 | Официальная правовая информация |
УКАЗ ПРЭЗІДЭНТА РЭСПУБЛІКІ БЕЛАРУСЬ
25 мая 2021 г. № 197
Аб афіцыйных геральдычных сімвалах
У мэтах захавання і развіцця традыцый эканамічных органаў Рэспублікі Беларусь пастанаўляю:
1. Заснаваць:
эмблему Міністэрства эканомікі;
флаг Міністэрства эканомікі.
2. Зацвердзіць:
Палажэнне аб эмблеме Міністэрства эканомікі, яе апісанне і выяву (прыкладаюцца);
Палажэнне аб флагу Міністэрства эканомікі, яго апісанне і выяву (прыкладаюцца).
3. Фінансаванне расходаў на выраб заснаваных дадзеным Указам афіцыйных геральдычных сімвалаў ажыццяўляць у межах сродкаў, прадугледжаных у рэспубліканскім бюджэце на ўтрыманне Міністэрства эканомікі.
4. Дадзены Указ уступае ў сілу пасля яго афіцыйнага апублікавання.
|
Прэзідэнт Рэспублікі Беларусь |
А.Лукашэнка |
|
|
Указ Прэзідэнта 25.05.2021 № 197 |
ПАЛАЖЭННЕ
аб эмблеме Міністэрства эканомікі
1. Эмблема Міністэрства эканомікі (далей – эмблема) з’яўляецца атрыбутам названага Міністэрства, яго адметным знакам.
2. Выява эмблемы размяшчаецца на флагу Міністэрства эканомікі, афіцыйным сайце ў глабальнай камп’ютарнай сетцы Інтэрнэт, ганаровых граматах Міністэрства эканомікі і падзяках Міністра эканомікі.
3. Выява эмблемы можа выкарыстоўвацца на друкаванай, рэкламнай, сувенірнай прадукцыі, а таксама ў іншых выпадках, якія не супярэчаць заканадаўству.
4. Дапускаецца ўзнаўленне выявы эмблемы ў каляровым, чорна-белым і аб’ёмным варыянтах.
5. Выява эмблемы можа размяшчацца ў службовых кабінетах Міністра эканомікі, яго намеснікаў і іншых месцах, якія вызначаюцца Міністрам эканомікі.
6. Пры адначасовым размяшчэнні Дзяржаўнага герба Рэспублікі Беларусь і эмблемы іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 г. № 301-З «О государственных символах Республики Беларусь».
|
|
Указ Прэзідэнта 25.05.2021 № 197 |
АПІСАННЕ
эмблемы Міністэрства эканомікі
Эмблема Міністэрства эканомікі (далей – эмблема) уяўляе сабой круг са стылізаваным малюнкам зямнога шара фіялетавага колеру на светла-шэрым фоне з паралелямі і мерыдыянамі светла-шэрага колеру і аблямоўкай серабрыстага колеру.
У цэнтры зямнога шара размешчаны контур тэрыторыі Рэспублікі Беларусь белага колеру з аблямоўкай фіялетавага колеру. Унутры контуру – стылізаваная слупкаватая дыяграма ў выглядзе дзевяці вертыкальных прамавугольнікаў белага колеру, абмежаваных зверху лініяй фіялетавага колеру, якая ўяўляе сабой па форме графік экспаненты і заканчваецца стрэлкай, накіраванай направа і ўверх.
Аблямоўка круга абмежавана лініямі фіялетавага колеру. У верхняй частцы аблямоўкі на белым фоне размешчана выява беларускага арнаменту чырвонага колеру, у ніжняй – надпіс фіялетавага колеру «МІНІСТЭРСТВА ЭКАНОМІКІ РЭСПУБЛІКІ БЕЛАРУСЬ».
Верхняя частка аблямоўкі ўвенчана выявай Дзяржаўнага герба Рэспублікі Беларусь фіялетавага колеру.
|
|
Указ Прэзідэнта 25.05.2021 № 197 |
ВЫЯВА
эмблемы Міністэрства эканомікі (каляровая)
|
|
Указ Прэзідэнта 25.05.2021 № 197 |
ВЫЯВА
эмблемы Міністэрства эканомікі (з перадачай колеру ўмоўнай шафіроўкай)
|
|
Указ Прэзідэнта 25.05.2021 № 197 |
ПАЛАЖЭННЕ
аб флагу Міністэрства эканомікі
1. Флаг Міністэрства эканомікі (далей – флаг) з’яўляецца яго афіцыйным геральдычным сімвалам.
2. Флаг можа размяшчацца на будынках Міністэрства эканомікі, у службовых кабінетах Міністра эканомікі, яго намеснікаў і іншых месцах, якія вызначаюцца Міністрам эканомікі.
3. Выява флага можа выкарыстоўвацца на друкаванай, інфармацыйнай, сувенірнай, кіна-, відэа-, фота- і іншай прадукцыі, якая вырабляецца для патрэб Міністэрства эканомікі, а таксама ў іншых выпадках, якія не супярэчаць заканадаўству.
4. Пры адначасовым размяшчэнні Дзяржаўнага флага Рэспублікі Беларусь і флага іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 г. № 301-З «О государственных символах Республики Беларусь».
5. Дазваляецца выкарыстанне флага пры правядзенні культурна-масавых і спартыўных мерапрыемстваў, у тым ліку за межамі будынкаў, займаемых Міністэрствам эканомікі.
|
|
Указ Прэзідэнта 25.05.2021 № 197 |
АПІСАННЕ
флага Міністэрства эканомікі
Флаг Міністэрства эканомікі ўяўляе сабой прамавугольнае палотнішча фіялетавага колеру з суадносінамі бакоў 1:2. У цэнтры вонкавага і адваротнага бакоў палотнішча размешчана эмблема Міністэрства эканомікі.
|
|
Указ Прэзідэнта 25.05.2021 № 197 |
ВЫЯВА
флага Міністэрства эканомікі (каляровая)
|
|
Указ Прэзідэнта 25.05.2021 № 197 |
ВЫЯВА
флага Міністэрства эканомікі (з перадачай колеру ўмоўнай шафіроўкай)
