 |
|
11 |
53.242818, 26.499480 |
27 |
53.242399, 26.498399 |
|
12 |
53.242576, 26.499968 |
28 |
53.242433, 26.498879 |
|
13 |
53.242491, 26.499528 |
29 |
53.242412, 26.499616 |
|
14 |
53.242496, 26.498959 |
30 |
53.242451, 26.499834 |
|
15 |
53.242554, 26.498922 |
31 |
53.242550, 26.500056 |
|
16 |
53.243277, 26.498887 |
32 |
53.242337, 26.500013 |