Постановление № 59 (Постановление Министерства культуры Республики Беларусь от 23 октября 2018 г. №59 «Аб зацвярджэннi праекта зон аховы нерухомай матэрыяльнай гiсторыка-культурнай каштоўнасцi - "Курганны могiльнiк", 3 км на поўдзень ад г.п. Плешчанiцы Лагойскага раёна Мiнскай вобласцi, на правым беразе р. Цiмошанка.»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

23 кастрычніка 2018 г. № 59

Аб зацвярджэнні праекта зон аховы нерухомай матэрыяльнай гісторыка-культурнай каштоўнасці – «Курганны могільнік», 3 км на поўдзень ад г.п. Плешчаніцы Лагойскага раёна Мінскай вобласці, на правым беразе р. Цімошанка

На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40 «Вопросы Министерства культуры», Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць прыкладзены праект зон аховы нерухомай матэрыяльнай гісторыка-культурнай каштоўнасці – «Курганны могільнік», 3 км на поўдзень ад г.п. Плешчаніцы Лагойскага раёна Мінскай вобласці, на правым беразе р. Цімошанка.

2. Дадзеная пастанова ўступае ў сілу пасля яе афіцыйнага апублікавання.

 

Міністр

Ю.П.Бондар

 

ЗАЦВЕРДЖАНА Пастанова Міністэрства культуры Рэспублікі Беларусь 23.10.2018 № 59

Праект зон аховы нерухомай матэрыяльнай гісторыка-культурнай каштоўнасці – «Курганны могільнік», 3 км на поўдзень ад г.п. Плешчаніцы Лагойскага раёна Мінскай вобласці, на правым беразе р. Цімошанка

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомай матэрыяльнай гісторыка-культурнай каштоўнасці – «Курганны могільнік», 3 км на поўдзень ад г.п. Плешчаніцы Лагойскага раёна Мінскай вобласці, на правым беразе р. Цімошанка (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. Курганны могільнік (Х–ХІІІ стст.), 3 км на поўдзень ад г.п. Плешчаніцы Лагойскага раёна Мінскай вобласці, на правым беразе р. Цімошанка з’яўляецца нерухомай матэрыяльнай гісторыка-культурнай каштоўнасцю (далей – гісторыка-культурная каштоўнасць) катэгорыі «3», якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 613В000264 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).

3. Праект зоны аховы распрацаваны дзяржаўнай навуковай установай «Інстытут гісторыі Нацыянальнай акадэміі навук Беларусі» па заказе аддзела ідэалагічнай работы, культуры і па справах моладзі Лагойскага раённага выканаўчага камітэта.

4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, заключаецца ў вызначэнні межаў тэрыторыі гісторыка-культурнай каштоўнасці, межаў зон аховы і ўстанаўленні рэжымаў іх утрымання і выкарыстання.

5. Праект зон аховы распрацаваны на падставе архіўна-бібліяграфічных даследаванняў, археалагічных вышуканняў і натурных даследаванняў.

6. Праектам зон аховы ўстаноўлены тэрыторыя гісторыка-культурнай каштоўнасці і наступныя зоны аховы гісторыка-культурнай каштоўнасці: ахоўная зона і зона аховы культурнага пласта (слоя).

Схема зон аховы гісторыка-культурнай каштоўнасці дадаецца.

ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ

7. Тэрыторыя гісторыка-культурнай каштоўнасці размешчана на адлегласці 3 км на поўдзень ад г.п. Плешчаніцы, на правым беразе р. Цімошанка. Памеры могільніка па лініі поўнач-поўдзень – 50 м, па лініі захад-усход – 60 м. У могільніку налічваецца 29 курганоў дыяметрам 6–10 м, вышынёй 1–2 м.

Геаграфічныя каардынаты тэрыторыі гісторыка-культурнай каштоўнасці – N 54 °24.037', Е 027 °50.154', N 54 °24.016', Е 027 °50.160', N 54 °24.027', Е 027 °50.160', N 54 °24.056', Е 027 °50.113'.

8. Межамі тэрыторыі гісторыка-культурнай каштоўнасці з’яўляюцца:

на поўначы, поўдні і захадзе – умоўная лінія, якая праходзіць па мяжы крайніх курганных насыпаў і лесам;

на ўсходзе – умоўная лінія, якая праходзіць па мяжы крайніх курганных насыпаў і пралескам.

Плошча тэрыторыі гісторыка-культурнай каштоўнасці складае 3000 м².

9. На тэрыторыі гісторыка-культурнай каштоўнасці забараняецца выкананне земляных, будаўнічых, меліярацыйных і сельскагаспадарчых работ, акрамя археалагічных даследаванняў у адпаведнасці з заканадаўствам.

ГЛАВА 3
АХОЎНАЯ ЗОНА.
ЗОНА АХОВЫ КУЛЬТУРНАГА ПЛАСТА (СЛОЯ)

10. Вонкавымі межамі ахоўнай зоны гісторыка-культурнай каштоўнасці з’яўляецца ўмоўная лінія, якая праходзіць на адлегласці 50 м ад мяжы тэрыторыі гісторыка-культурнай каштоўнасці.

Плошча ахоўнай зоны гісторыка-культурнай каштоўнасці складае 11 000 м².

11. Ахоўная зона гісторыка-культурнай каштоўнасці супадае з зонай аховы культурнага пласта (слоя) гісторыка-культурнай каштоўнасці.

12. На тэрыторыі ахоўнай зоны і зоны аховы культурнага пласта (слоя) гісторыка-культурнай каштоўнасці забараняецца выкананне земляных, будаўнічых, меліярацыйных і сельскагаспадарчых работ, акрамя археалагічных даследаванняў у адпаведнасці з заканадаўствам.

 

Дадатак да праекта зон аховы нерухомай матэрыяльнай гісторыка-культурнай каштоўнасці – «Курганны могільнік», 3 км на поўдзень ад г.п. Плешчаніцы Лагойскага раёна Мінскай вобласці, на правым беразе р. Цімошанка