Постановление Министерства культуры Республики Беларусь от 30 июня 2026 г. №80 «Аб зацвярджэннi праекта зон аховы нерухомай матэрыяльнай гiсторыка-культурнай каштоўнасцi "Каплiца-пахавальня Качаноў" на могiльнiку на заходняй ускраiне в. Iвашкаўцы Смаргонскага раёна Гродзенскай вобласцi»

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

30 чэрвеня 2026 г. № 80

Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Капліца-пахавальня Качаноў» на могільніку на заходняй ускраіне в. Івашкаўцы Смаргонскага раёна Гродзенскай вобласці

На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць праект зон аховы нерухомай матэрыяльнай гісторыка-культурнай каштоўнасці «Капліца-пахавальня Качаноў» на могільніку на заходняй ускраіне в. Івашкаўцы Смаргонскага раёна Гродзенскай вобласці (дадаецца).

2. Гэта пастанова ўступае ў сілу праз 15 дзён пасля яе прыняцця.

Праект зон аховы нерухомай матэрыяльнай гісторыка-культурнай каштоўнасці «Капліца-пахавальня Качаноў» на могільніку на заходняй ускраіне в. Івашкаўцы Смаргонскага раёна Гродзенскай вобласці

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомай матэрыяльнай гісторыка-культурнай каштоўнасці «Капліца-пахавальня Качаноў» на могільніку на заходняй ускраіне в. Івашкаўцы Смаргонскага раёна Гродзенскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. «Капліца-пахавальня Качаноў» на могільніку на заходняй ускраіне в. Івашкаўцы Смаргонскага раёна Гродзенскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 413Г000765.

3. Праект зон аховы распрацаваны навукова-даследчым праектна-вышукальным рэспубліканскім унітарным прадпрыемствам «Інстытут «Белжылпраект» па заказе Смаргонскага раённага выканаўчага камітэта.

4. Праект зон аховы распрацаваны на падставе архіўна-бібліяграфічных і натурных даследаванняў, аналізу горадабудаўнічай сітуацыі і ландшафту з мэтай забеспячэння захавання гісторыка-культурнай каштоўнасці, яе навакольнага асяроддзя і заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона), зоны рэгулявання забудовы гісторыка-культурнай каштоўнасці (далей – зона рэгулявання забудовы) і іх межаў, рэжымаў іх утрымання і выкарыстання.

Схема зон аховы гісторыка-культурнай каштоўнасці дадаецца.

ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ. АХОЎНАЯ ЗОНА

5. Тэрыторыя гісторыка-культурнай каштоўнасці вызначана па месцы знаходжання капліцы і абмежавана контурам яе вонкавых сцен, ганка.

6. Ахоўная зона ўстаноўлена для забеспячэння захавання гісторыка-культурнай каштоўнасці і яе навакольнага асяроддзя, архітэктурна-мастацкай якасці гісторыка-культурнай каштоўнасці і найлепшага зрокавага ўспрымання.

Ахоўная зона супадае з тэрыторыяй гісторыка-культурнай каштоўнасці.

7. Мяжой тэрыторыі гісторыка-культурнай каштоўнасці і ахоўнай зоны згодна з дадаткам з’яўляецца ўмоўная лінія, якая ідзе ад кропкі 1 уздоўж вонкавага боку сцен і ганка гісторыка-культурнай каштоўнасці праз кропкі 2–3 да кропкі 4.

8. На тэрыторыі гісторыка-культурнай каштоўнасці і ахоўнай зоны забараняецца:

знішчэнне, прычыненне шкоды, пагаршэнне тэхнічнага стану, дэмантаж гісторыка-культурнай каштоўнасці;

узвядзенне новых будынкаў і збудаванняў;

добраўпарадкаванне і (або) азеляненне, якія пагаршаюць візуальнае ўспрыманне гісторыка-культурнай каштоўнасці;

выкананне земляных работ без забеспячэння археалагічнага нагляду і рэалізацыі мер па ахове археалагічных аб’ектаў у адпаведнасці з артыкуламі 129 і 130 Кодэкса Рэспублікі Беларусь аб культуры;

рэканструкцыя, рамонт, мадэрнізацыя каштоўнага гісторыка-архітэктурнага асяроддзя, размешчанага вакол тэрыторыі гісторыка-культурнай каштоўнасці і ахоўнай зоны, якія прадугледжваюць змяненні аб’ёмна-прасторавага і архітэктурнага рашэнняў гэтага асяроддзя.

ГЛАВА 3
ЗОНА РЭГУЛЯВАННЯ ЗАБУДОВЫ

9. Зона рэгулявання забудовы ўстаноўлена з мэтай рэгламентавання маштабу новага будаўніцтва і рэканструкцыі існуючай забудовы на тэрыторыі, якая знаходзіцца ў непасрэднай блізкасці да гісторыка-культурнай каштоўнасці, захавання неабходных умоў успрымання гісторыка-культурнай каштоўнасці.

10. Мяжой зоны рэгулявання забудовы згодна з дадаткам з’яўляецца:

на паўднёвым усходзе і паўднёвым захадзе – умоўная лінія, якая ідзе ад кропкі 8 па межах зямельнага ўчастка ў в. Івашкаўцы, 2 праз кропку 5 да кропкі 6;

на паўночным захадзе – умоўная лінія, якая ідзе ад кропкі 6 уздоўж пасадкі драўніннай расліннасці да кропкі 7;

на паўночным усходзе – умоўная лінія, якая ідзе ад кропкі 7 на паўднёвы ўсход у створы з паўночна-ўсходняй мяжой зямельнага ўчастка ў в. Івашкаўцы, 2 і далей па гэтай мяжы да кропкі 8.

11. На тэрыторыі зоны рэгулявання забудовы забараняецца:

узвядзенне новых будынкаў і збудаванняў вышэй за 8 м ад узроўню зямлі да ўзроўню вільчака даху;

рэканструкцыя існуючых будынкаў і збудаванняў, якая прадугледжвае павелічэнне вышыні больш за 8 м ад узроўню зямлі да ўзроўню вільчака даху;

усталяванне агароджы светапразрыстасцю меней за 50 %, вышынёй больш за 1,2 м і (або) без выкарыстання традыцыйных формаў, матэрыялаў і колераў.

СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ