 | Официальная правовая информация |
ГЕНЕРАЛЬНАЯ ПРАКУРАТУРА РЭСПУБЛІКІ БЕЛАРУСЬ
Аб устараненні парушэнняў заканадаўства аб ахове гісторыка-культурнай спадчыны
(Вытрымка)
Генеральнай пракуратурай у межах праверкі выканання заканадаўства аб ахове гісторыка-культурнай спадчыны выяўлены факты парушэнняў ТДА «…» патрабаванняў Указа Прэзідэнта Рэспублікі Беларусь ад 18.10.2007 № 527 «Аб некаторых пытаннях аховы гісторыка-культурнай спадчыны» (далей – Указ).
Згодна з п. 7 Палажэння аб парадку ажыццяўлення адлічэнняў за прадпрымальніцкую дзейнасць, якая аказвае непасрэднае ўздзеянне на гісторыка-культурную каштоўнасць або зоны аховы нерухомай матэрыяльнай гісторыка-культурнай каштоўнасці, выплаты кампенсацый за шкоду, якая прычыняецца гісторыка-культурным каштоўнасцям або зонам аховы нерухомых матэрыяльных гісторыка-культурных каштоўнасцей, зацверджанага Указам, юрыдычныя асобы пры ажыццяўленні прадпрымальніцкай дзейнасці, якая аказвае непасрэднае ўздзеянне на гісторыка-культурную каштоўнасць або зоны аховы, павінны рабіць адлічэнні ў фонд Прэзідэнта Рэспублікі Беларусь па падтрымцы культуры і мастацтва (далей – фонд).