 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
24 сакавіка 2022 г. № 11
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Брацкая магіла» ў аграгарадку Любонічы Кіраўскага раёна Магілёўскай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Брацкая магіла» ў аграгарадку Любонічы Кіраўскага раёна Магілёўскай вобласці (дадаецца).
2. Дадзеная пастанова ўступае ў сілу пасля яе афіцыйнага апублікавання.
|
Міністр |
А.М.Маркевіч |
|
|
Пастанова 24.03.2022 № 11 |
Праект зон аховы нерухомай матэрыяльнай гісторыка-культурнай каштоўнасці «Брацкая магіла» ў аграгарадку Любонічы Кіраўскага раёна Магілёўскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Брацкая магіла» ў аграгарадку Любонічы Кіраўскага раёна Магілёўскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Брацкая магіла» ў аграгарадку Любонічы Кіраўскага раёна Магілёўскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 513Д000460 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей».
Месцазнаходжанне гісторыка-культурнай каштоўнасці ўдакладнена ў адпаведнасці з падпунктам 2.9 пункта 2 пастановы Міністэрства культуры Рэспублікі Беларусь ад 13 сакавіка 2020 г. № 17 «Аб гісторыка-культурных каштоўнасцях».
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе дзяржаўнай установы «Цэнтр забеспячэння дзейнасці бюджэтных арганізацый Кіраўскага раёна».
4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, вызначае тэрыторыю гісторыка-культурнай каштоўнасці і ахоўную зону гісторыка-культурнай каштоўнасці і іх межы, рэжымы ўтрымання і выкарыстання ахоўнай зоны гісторыка-культурнай каштоўнасці.
5. Праект зон аховы распрацаваны на падставе архіўна-бібліяграфічных і натурных даследаванняў, аналізу існуючай горадабудаўнічай сітуацыі і ландшафту.
6. Праектам зон аховы ўстаноўлена тэрыторыя гісторыка-культурнай каштоўнасці і ахоўная зона гісторыка-культурнай каштоўнасці.
Межы тэрыторыі гісторыка-культурнай каштоўнасці і межы зон аховы дадзены ў WGS сістэме каардынат.
Схема зон аховы гісторыка-культурнай каштоўнасці дадаецца.
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ
7. Тэрыторыя гісторыка-культурнай каштоўнасці вызначана ў межах агароджы брацкай магілы.
Плошча тэрыторыі гісторыка-культурнай каштоўнасці складае 0,0076 га.
8. Мяжой тэрыторыі гісторыка-культурнай каштоўнасці з’яўляюцца:
на поўначы – лінія, якая ідзе ад кропкі 1 з каардынатамі 53.265528, 29.244876 на ўсход уздоўж паўночнай агароджы брацкай магілы да кропкі 2 з каардынатамі 53.265537, 29.245027;
на ўсходзе – лінія, якая ідзе ад кропкі 2 на поўдзень уздоўж усходняй агароджы брацкай магілы да кропкі 3 з каардынатамі 53.265403, 29.245047;
на поўдні – лінія, якая ідзе ад кропкі 3 на захад уздоўж паўднёвай агароджы брацкай магілы да кропкі 4 з каардынатамі 53.265389, 29.244925;
на захадзе – лінія, якая ідзе ад кропкі 4 на поўнач уздоўж заходняй агароджы брацкай магілы да кропкі 1.
9. Пры ажыццяўленні дзейнасці на тэрыторыі гісторыка-культурнай каштоўнасці павінны выконвацца патрабаванні:
Кодэкса Рэспублікі Беларусь аб культуры;
пастановы Савета Міністраў Рэспублікі Беларусь ад 19 верасня 2008 г. № 1372 «Аб некаторых пытаннях стварэння (реканструкцыі) і прыёмкі твораў манументальнага і манументальна-дэкаратыўнага мастацтва»;
Палажэння аб парадку добраўпарадкавання воінскіх пахаванняў і пахаванняў ахвяр войнаў, зацверджанага пастановай Савета Міністраў Рэспублікі Беларусь ад 17 верасня 2018 г. № 675.
ГЛАВА 3
АХОЎНАЯ ЗОНА
10. Ахоўная зона гісторыка-культурнай каштоўнасці (далей – ахоўная зона) устаноўлена з мэтай фізічнага захавання гісторыка-культурнай каштоўнасці і забеспячэння спрыяльных умоў для яе ўспрымання.
Ахоўная зона ўстаноўлена на тэрыторыі гісторыка-культурнай каштоўнасці і дарогі, якая вядзе да пахавання.
Плошча ахоўнай зоны складае 0,0276 га.
11. Мяжой ахоўнай зоны з’яўляюцца:
на ўсходзе – лінія, якая ідзе ад кропкі 2 з каардынатамі 53.265537, 29.245027 на поўдзень уздоўж усходняй агароджы брацкай магілы да кропкі 3 з каардынатамі 53.265403, 29.245047;
на поўдні – лінія, якая ідзе ад кропкі 3 на захад уздоўж паўднёвай агароджы брацкай магілы да кропкі 4 з каардынатамі 53.265389, 29.244925; далей уздоўж усходняй агароджы брацкай магілы да кропкі 7 з каардынатамі 53.265434, 29.244908; далей уздоўж паўднёва-ўсходняга боку дарогі да брацкай магілы да кропкі 8 з каардынатамі 53.265360, 29.243685;
на захадзе – лінія, якая ідзе ад кропкі 8 на поўнач уздоўж усходняга боку дарогі да могілак да кропкі 5 з каардынатамі 53.265403, 29.243676;
на паўночным захадзе – лінія, якая ідзе ад кропкі 5 на паўночны ўсход уздоўж паўночна-заходняга боку дарогі да могілак да кропкі 6 з каардынатамі 53.265469, 29.244896; далей уздоўж заходняй агароджы брацкай магілы да кропкі 1 з каардынатамі 53.265528, 29.244876; далей уздоўж заходняй агароджы брацкай магілы да кропкі 2.
12. На тэрыторыі ахоўнай зоны забараняецца:
узвядзенне будынкаў і збудаванняў;
ажыццяўленне новых пахаванняў, акрамя гістарычна звязанных з гісторыка-культурнай каштоўнасцю;
устаноўка рэкламных канструкцый;
знішчэнне і прычыненне шкоды гісторыка-культурнай каштоўнасці і яе элементам, у тым ліку змена мастацкага вобразу скульптурнай кампазіцыі і абеліска;
рэканструкцыя існуючай скульптурнай кампазіцыі, абеліска і агароджы з ужываннем нетрадыцыйных прыёмаў і матэрыялаў;
правядзенне работ па добраўпарадкаванні і азеляненні, якое пагаршае ўспрыманне аб’ёмна-прасторавых асаблівасцей і элементаў гісторыка-культурнай каштоўнасці;
пракладка інжынерных камунікацый (акрамя рэканструкцыі (рамонту) існуючых);
высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе адпаведнага заключэння, а таксама акрамя санітарных рубак);
ажыццяўленне дзейнасці без выканання патрабаванняў Палажэння аб парадку добраўпарадкавання воінскіх пахаванняў і пахаванняў ахвяр войнаў.
|
|
да праекта зон аховы нерухомай |
Схема зон аховы гісторыка-культурнай каштоўнасці
