|
Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
30 чэрвеня 2026 г. № 79
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Форт № 4» у в. Стрэльчакі Гродзенскага раёна Гродзенскай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Форт № 4» у в. Стрэльчакі Гродзенскага раёна Гродзенскай вобласці (дадаецца).
2. Гэта пастанова ўступае ў сілу праз 15 дзён пасля яе прыняцця.
|
Міністр |
М.С.Маркаў |
|
|
Пастанова 30.06.2026 № 79 |
Праект зон аховы нерухомай матэрыяльнай гісторыка-культурнай каштоўнасці «Форт № 4» у в. Стрэльчакі Гродзенскага раёна Гродзенскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Форт № 4» у в. Стрэльчакі Гродзенскага раёна Гродзенскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Форт № 4» у в. Стрэльчакі Гродзенскага раёна Гродзенскай вобласці з’яўляецца нерухомай матэрыяльнай гісторыка-культурнай каштоўнасцю (далей – гісторыка-культурная каштоўнасць) у складзе комплекснай нерухомай матэрыяльнай гісторыка-культурнай каштоўнасці катэгорыі «2» – «Фартыфікацыйныя збудаванні Гродзенскай крэпасці», якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 412Д000677.
3. Праект зон аховы распрацаваны навукова-даследчым праектна-вышукальным рэспубліканскім унітарным прадпрыемствам «Інстытут «Белжылпраект» па заказе дзяржаўнай установы «Гродзенскі раённы міжгаліновы цэнтр для забеспячэння дзейнасці бюджэтных арганізацый і дзяржаўных органаў».
4. Праект зон аховы распрацаваны на падставе архіўна-бібліяграфічных, натурных даследаванняў і аналізу ландшафту з мэтай забеспячэння захавання гісторыка-культурнай каштоўнасці і яе навакольнага асяроддзя і заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона) і яе мяжы, рэжымаў іх утрымання і выкарыстання.
Схема зон аховы гісторыка-культурнай каштоўнасці дадаецца.
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ
5. Тэрыторыя гісторыка-культурнай каштоўнасці вызначана па межах існуючай тэрыторыі фартыфікацыйнага збудавання і знаходзіцца ў межах батанічнага помніка прыроды мясцовага значэння «Гродзенскія Фарты: Форт № 4» (далей – батанічны помнік прыроды), устаноўленых у дадатку 1 да рашэння Гродзенскага раённага выканаўчага камітэта ад 12 лютага 2018 г. № 102 «Аб аб’яўленні, пераўтварэнні помнікаў прыроды мясцовага значэння».
6. Мяжой тэрыторыі гісторыка-культурнай каштоўнасці згодна з дадаткам з’яўляецца ўмоўная лінія, якая ідзе ад кропкі 1 па ўнутраных межах паўднёва-заходняга боку зямельнага ўчастка з кадастравым нумарам 422000000009006129 праз кропкі 2–3–4 да кропкі 1.
7. На тэрыторыі гісторыка-культурнай каштоўнасці забараняецца:
знішчэнне, прычыненне шкоды, пагаршэнне тэхнічнага стану, дэмантаж гісторыка-культурнай каштоўнасці;
навукова не абгрунтаванае змяненне аб’ёмна-прасторавага і архітэктурнага рашэнняў гісторыка-культурнай каштоўнасці;
узвядзенне будынкаў і збудаванняў, акрамя інжынерных камунікацый;
добраўпарадкаванне і азеляненне без уліку тэматыкі і стылістыкі гісторыка-культурнай каштоўнасці;
правядзенне рамонтных і будаўнічых работ у адносінах да дысануючай забудовы, акрамя яе дэмантажу.
ГЛАВА 3
АХОЎНАЯ ЗОНА
8. Ахоўная зона ўстаноўлена для забеспячэння захавання гісторыка-культурнай каштоўнасці і яе навакольнага асяроддзя.
У ахоўную зону ўваходзіць тэрыторыя гісторыка-культурнай каштоўнасці.
9. Мяжой ахоўнай зоны згодна з дадаткам з’яўляецца ўмоўная лінія, якая ідзе ад кропкі 5 па гістарычных межах фартыфікацыйнага збудавання (у адпаведнасці з праектам 1912 г.) праз кропкі 6–7–8–9–1 да кропкі 5.
10. На тэрыторыі ахоўнай зоны забараняецца:
узвядзенне капітальных пабудоў (будынкаў, збудаванняў), акрамя аднаўлення фартыфікацыйных збудаванняў, якія маюць адносіны да гісторыка-культурнай каштоўнасці; узвядзення некапітальных пабудоў рэкрэацыйнага прызначэння, пракладкі неабходных інжынерных камунікацый;
добраўпарадкаванне і азеляненне, якія пагаршаюць успрыманне аб’ёмна-прасторавых асаблівасцей гісторыка-культурнай каштоўнасці;
высечка дрэў узростам 80 гадоў і болей без уліку рэжымаў аховы і выкарыстання батанічнага помніка прыроды;
выкананне земляных работ без прыняцця мер па ахове археалагічных аб’ектаў і артэфактаў у парадку, устаноўленым артыкуламі 129 і 130 Кодэкса Рэспублікі Беларусь аб культуры.
