 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
2 красавіка 2025 г. № 37
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Фрагменты замка: дзве вежы, земляныя ўмацаванні з рэшткамі абарончых збудаванняў, былы палац, флігель» у г.п. Любча Навагрудскага раёна Гродзенскай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Фрагменты замка: дзве вежы, земляныя ўмацаванні з рэшткамі абарончых збудаванняў, былы палац, флігель» у г.п. Любча Навагрудскага раёна Гродзенскай вобласці (дадаецца).
2. Прызнаць страціўшай сілу пастанову Міністэрства культуры Рэспублікі Беларусь ад 16 снежня 2014 г. № 75 «Аб зацвярджэнні праекта зон аховы гісторыка-культурнай каштоўнасці – «Фрагменты замка: дзве вежы, земляныя ўмацаванні з рэшткамі абарончых збудаванняў, былы палац, флігель, у г.п. Любча Навагрудскага раёна Гродзенскай вобласці».
3. Гэта пастанова ўступае ў сілу пасля яе афіцыйнага апублікавання.
|
Першы намеснік Міністра |
Д.Г.Шляхцін |
|
|
Пастанова 02.04.2025 № 37 |
Праект зон аховы нерухомай матэрыяльнай гісторыка-культурнай каштоўнасці «Фрагменты замка: дзве вежы, земляныя ўмацаванні з рэшткамі абарончых збудаванняў, былы палац, флігель» у г.п. Любча Навагрудскага раёна Гродзенскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Фрагменты замка: дзве вежы, земляныя ўмацаванні з рэшткамі абарончых збудаванняў, былы палац, флігель» у г.п. Любча Навагрудскага раёна Гродзенскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. Праект зон аховы распрацаваны для нерухомай матэрыяльнай гісторыка-культурнай каштоўнасці «Фрагменты замка: дзве вежы, земляныя ўмацаванні з рэшткамі абарончых збудаванняў, былы палац, флігель» у г.п. Любча Навагрудскага раёна Гродзенскай вобласці катэгорыі «2» (далей – гісторыка-культурная каштоўнасць), уключанай пад шыфрам 412Г000453 у Дзяржаўны спіс гісторыка-культурных каштоўнасцей Рэспублікі Беларусь.
3. Праект зон аховы распрацаваны абласным унітарным праектным прадпрыемствам «Інстытут Гроднаграмадзянпраект» па заказе дабрачыннага фонду «Любчанскі замак».
4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, вызначае тэрыторыю гісторыка-культурнай каштоўнасці, ахоўную зону гісторыка культурнай каштоўнасці (далей – ахоўная зона), зону рэгулявання забудовы гісторыка-культурнай каштоўнасці (далей – зона рэгулявання забудовы), зону аховы ландшафту гісторыка-культурнай каштоўнасці (далей – зона аховы ландшафту), зону аховы культурнага пласта (слоя) гісторыка-культурнай каштоўнасці (далей – зона аховы культурнага пласта (слоя) і іх межы, рэжымы іх утрымання і выкарыстання.
5. Праект зон аховы распрацаваны на падставе архіўна-бібліяграфічных і натурных даследаванняў, аналізу горадабудаўнічай сітуацыі і ландшафту.
Схема зон аховы гісторыка-культурнай каштоўнасці дадаецца (дадатак 1).
Каардынаты паваротных кропак дадаюцца (дадатак 2).
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ
6. Тэрыторыя гісторыка-культурнай каштоўнасці вызначана ў межах гістарычнай тэрыторыі замка.
На тэрыторыі гісторыка-культурнай каштоўнасці захаваліся дзве вежы, земляныя ўмацаванні з рэшткамі абарончых збудаванняў, былы палац і флігель.
7. Мяжой тэрыторыі гісторыка-культурнай каштоўнасці згодна з дадаткам 1 з’яўляецца ўмоўная лінія, якая праходзіць праз кропкі 1–2–3–4–5–1.
8. На тэрыторыі гісторыка-культурнай каштоўнасці пры ажыццяўленні будаўнічай дзейнасці павінны выконвацца патрабаванні Кодэкса Рэспублікі Беларусь аб культуры.
ГЛАВА 3
АХОЎНАЯ ЗОНА
9. Ахоўная зона ўстаноўлена зыходзячы з неабходнасці захавання гісторыка-культурнай каштоўнасці і забеспячэння спрыяльных умоў яе ўспрымання.
Ахоўная зона складаецца з двух рэжымаў утрымання.
10. Мяжой тэрыторыі ахоўнай зоны першага рэжыму ўтрымання згодна з дадаткам 1 з’яўляюцца:
на паўночным усходзе – умоўная лінія, якая ідзе ад усходняга вугла тэрыторыі гісторыка-культурнай каштоўнасці (кропка 3) па мяжы зямельнага ўчастка для вядзення сельскай гаспадаркі (кадастравы нумар: 424300000001004408) да кропкі 15;
на паўднёвым усходзе – умоўная лінія, якая ідзе ўздоўж мясцовага праезда да вул. Паркавай (кропка 16);
на паўднёвым захадзе і паўночным захадзе – умоўная лінія, якая ідзе ўздоўж вул. Паркавай ад кропкі 16 да кропкі 6; далей ідзе па мяжы ахоўнай зоны першага рэжыму ўтрымання да кропкі 5; далей па мяжы тэрыторыі гісторыка-культурнай каштоўнасці праз кропку 4 да кропкі 3.
11. На тэрыторыі ахоўнай зоны першага рэжыму ўтрымання забараняецца:
узвядзенне новых будынкаў і збудаванняў, акрамя аднаўлення страчанай гістарычнай забудовы на падставе архіўна-бібліяграфічных матэрыялаў і навукова-праектнай дакументацыі, добраўпарадкавання і пракладкі інжынерных камунікацый;
ажыццяўленне дзейнасці па добраўпарадкаванні без распрацаванай ва ўстаноўленым парадку праектнай дакументацыі;
добраўпарадкаванне і азеляненне тэрыторыі без захавання элементаў гістарычнай планіроўкі і ўліку традыцыйных прыёмаў і матэрыялаў;
размяшчэнне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых уласцівасцей і элементаў гісторыка-культурнай каштоўнасці;
азеляненне тэрыторыі з прымяненнем раслін, неўласцівых гістарычнаму характару парка;
высечка або пашкоджанне элементаў гістарычнага азелянення, акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных рубак.
12. Мяжой ахоўнай зоны другога рэжыму ўтрымання згодна з дадаткам 1 з’яўляюцца:
на паўночным усходзе – умоўная лінія, якая ідзе ўздоўж берагавой лініі р. Нёман ад кропкі 13 да кропкі 14;
на паўднёвым усходзе і паўднёвым захадзе – умоўная лінія, якая ідзе ад кропкі 14 да паўночнага вугла ўчастка для абслугоўвання будынкаў і збудаванняў паляўнічага доміка па вул. Паркавай, 1А; далей паварочвае на паўночны-захад і ідзе далей па мяжы зямельнага ўчастка для вядзення сельскай гаспадаркі (кадастравы нумар: 424300000001004408) да кропкі 3 і далей па мяжы гісторыка-культурнай каштоўнасці да кропкі 2; далей паварочвае на паўднёвы захад і ідзе па мяжы гісторыка-культурнай каштоўнасці да кропкі 1; далей паварочвае на паўднёвы ўсход і ідзе да кропкі 5; далей паварочвае на паўднёвы захад і ідзе да вул. Паркавай (кропка 6);
на паўднёвым захадзе і паўночным захадзе – умоўная лінія, якая ідзе ад кропкі 6 уздоўж вул. Паркавай праз кропку 7 да заходняга вугла зямельнага ўчастка для будаўніцтва і абслугоўвання блакіраванага жылога дома па вул. Савецкай, 36 (кропка 8); далей уздоўж паўднёва-заходняй і паўднёва-ўсходняй мяжы зямельнага ўчастка для будаўніцтва і абслугоўвання блакіраванага жылога дома па вул. Савецкай, 36 праз кропку 9 да кропкі 10; далей уздоўж брамы да паўднёвага вугла зямельнага ўчастка для вядзення сельскай гаспадаркі (кадастравы нумар: 424300000001004408) да кропкі 11; далей уздоўж мяжы зямельнага ўчастка для вядзення сельскай гаспадаркі (кадастравы нумар: 424300000001004408) праз кропку 12 да берагавой лініі р. Нёман (кропка 13).
13. На тэрыторыі ахоўнай зоны другога рэжыму ўтрымання забараняецца:
знішчэнне, прычыненне шкоды, пагаршэнне тэхнічнага стану гісторыка-культурнай каштоўнасці, а таксама навукова неабгрунтаванае змяненне яе аб’ёмна-прасторавага і архітэктурнага рашэння, пагаршэнне ўмоў успрымання;
узвядзенне новых будынкаў і збудаванняў, акрамя аднаўлення страчанай гістарычнай забудовы на падставе архіўна-бібліяграфічных матэрыялаў і навукова-праектнай дакументацыі, добраўпарадкавання і пракладкі інжынерных камунікацый;
ажыццяўленне дзейнасці па добраўпарадкаванні без распрацаванай ва ўстаноўленым парадку праектнай дакументацыі;
добраўпарадкаванне і азеляненне тэрыторыі без захавання элементаў гістарычнай планіроўкі і ўліку традыцыйных прыёмаў і матэрыялаў;
размяшчэнне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых уласцівасцей і элементаў гісторыка-культурнай каштоўнасці.
ГЛАВА 4
ЗОНА РЭГУЛЯВАННЯ ЗАБУДОВЫ
14. Зона рэгулявання забудовы ўстаноўлена зыходзячы з неабходнасці рэгламентавання маштабу новага будаўніцтва і рэканструкцыі існуючай забудовы.
15. Мяжой зоны рэгулявання забудовы згодна з дадаткам 1 з’яўляюцца:
на паўночным захадзе – умоўная лінія, якая ідзе ўздоўж вул. Чырвонаармейскай ад кропкі 17 праз кропку 34 да кропкі 18;
на паўночным усходзе, паўднёвым усходзе і паўночным захадзе – умоўная лінія, якая ідзе ад кропкі 18 уздоўж драўніна-хмызняковай расліннасці да кропкі 12; далей па мяжы ахоўнай зоны другога рэжыму ўтрымання праз кропкі 11–37–10–9–8 да кропкі 7; далей па мяжы ахоўнай зоны другога і першага рэжымаў утрымання ўздоўж вул. Паркавай праз кропку 6 да кропкі 16; далей уздоўж мясцовага праезда праз кропку 15 да берагавой лініі р. Нёман (кропка 14); далей уздоўж берагавой лініі р. Нёман да кропкі 19; далей па мяжы зямельнага ўчастка для вядзення сялянскай (фермерскай) гаспадаркі да кропкі 20; далей па мяжы зямельнага ўчастка для абслугоўвання будынкаў і збудаванняў паляўнічага доміка па вул. Паркавай, 1А, зямельнага ўчастка для вядзення сялянскай (фермерскай) гаспадаркі і зямельнага ўчастка для абслугоўвання каўбаснага цэха з гаспадарчымі пабудовамі па вул. Паркавай, 12 да кропкі 22; далей па мяжы зямельнага ўчастка для абслугоўвання каўбаснага цэха з гаспадарчымі пабудовамі па вул. Паркавай, 12 і ўздоўж мясцовага праезда праз кропку 23 да вул. 1-га Мая (кропка 24);
на паўднёвым захадзе – умоўная лінія, якая ідзе ўздоўж вул. 1-га Мая ад кропкі 24 да кропкі 17.
16. На тэрыторыі зоны рэгулявання забудовы забараняецца:
узвядзенне будынкаў і збудаванняў вышэй за 10 м ад узроўню зямлі да ўзроўню вільчака даху і з ужываннем неўласцівых, дысануючых матэрыялаў;
рэканструкцыя існуючых будынкаў і збудаванняў, якая прадугледжвае павелічэнне вышыні больш за 10 м ад узроўню зямлі да ўзроўню вільчака даху і з ужываннем неўласцівых, дысануючых матэрыялаў;
размяшчэнне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых уласцівасцей і элементаў гісторыка-культурнай каштоўнасці;
размяшчэнне прамысловых прадпрыемстваў, камунальна-складскіх і транспартных аб’ектаў, якія ў тым ліку павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі, за выключэннем аб’ектаў, якія забяспечваюць спрыяльнае і бяспечнае асяроддзе жыццядзейнасці насельніцтва.
ГЛАВА 5
ЗОНА АХОВЫ ЛАНДШАФТУ
17. Зона аховы ландшафту ўстаноўлена з мэтай захавання прыроднага асяроддзя, візуальна звязанага з гісторыка-культурнай каштоўнасцю.
Зона аховы ландшафту складаецца з трох участкаў.
18. Мяжой першага ўчастка зоны аховы ландшафту згодна з дадаткам 1 з’яўляюцца:
на паўночным захадзе – умоўная лінія, якая ідзе ўздоўж вул. Чырвонаармейскай ад кропкі 18 да берагавой лініі р. Нёман (кропка 25);
на паўночным усходзе – умоўная лінія, якая ідзе ўздоўж берагавой лініі р. Нёман ад кропкі 25 да кропкі 13;
на паўднёвым усходзе – умоўная лінія, якая ідзе па мяжы ахоўнай зоны першага рэжыму ўтрымання ад кропкі 13 да кропкі 12;
на паўднёвым захадзе – умоўная лінія, якая ідзе па мяжы зоны рэгулявання забудовы ад кропкі 12 да кропкі 18.
19. На тэрыторыі першага ўчастка зоны аховы ландшафту забараняецца:
узвядзенне будынкаў і збудаванняў, акрамя аднаўлення страчанай гістарычнай забудовы;
ажыццяўленне гаспадарчай ці іншай дзейнасці, якая можа прывесці да змены характару гістарычнага ландшафту, да пашкоджання ці знішчэння дрэў, акрамя аднаўлення гістарычных рэльефаў прыроднага і антрапагеннага паходжання;
высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў).
20. Мяжой тэрыторыі другога ўчастка зоны аховы ландшафту згодна з дадаткам 1 з’яўляюцца:
на паўночным захадзе – умоўная лінія, якая ідзе ўздоўж берагавой лініі р. Нёман ад кропкі 19 да кропкі 26;
на паўночным усходзе – умоўная лінія, якая ідзе ўздоўж канала Валовіч ад кропкі 26 да кропкі 27;
на паўднёвым усходзе – умоўная лінія, якая ідзе ад кропкі 27 да вул. Паркавай (кропка 28);
на паўднёвым захадзе і паўночным захадзе – умоўная лінія, якая ідзе ўздоўж вул. Паркавай ад кропкі 28 да кропкі 23; далей па мяжы зоны рэгулявання забудовы праз кропкі 22–21–20 да берагавой лініі р. Нёман (кропка 19).
21. На тэрыторыі другога ўчастка зоны аховы ландшафту забараняецца:
узвядзенне будынкаў і збудаванняў, акрамя аднаўлення страчанай гістарычнай забудовы;
ажыццяўленне гаспадарчай ці іншай дзейнасці, якая можа прывесці да змены характару гістарычнага ландшафту, да пашкоджання ці знішчэння дрэў, акрамя аднаўлення гістарычных рэльефаў прыроднага і антрапагеннага паходжання;
высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў).
22. Мяжой тэрыторыі трэцяга ўчастка зоны аховы ландшафту згодна з дадаткам 1 з’яўляюцца:
на паўночным захадзе – умоўная лінія, якая ідзе ўздоўж аўтамабільнай дарогі Н-6317 «Любча – Бор – Шчорсы» ад кропкі 29 да кропкі 30;
на паўночным усходзе – умоўная лінія, якая ідзе на адлегласці 150 м ад берагавой лініі р. Нёман ад кропкі 30 праз кропку 31 да кропкі 32; далей перпендыкулярна берагавой лініі р. Нёман да кропкі 33 (насупраць вусця канала Валовіч);
на поўдні і паўднёвым захадзе – умоўная лінія, якая ідзе ўздоўж берагавой лініі р. Нёман ад кропкі 33 да кропкі 29.
23. На тэрыторыі трэцяга ўчастка зоны аховы ландшафту забараняецца:
узвядзенне будынкаў і збудаванняў, пракладка транспартных камунікацый;
ажыццяўленне гаспадарчай ці іншай дзейнасці, акрамя аднаўлення гістарычнага ландшафту і гістарычных рэльефаў прыроднага і антрапагеннага паходжання, высечкі дрэў, якія ствараюць перашкоды для візуальнага ўспрымання аб’ёмна-прасторавых уласцівасцей і элементаў гісторыка-культурнай каштоўнасці.
ГЛАВА 6
ЗОНА АХОВЫ КУЛЬТУРНАГА ПЛАСТА (СЛОЯ)
24. Зона аховы культурнага пласта (слоя) устаноўлена для выяўлення і даследавання магчымых археалагічных аб’ектаў і артэфактаў.
25. Мяжой тэрыторыі зоны аховы культурнага пласта (слоя) згодна з дадаткам 1 з’яўляюцца:
на паўднёвым усходзе – умоўная лінія, якая ідзе ўздоўж тэрыторыі гісторыка-культурнай каштоўнасці ад кропкі 2 да кропкі 36;
на паўднёвым захадзе – умоўная лінія, якая ідзе ўздоўж праезда да гісторыка-культурнай каштоўнасці ад кропкі 36 да кропкі 37; далей па мяжы ахоўнай зоны другога рэжыму да кропкі 11; далей па мяжы зямельнага ўчастка для вядзення сельскай гаспадаркі (кадастравы нумар: 424300000001004408) праз кропку 38 да кропкі 34;
на паўночным захадзе – умоўная лінія, якая ідзе ўздоўж вул. Чырвонаармейскай ад кропкі 34 да кропкі 18;
на паўночным усходзе – умоўная лінія, якая ідзе па мяжы зоны рэгулявання забудовы і першага ўчастка зоны аховы ландшафту ад кропкі 18 да кропкі 12; далей па мяжы зямельнага ўчастка для вядзення сельскай гаспадаркі (кадастравы нумар: 424300000001004408) праз кропку 35 да кропкі 2.
26. На тэрыторыі ахоўнай зоны і зоны аховы культурнага пласта (слоя) пры выкананні земляных работ неабходна забяспечыць правядзенне археалагічнага нагляду і рэалізацыю мер па ахове археалагічных аб’ектаў у адпаведнасці з артыкуламі 129 і 130 Кодэкса Рэспублікі Беларусь аб культуры.
|
|
да праекта зон аховы нерухомай матэрыяльнай |
СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ
|
|
да праекта зон аховы нерухомай матэрыяльнай |
|
№ п.к. |
Геаграфічныя каардынаты (даўгата, шырата) |
№ п.к. |
Геаграфічныя каардынаты (даўгата, шырата) |
|
1 |
53.752005, 26.067485 |
20 |
53.751617, 26.071565 |
|
2 |
53.752874, 26.068410 |
21 |
53.751153, 26.074097 |
|
3 |
53.751976, 26.070269 |
22 |
53.750638, 26.075133 |
|
4 |
53.751212, 26.069291 |
23 |
53.749078, 26.073326 |
|
5 |
53.751903, 26.067711 |
24 |
53.746894, 26.071409 |
|
6 |
53.751473, 26.067222 |
25 |
53.754833, 26.065602 |
|
7 |
53.751859, 26.066213 |
26 |
53.752503, 26.074055 |
|
8 |
53.752116, 26.066303 |
27 |
53.750651, 26.077622 |
|
9 |
53.752070, 26.066479 |
28 |
53.748392, 26.074490 |
|
10 |
53.752274, 26.066947 |
29 |
53.755216, 26.066424 |
|
11 |
53.752443, 26.066908 |
30 |
53.756013, 26.068121 |
|
12 |
53.753070, 26.067471 |
31 |
53.753798, 26.071289 |
|
13 |
53.753313, 26.067831 |
32 |
53.754066, 26.072642 |
|
14 |
53.751928, 26.071330 |
33 |
53.752894, 26.073685 |
|
15 |
53.751697, 26.071272 |
34 |
53.753922, 26.064243 |
|
16 |
53.750394, 26.069989 |
35 |
53.753070, 26.067471 |
|
17 |
53.750739, 26.062673 |
36 |
53.752301, 26.067840 |
|
18 |
53.754536, 26.064967 |
37 |
53.752354, 26.066990 |
|
19 |
53.751935, 26.071728 |
38 |
53.752792, 26.065771 |