Постановление № 9 (Постановление Министерства культуры Республики Беларусь от 5 марта 2008 г. №9 «Аб Рэспублiканскiм фестывалi фальклорнага мастацтва "Берагiня".»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

5 сакавіка 2008 г. № 9

Аб Рэспубліканскім фестывалі фальклорнага мастацтва «Берагіня»

Изменения и дополнения:

Постановление Министерства культуры Республики Беларусь от 16 октября 2013 г. № 79 (зарегистрировано в Национальном реестре - № 8/28061 от 11.11.2013 г.);

Постановление Министерства культуры Республики Беларусь от 18 июня 2015 г. № 31 (зарегистрировано в Национальном реестре - № 8/30158 от 18.08.2015 г.);

Постановление Министерства культуры Республики Беларусь от 15 декабря 2016 г. № 78 (зарегистрировано в Национальном реестре - № 8/31859 от 13.03.2017 г.)

 

На падставе абзаца другога падпункта 9.1 пункта 9 Палажэння аб парадку арганізацыі і правядзення на тэрыторыі Рэспублікі Беларусь фестываляў, конкурсаў, форумаў, святаў і пленэраў, фiнансуемых з рэспублiканскага i (або) мясцовых бюджэтаў, зацверджанага пастановай Савета Мiнiстраў Рэспублiкi Беларусь ад 2 красавіка 2015 г. № 263 «Об организации и проведении на территории Республики Беларусь фестивалей, конкурсов, форумов, праздников и пленэров, финансируемых из республиканского и (или) местных бюджетов», Мiнiстэрства культуры Рэспублiкi Беларусь ПАСТАНАЎЛЯЕ:

Зацвердзіць прыкладзеную Інструкцыю аб парадку правядзення рэспублiканскага фестывалю фальклорнага мастацтва «Берагiня».

 

Міністр

У.Ф.Матвейчук

 

УЗГОДНЕНА Міністр адукацыі Рэспублікі Беларусь А.М.Радзькоў 05.12.2007	УЗГОДНЕНА Старшыня Брэсцкага абласнога выканаўчага камітэта К.А.Сумар 14.12.2007
УЗГОДНЕНА Старшыня Віцебскага абласнога выканаўчага камітэта У.П.Андрэйчанка 20.11.2007	УЗГОДНЕНА Старшыня Гомельскага абласнога выканаўчага камітэта А.С.Якабсон 31.01.2008
УЗГОДНЕНА Старшыня Гродзенскага абласнога выканаўчага камітэта У.Я.Саўчанка 28.02.2008	УЗГОДНЕНА Старшыня Мінскага абласнога выканаўчага камітэта Л.Ф.Крупец 28.02.2008
УЗГОДНЕНА Старшыня Мінскага гарадскога выканаўчага камітэта М.Я.Паўлаў 16.11.2007	УЗГОДНЕНА Старшыня Магілёўскага абласнога выканаўчага камітэта Б.В.Батура 28.02.2008
УЗГОДНЕНА Старшыня Акцябрскага раённага выканаўчага камітэта Гомельскай вобласці А.У.Максіменка 28.02.2008	УЗГОДНЕНА Старшыня грамадскага аб’яднання «Беларускі фонд культуры» У.А.Гілеп 28.02.2008

 

ЗАЦВЕРДЖАНА Пастанова Мiнiстэрства культуры Рэспублiкi Беларусь 05.03.2008 № 9 (у рэдакцыі пастановы Міністэрства культуры Рэспублікі Беларусь 16.10.2013 № 79)

ІНСТРУКЦЫЯ
аб парадку правядзення рэспубліканскага фестывалю фальклорнага мастацтва «Берагіня»

1. Дадзеная Інструкцыя вызначае парадак арганiзацыi i правядзення рэспублiканскага фестывалю фальклорнага мастацтва «Берагіня» (далей – фестываль).

2. Фестываль праводзіцца Мiнiстэрствам культуры Рэспублiкi Беларусь (далей – Міністэрства культуры), Мiнiстэрствам адукацыi Рэспублiкi Беларусь, Гомельскiм абласным выканаўчым камiтэтам, Акцябрскiм раённым выканаўчым камiтэтам, грамадскiм аб’яднаннем «Беларускi фонд культуры» (далей, калі не вызначана іншае, – арганiзатары фестывалю).

3. Фестываль праводзiцца ў мэтах падтрымкi народнай творчасцi i народных мастацкіх рамёстваў, захавання рэгiянальнай i мясцовай традыцыйнай мастацкай культуры, пераемнасцi нацыянальных культурных традыцый, далучэння дзяцей i моладзi да розных вiдаў фальклору, павышэння мастацкага ўзроўню i выканальнiцкага майстэрства дзіцячых і юнацкіх аўтэнтычных фальклорных і непрафесiйных (аматарскiх) калектываў мастацкай творчасцi (далей – калектывы мастацкай творчасці), арганiзацыi культурнага адпачынку (вольнага часу) насельнiцтва.

4. Фестываль мае статус рэспублiканскага.

5. Перыядычнасць правядзення фестывалю – адзiн раз у два гады.

Інфармацыя аб канкрэтных тэрмiнах яго правядзення размяшчаецца ў сродках масавай інфармацыі і на афіцыйных сайтах арганізатараў фестывалю.

6. Месцам правядзення фестывалю з’яўляюцца ўстановы культуры і адукацыі, сцэнiчныя пляцоўкi г.п. Акцябрскi i Акцябрскага раёна Гомельскай вобласці.

7. Для кіраўніцтва арганізацыяй і правядзеннем фестывалю ствараецца арганізацыйны камітэт (далей – аргкамітэт), які фарміруецца з прадстаўнікоў арганізатараў фестывалю, юрыдычных асоб, грамадзян, у тым ліку індывідуальных прадпрымальнікаў, якія прымаюць удзел у арганізацыі і правядзенні фестывалю.

Члены аргкамітэта ажыццяўляюць свае паўнамоцтвы на грамадскіх пачатках.

8. Аргкамiтэт:

8.1. ажыццяўляе кiраўнiцтва арганiзацыяй i правядзеннем фестывалю, пры неабходнасцi стварае дырэкцыю фестывалю;

8.2. уносiць на разгляд Міністэрства культуры прапановы па каштарысе выдаткаў на арганiзацыю i правядзенне фестывалю, колькасцi запрашальных бiлетаў на наведванне праграм фестывалю, аб вiдах заахвочвання ўдзельнiкаў фестывальных мерапрыемстваў;

8.3. разглядае i зацвярджае:

спіс удзельнікаў фестывалю, у тым ліку асоб, якія ўдзельнічаюць у конкурсе ў якасці канкурсантаў;

праграму правядзення фестывалю;

сімволіку фестывалю, узоры ўзнагарод, iншую атрыбутыку;

план мерапрыемстваў па арганiзацыі i правядзенні фестывалю;

склад журы фестывалю, якi фарміруецца з ліку відных дзеячаў у галіне культуры і мастацтва;

8.4. ажыццяўляе ўзаемадзеянне з суб’ектамі культурнай дзейнасці, іншымі юрыдычнымі асобамі па пытаннях арганізацыі і правядзення фестывалю і яго асвятлення ў сродках масавай інфармацыі;

8.5. вызначае вiды i формы iнфармацыйна-рэкламнай падтрымкi фестывалю;

8.6. вырашае іншыя пытанні па арганізацыі і правядзенні фестывалю.

9. Праграма фестывалю можа прадугледжваць канцэртныя праграмы калектываў мастацкай творчасцi, выставы-кiрмашы вырабаў майстроў народных мастацкіх рамёстваў, семінары, канферэнцыі, майстар-класы, конкурс калектываў мастацкай творчасцi (далей – конкурс), тэатралiзаваныя дзеяннi і iншыя мерапрыемствы, якiя не супярэчаць мэтам фестывалю.

10. У фестывалi прымаюць удзел творчыя дэлегацыi абласцей i г. Мiнска з магчымым запрашэннем прадстаўнiкоў замежных краiн.

У склад творчых дэлегацый уваходзяць іх кiраўнiкi, калектывы мастацкай творчасцi i iх кiраўнiкi, выканаўцы па розных вiдах фальклорнага мастацтва (далей – асобныя выканаўцы), майстры народных мастацкіх рамёстваў, суправаджаючыя iх асобы, спецыялiсты раённых, гарадскiх, абласных метадычных цэнтраў народнай творчасцi (культурна-асветнiцкай работы) i дзяржаўнай установы адукацыi «Iнстытут культуры Беларусi». У склад творчых дэлегацый могуць уваходзіць навукоўцы, дзеячы культуры i мастацтва.

Колькасны склад творчай дэлегацыі не павiнен перавышаць 40 чалавек.

11. Узрост удзельнікаў калектываў мастацкай творчасцi i асобных выканаўцаў, якія прымаюць удзел у фестывалі, не павінен перавышаць 28 гадоў па стане на 1 мая года правядзення фестывалю.

12. Для ўдзелу ў фестывалі калектывы мастацкай творчасці і асобныя выканаўцы павінны забяспечыць:

захаванасць у рэпертуары мясцовых традыцый у розных жанравых праявах;

наяўнасць традыцыйных народных касцюмаў, якія павiнны ўяўляць сабой варыянты арыгiналаў або копiй традыцыйных народных касцюмаў сваёй мясцовасцi прадстаўляемага рэгіёна;

наяўнасць акампанементу ў ансамблевым або сольным выкананнi на акустычных беларускiх народных iнструментах у «жывым гучанні»;

прадстаўленне канцэртных праграм, якiя скiраваны на змястоўнае раскрыццё мастацкiх традыцый прадстаўляемага рэгіёна i ўключаюць адноўленыя i бытуючыя песнi каляндарнага (вясна, лета) перыяду, пазаабрадавыя песнi, народныя танцы (гуртавыя, парныя, сольныя), карагоды, гульнi, iнструментальную музыку, творы празаiчных жанраў i iншае.

Працягласць выступленняў у зборных канцэртных праграмах калектываў мастацкай творчасці не павінна перавышаць 10 хвiлiн, асобных выканаўцаў – 5 хвілін. Працягласць сольных канцэртных праграм не павінна перавышаць 80 хвілін.

13. Для ўдзелу ў фестывалi да 1 мая года правядзення фестывалю творчыя дэлегацыi накіроўваюць заяўкі на ўдзел у фестывалі на адрас Акцябрскага раённага выканаўчага камітэта.

14. Заяўка на ўдзел у фестывалі змяшчае:

назву рэгіёна, які прадстаўляе творчая дэлегацыя, прозвiшча, уласнае iмя, iмя па бацьку (пры яго наяўнасці) кiраўнiка творчай дэлегацыi, яго кантактны нумар тэлефона і адрас электроннай пошты;

колькасны склад і поўны спiс удзельнiкаў творчай дэлегацыi (указваюцца прозвiшча, уласнае iмя, iмя па бацьку (пры яго наяўнасці) кiраўнiка калектыву мастацкай творчасцi, удзельнiкаў калектыву мастацкай творчасцi, суправаджаючых асоб, іншых удзельнікаў творчай дэлегацыі);

поўную назву калектыву мастацкай творчасці;

iнфармацыю аб творчай дзейнасці калектыву мастацкай творчасцi i яго кiраўнiка;

не менш за два фотаздымкі калектыву мастацкай творчасцi ў сцэнічных касцюмах;

поўны спiс твораў канцэртнай праграмы калектыву мастацкай творчасці (з указаннем поўнай назвы кожнага твора, яго аўтараў і часу гучання).

15. Згода на ўдзел у фестывалi пацвярджаецца афiцыйным запрашэннем аргкамiтэта да ўдзелу творчай дэлегацыі ў фестывалі.

16. Удзельнiкi творчых дэлегацый прымаюць удзел ва ўсiх мерапрыемствах фестывалю.

17. Заяўкі на ўдзел у конкурсе дасылаюцца творчымі дэлегацыямі адначасова з заяўкамі на ўдзел у фестывалі.

Заяўка на ўдзел у конкурсе змяшчае:

поўны спiс твораў конкурснай праграмы (з указаннем поўнай назвы кожнага твора, яго аўтараў і часу гучання);

аўдыязапісы і вiдэазапiсы выконваемых конкурсных твораў на лiчбавых носьбiтах.

18. Конкурс праводзіцца па намінацыях:

песенны фальклор;

музычна-iнструментальны фальклор;

танцавальны фальклор;

вусна-паэтычны фальклор;

народныя мастацкія рамёствы;

традыцыйны народны касцюм;

дуэт побытавых танцаў.

19. Конкурснае выступленне ацэньвае журы.

20. Крытэрыямі ацэнкi конкурснага выступлення з’яўляюцца:

выканальнiцкае майстэрства;

сцэнiчная культура;

раскрыццё музычна-вобразнага зместу выконваемых твораў;

адпаведнасць выконваемых твораў узросту выканаўцаў;

арыгiнальнасць i захаванне традыцый фальклорнага мастацтва;

жанравая разнастайнасць;

захаванасць мясцовага мастацкага стылю (твораў, традыцыйных народных касцюмаў, арыгiнальных музычных iнструментаў) прадстаўляемага рэгіёна;

здольнасць да iмправiзацыi.

21. Вынікі конкурсу аб’яўляюцца ў апошні дзень правядзення фестывалю ва ўрачыстых абставінах падчас узнагароджвання ўдзельнікаў фестывалю.

22. Пры правядзеннi конкурсу яго пераможцы ўзнагароджваюцца дыпломамi лаўрэатаў конкурсу першай, другой i трэцяй ступенi па кожнай намiнацыi i каштоўнымi прызамi за перамогу ў конкурсе.

Набыццё каштоўных прызоў ажыццяўляецца за кошт сродкаў арганізатараў фестывалю ў адпаведнасцi з заканадаўствам.

Кошт аднаго каштоўнага прыза не павiнен перавышаць для лаўрэатаў:

першай ступенi – 40 базавых велiчынь;

другой ступені – 30 базавых велiчынь;

трэцяй ступені – 20 базавых велiчынь.

23. Размеркаванне дыпломаў лаўрэатаў конкурсу першай, другой i трэцяй ступенi па намiнацыях i каштоўных прызоў за перамогу ў конкурсе пацвярджаецца пратаколам пасяджэння аргкамiтэта i журы фестывалю.

24. Фiнансаванне падрыхтоўкi i правядзення фестывалю ажыццяўляецца за кошт сродкаў рэспублiканскага i мясцовых бюджэтаў у межах сродкаў, прадугледжаных дзяржаўным органам на правядзенне цэнтралiзаваных мерапрыемстваў, а таксама iншых крынiц, не забароненых заканадаўствам.