 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
22 лютага 2021 г. № 11
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Дом, дзе жыў Змітрок Бядуля» па вул. Рабкораўскай, 19 у г. Мінску
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Дом, дзе жыў Змітрок Бядуля» па вул. Рабкораўскай, 19 у г. Мінску (дадаецца).
2. Дадзеная пастанова ўступае ў сілу пасля яе афіцыйнага апублікавання.
|
Міністр |
А.М.Маркевіч |
|
|
Пастанова |
Праект зон аховы нерухомай матэрыяльнай гісторыка-культурнай каштоўнасці «Дом, дзе жыў Змітрок Бядуля» па вул. Рабкораўскай, 19 у г. Мінску
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Дом, дзе жыў Змітрок Бядуля» па вул. Рабкораўскай, 19 у г. Мінску (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Дом, дзе жыў Змітрок Бядуля» па вул. Рабкораўскай, 19 у г. Мінску з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 713Д000218 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей».
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе ўстановы «Дзяржаўны музей гісторыі беларускай літаратуры».
4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, вызначае зоны аховы гісторыка-культурнай каштоўнасці і іх межы, рэжымы ўтрымання і выкарыстання зон аховы гісторыка-культурнай каштоўнасці.
5. Праект зон аховы распрацаваны на падставе архіўна-бібліяграфічных і натурных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлена ахоўная зона гісторыка-культурнай каштоўнасці.
Схема зон аховы нерухомай матэрыяльнай гісторыка-культурнай каштоўнасці дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці і стварэння спрыяльных умоў для яе ўспрымання.
8. Ахоўная зона акружае гісторыка-культурную каштоўнасць з усіх бакоў і вызначана ў межах зямельнага ўчастка, а таксама тэрыторыю з боку вул. Рабкораўскай і праезда ўздоўж паўднёва-заходняга фасада будынка па вул. Рабкораўскай, 19.
Плошча ахоўнай зоны складае 0,1 га.
9. Мяжой ахоўнай зоны з’яўляюцца:
на паўночным усходзе – лінія, якая ідзе на паўднёвы ўсход ад кропкі з каардынатамі 53.888379, 27.541352 па паўночна-ўсходняй агароджы зямельнага ўчастка будынка па вул. Рабкораўскай, 19 да кропкі з каардынатамі 53.888076, 27.541585;
на паўднёвым усходзе – лінія, якая ідзе на паўднёвы захад ад кропкі з каардынатамі 53.888076, 27.541585 па паўднёва-ўсходняй агароджы зямельнага ўчастка па вул. Рабкораўскай, 19 да кропкі з каардынатамі 53.887959, 27.541167;
на паўднёвым захадзе – лінія, якая ідзе на паўночны-захад ад кропкі з каардынатамі 53.887959, 27.541167 уздоўж бартавога каменя праезнай часткі мясцовага праезда да перасячэння з вул. Рабкораўскай да кропкі з каардынатамі 53.888196, 27.540786;
на паўночным захадзе – лінія, якая ідзе на паўночны-ўсход ад кропкі з каардынатамі 53.888196, 27.540786 па бартавым камені няцотнага боку праезнай часткі вул. Рабкораўскай да кропкі з каардынатамі 53.888379, 27.541352.
10. На тэрыторыі ахоўнай зоны забараняецца:
новае будаўніцтва, акрамя пракладкі неабходных падземных інжынерных камунікацый;
знішчэнне, прычыненне шкоды, пагаршэнне тэхнічнага стану гісторыка-культурнай каштоўнасці, а таксама навукова неабгрунтаванае змяненне (у тым ліку змяненне параметраў будынкаў, страта канструктыўных і архітэктурных асаблівасцей і элементаў) і пагаршэнне ўмоў яе ўспрымання;
правядзенне работ па добраўпарадкаванні і азеляненні тэрыторыі без уліку тэматыкі і стылістыкі гісторыка-культурнай каштоўнасці і яе навакольнага асяроддзя, а таксама якія пагаршаюць успрыманне аб’ёмна-прасторавых асаблівасцяў гісторыка-культурнай каштоўнасці;
устаноўка рэкламных канструкцый, тэматычна не звязаных з функцыянаваннем гісторыка-культурнай каштоўнасці.
|
|
да праекта зон аховы |
Схема зон аховы нерухомай матэрыяльнай гісторыка-культурнай каштоўнасці
