Постановление Министерства культуры Республики Беларусь от 20 июня 2025 г. №65 «Аб зацвярджэннi праекта зон аховы нерухомай матэрыяльнай гiсторыка-культурнай каштоўнасцi "Курганны могiльнiк", размешчанай злева ад дарогi ў в. Смольгава, за 0,5 км на паўночны ўсход ад в. Ракавiшчы Любанскага раёна Мiнскай вобласцi»

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

20 чэрвеня 2025 г. № 65

Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Курганны могільнік», размешчанай злева ад дарогі ў в. Смольгава, за 0,5 км на паўночны ўсход ад в. Ракавішчы Любанскага раёна Мінскай вобласці

На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць праект зон аховы нерухомай матэрыяльнай гісторыка-культурнай каштоўнасці «Курганны могільнік», размешчанай злева ад дарогі ў в. Смольгава, за 0,5 км на паўночны ўсход ад в. Ракавішчы Любанскага раёна Мінскай вобласці (дадаецца).

2. Гэта пастанова ўступае ў сілу пасля яе афіцыйнага апублікавання.

Праект зон аховы нерухомай матэрыяльнай гісторыка-культурнай каштоўнасці «Курганны могільнік», размешчанай злева ад дарогі ў в. Смольгава, за 0,5 км на паўночны ўсход ад в. Ракавішчы Любанскага раёна Мінскай вобласці

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомай матэрыяльнай гісторыка-культурнай каштоўнасці «Курганны могільнік», размешчанай злева ад дарогі ў в. Смольгава, за 0,5 км на паўночны ўсход ад в. Ракавішчы Любанскага раёна Мінскай вобласці, каля дарогі на в. Бялавічы (далей – праект зон аховы), распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. «Курганны могільнік», размешчаны злева ад дарогі ў в. Смольгава, за 0,5 км на паўночны ўсход ад в. Ракавішчы Любанскага раёна Мінскай вобласці, з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), унесенай у Дзяржаўны спіс гісторыка-культурных каштоўнасцей Рэспублікі Беларусь пад шыфрам 613В000288.

3. Праект зон аховы распрацаваны дзяржаўнай навуковай установай «Інстытут гісторыі Нацыянальнай акадэміі навук Беларусі» па заказе дзяржаўнай лесагаспадарчай установы «Любанскі лясгас».

4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона), яе мяжы, рэжымаў іх утрымання і выкарыстання.

5. Праект зон аховы распрацаваны на падставе архіўна-бібліяграфічных даследаванняў, аналізу горадабудаўнічай сітуацыі і ландшафту.

Схема зон аховы гісторыка-культурнай каштоўнасці дадаецца (дадатак 1).

Спіс геаграфічных каардынат дадаецца (дадатак 2).

ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ

6. Тэрыторыя гісторыка-культурнай каштоўнасці вызначана на тэрыторыі, на якой размешчаны курганныя насыпы.

7. Мяжой тэрыторыі гісторыка-культурнай каштоўнасці і зоны аховы культурнага пласта (слоя) згодна з дадаткам 1 з’яўляецца ўмоўная лінія, якая праходзіць праз кропкі 1–2–3–4–5–6–7–8–9–10–1.

8. На тэрыторыі гісторыка-культурнай каштоўнасці выкананне земляных, будаўнічых, меліярацыйных і іншых работ, не звязаных з навуковым вывучэннем гісторыка-культурнай каштоўнасці, магчыма пасля пазбаўлення гісторыка-культурнай каштоўнасці статусу гісторыка-культурнай каштоўнасці ў адпаведнасці з пунктам 4 артыкула 94 Кодэкса Рэспублікі Беларусь аб культуры.

ГЛАВА 3
АХОЎНАЯ ЗОНА

9. Ахоўная зона ўстаноўлена для выяўлення і даследавання магчымых археалагічных аб’ектаў і артэфактаў на тэрыторыі, непасрэдна прылеглай да гісторыка-культурнай каштоўнасці.

Ахоўная зона складаецца з двух участкаў.

10. Мяжой тэрыторыі першага ўчастка ахоўнай зоны згодна з дадаткам 1 з’яўляецца ўмоўная лінія, якая праходзіць праз кропкі 15–16–17–18–19–20–21–22–23–24–25–1–14.

11. Мяжой тэрыторыі другога ўчастка ахоўнай зоны згодна з дадаткам 1 з’яўляецца ўмоўная лінія, якая праходзіць праз кропкі 11–12–13–14–1–25–26–11.

12. Пры выкананні земляных работ на тэрыторыі двух участкаў ахоўнай зоны неабходна забяспечыць правядзенне археалагічнага нагляду і рэалізацыю мер па ахове археалагічных аб’ектаў у адпаведнасці з артыкуламі 129 і 130 Кодэкса Рэспублікі Беларусь аб культуры.

13. На тэрыторыі другога ўчастка ахоўнай зоны забараняецца правядзенне сельскагаспадарчых работ, якія прадугледжваюць разворванне на глыбіню глыбей за 0,4 м.

СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ

СПІС ГЕАГРАФІЧНЫХ КААРДЫНАТ