 | Официальная правовая информация |
ПАЛАЖЭННІ Ч. 3 АРТ. 9 КРЫМІНАЛЬНАГА КОДЭКСА РЭСПУБЛІКІ БЕЛАРУСЬ З ПУНКТУ ГЛЕДЖАННЯ НЕПРЫМЯНЕННЯ ТЭРМІНАЎ ДАЎНАСЦІ
СЯРГЕЙЧЫК А.М.
Паводле часткі першай арт. 8 Канстытуцыі Рэспублікі Беларусь наша краіна прызнае прыярытэт агульнапрызнаных прынцыпаў міжнароднага права і забяспечвае адпаведнасць ім заканадаўства.
БССР 7 студзеня 1969 г. падпісала Канвенцыю аб непрымянімасці тэрміну даўнасці да ваенных злачынстваў і злачынстваў супраць чалавецтва, прынятую рэзалюцыяй 2391 (XXIII) Генеральнай Асамблеі ААН 26 лістапада 1968 г. (набыла моц для БССР 11 лістапада 1970 г.). У адпаведнасці з палажэннямі арт. I дадзенай канвенцыі ніякія тэрміны даўнасці не прымяняюцца да ваенных злачынстваў і злачынстваў супраць чалавецтва, нават калі гэтыя дзеі не ўяўляюць сабой парушэння ўнутранага заканадаўства той краіны, у якой яны былі ўчынены (ч. «в» арт. І).