Постановление № 22 (Постановление Министерства культуры Республики Беларусь от 23 июня 2011 г. №22 «Аб зацвярджэннi Iнструкцыi аб парадку прадстаўлення да ўзнагароджання нагрудным знакам Мiнiстэрства культуры Рэспублiкi Беларусь "За ўклад у развiццё культуры Беларусi".»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

23 чэрвеня 2011 г. № 22

Аб зацвярджэнні Інструкцыі аб парадку прадстаўлення да ўзнагароджання нагрудным знакам Міністэрства культуры Рэспублікі Беларусь «За ўклад у развіццё культуры Беларусі»

Изменения и дополнения:

Постановление Министерства культуры Республики Беларусь от 10 июня 2013 г. № 32 (зарегистрировано в Национальном реестре - № 8/27640 от 27.06.2013 г.);

Постановление Министерства культуры Республики Беларусь от 28 апреля 2018 г. № 28 (зарегистрировано в Национальном реестре - № 8/33152 от 22.05.2018 г.)

 

На падставе пункта 2 Палажэння аб нагрудным знаку Міністэрства культуры «За ўклад у развіццё культуры Беларусі», зацверджанага Указам Прэзідэнта Рэспублікі Беларусь ад 25 ліпеня 2002 г. № 407 «Об учреждении нагрудного знака Министерства культуры «За ўклад у развіццё культуры Беларусі», Мiнiстэрства культуры Рэспублiкi Беларусь ПАСТАНАЎЛЯЕ:

1. Зацвердзiць прыкладзеную Інструкцыю аб парадку прадстаўлення да ўзнагароджання нагрудным знакам Міністэрства культуры Рэспублікі Беларусь «За ўклад у развіццё культуры Беларусі».

2. Дадзеная пастанова ўступае ў сiлу пасля яе афіцыйнага апублікавання.

 

Міністр

П.П.Латушка

 

УЗГОДНЕНА Першы намеснік старшыні Брэсцкага абласнога выканаўчага камітэта М.І.Юхімук 17.06.2011	УЗГОДНЕНА Старшыня Віцебскага абласнога выканаўчага камітэта А.М.Косінец 17.06.2011
УЗГОДНЕНА Старшыня Гомельскага абласнога выканаўчага камітэта У.А.Дворнік 17.06.2011	УЗГОДНЕНА Старшыня Гродзенскага абласнога выканаўчага камітэта С.Б.Шапіра 17.06.2011
УЗГОДНЕНА Старшыня Мінскага абласнога выканаўчага камітэта Б.В.Батура 17.06.2011	УЗГОДНЕНА Старшыня Магілёўскага абласнога выканаўчага камітэта П.М.Руднік 17.06.2011
УЗГОДНЕНА Старшыня Мінскага гарадскога выканаўчага камітэта М.А.Ладуцька 22.06.2011

 

ЗАЦВЕРДЖАНА Пастанова Міністэрства культуры Рэспублікі Беларусь 23.06.2011 № 22

ІНСТРУКЦЫЯ
аб парадку прадстаўлення да ўзнагароджання нагрудным знакам Міністэрства культуры Рэспублікі Беларусь «За ўклад у развіццё культуры Беларусі»

1. Дадзеная Інструкцыя распрацавана на падставе Указа Прэзідэнта Рэспублікі Беларусь ад 25 ліпеня 2002 г. № 407 «Об учреждении нагрудного знака Министерства культуры «За ўклад у развіццё культуры Беларусі» (Национальный реестр правовых актов Республики Беларусь, 2002 г., № 86, 1/3903) і вызначае парадак прадстаўлення да ўзнагароджання нагрудным знакам Міністэрства культуры Рэспублікі Беларусь «За ўклад у развіццё культуры Беларусі» (далей, калі не ўсталявана іншае, – нагрудны знак):

работнікаў Міністэрства культуры Рэспублікі Беларусь (далей – Міністэрства), падпарадкаваных яму арганізацый, структурных падраздзяленняў мясцовых выканаўчых і распарадчых органаў, якiя ажыццяўляюць дзяржаўна-ўладныя паўнамоцтвы ў сферы культуры, і арганізацый, падпарадкаваных мясцовым выканаўчым і распарадчым органам, за значны асабісты ўклад у развіццё беларускай культуры і мастацтва, захаванне гісторыка-культурнай спадчыны;

іншых грамадзян Рэспублікі Беларусь, замежных грамадзян і асоб без грамадзянства, якія ўнеслі значны ўклад у рэалізацыю дзяржаўнай палітыкі ў сферы культуры.

2. Узнагароджанне нагрудным знакам ажыццяўляецца на падставе загада Міністра культуры Рэспублікі Беларусь (далей – Міністр).

3. Хадайніцтва да ўзнагароджання нагрудным знакам узбуджаецца:

3.1. намеснікамі Міністра адносна:

кіраўнікоў структурных падраздзяленняў цэнтральнага апарата Міністэрства;

кіраўнікоў арганізацый, падпарадкаваных Міністэрству;

кіраўнікоў структурных падраздзяленняў абласных і Мінскага гарадскога выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры;

3.2. кіраўнікамі структурных падраздзяленняў цэнтральнага апарата Міністэрства па ўзгадненні з намеснікамі Міністра, якія курыруюць адпаведны кірунак дзейнасці Міністэрства, адносна работнікаў гэтых падраздзяленняў;

3.3. кіраўнікамі арганізацый, падпарадкаваных Міністэрству, адносна:

работнікаў гэтых арганізацый;

іншых грамадзян Рэспублікі Беларусь, замежных грамадзян і асоб без грамадзянства;

3.4. кіраўнікамі структурных падраздзяленняў абласных і Мінскага гарадскога выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры, па ўзгадненні з кіраўнікамі або намеснікамі кіраўнікоў адпаведных абласных і Мінскага гарадскога выканаўчых камітэтаў адносна:

работнікаў структурных падраздзяленняў абласных і Мінскага гарадскога выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры, і падпарадкаваных ім арганізацый;

кіраўнікоў структурных падраздзяленняў раённых (гарадскіх) выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры;

іншых грамадзян Рэспублікі Беларусь, замежных грамадзян і асоб без грамадзянства;

3.5. кіраўнікамі структурных падраздзяленняў раённых (гарадскіх) выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры, па ўзгадненнi з кiраўнiкамi або намеснiкамi кiраўнiкоў адпаведных структурных падраздзяленняў абласных і Мінскага гарадскога выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры, адносна:

работнiкаў структурных падраздзяленняў раённых (гарадскіх) выканаўчых камітэтаў, якiя ажыццяўляюць дзяржаўна-ўладныя паўнамоцтвы ў сферы культуры, i падпарадкаваных iм арганiзацый;

iншых грамадзян Рэспублiкi Беларусь, замежных грамадзян i асоб без грамадзянства;

3.6. кіраўнікамі рэспубліканскіх органаў дзяржаўнага кіравання, грамадскіх аб’яднанняў і іншых арганізацый адносна:

работнікаў гэтых арганізацый (членаў);

іншых грамадзян Рэспублікі Беларусь, замежных грамадзян і асоб без грамадзянства.

4. Міністрам можа быць прынята рашэнне аб узнагароджанні нагрудным знакам любой асобы з ліку ўказаных у пункце 1 дадзенай Інструкцыі.

5. Хадайніцтва да ўзнагароджання нагрудным знакам афармляецца ў выглядзе прадстаўлення да ўзнагароджання нагрудным знакам Міністэрства культуры Рэспублікі Беларусь «За ўклад у развіццё культуры Беларусі» па форме згодна з дадаткам да дадзенай Інструкцыі.

Да прастаўлення да ўзнагароджання нагрудным знакам прыкладаецца даведка-аб’ектыўка.

6. Прадстаўленне да ўзнагароджання нагрудным знакам запаўняецца на беларускай мове машынапісным спосабам ці з выкарыстаннем камп’ютарных тэхналогій. Усе пазначаныя графы прадстаўлення да ўзнагароджання нагрудным знакам павінны змяшчаць дакладную інфармацыю.

7. Прадстаўленне да ўзнагароджання нагрудным знакам накіроўваецца ў Мiнiстэрства не пазней чым за месяц да дня магчымага ўзнагароджання нагрудным знакам.

8. Улік асоб, узнагароджаных нагрудным знакам, вядзецца кадравай службай Міністэрства.

 

 

Дадатак да Інструкцыі аб парадку прадстаўлення да ўзнагароджання нагрудным знакам Міністэрства культуры Рэспублікі Беларусь «За ўклад у развіццё культуры Беларусі»

 

Форма

ПРАДСТАЎЛЕННЕ
да ўзнагароджання нагрудным знакам Міністэрства культуры
Рэспублікі Беларусь «За ўклад у развіццё культуры Беларусі»

1. Прозвiшча, уласнае iмя, iмя па бацьку (калі такое маецца) _________________________

2. Чысло, месяц i год нараджэння ________________________________________________

3. Пасада, месца працы (службы) ________________________________________________

4. Адукацыя __________________________________________________________________

5. Агульны стаж работы (службы) _______________________________________________

6. Стаж работы ў сферы культуры _______________________________________________

7. Стаж работы (службы) у дадзенай арганiзацыi ___________________________________

8. Заахвочванні Міністэрства культуры Рэспублікі Беларусь: ________________________

(якія і калі)

9. Заслугі, за якія прадстаўляецца да ўзнагароджання: _______________________________

(адзначаюцца прафесійныя,

______________________________________________________________________________

дзелавыя, асабістыя якасці, працоўная, выканаўчая дысцыпліна, іншыя паказчыкі,

______________________________________________________________________________

якія характарызуюць уклад у развіццё беларускай культуры і мастацтва, захаванне гісторыка-культурнай

______________________________________________________________________________

спадчыны, рэалізацыю дзяржаўнай палітыкі ў сферы культуры)

 

Кiраўнiк _______________	_________________	_________________________
(пасада)	(подпіс)	(iнiцыялы, прозвiшча)
	М.П.*

__ ___________ ____ г.

 

УЗГОДНЕНА

__________________________

(пасада)

__________________________

(подпіс, ініцыялы, прозвішча)

__ _____________ ____ г.

______________________________

* За выключэннем суб’ектаў гаспадарання, якія маюць права ў адпаведнасці з заканадаўствам не выкарыстоўваць пячатку.