Постановление № 43 (Постановление Министерства культуры Республики Беларусь от 27 июля 2017 г. №43 «Аб зацвярджэннi праекта зон аховы нерухомых матэрыяльных гiсторыка-культурных каштоўнасцей - "Брацкая магiла" 1944 год i "Брацкая магiла" 1941-1944 гады на могiлках па вул. 8 Сакавiка ў г. Барысаве.»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

27 ліпеня 2017 г. № 43

Аб зацвярджэнні праекта зон аховы нерухомых матэрыяльных гісторыка-культурных каштоўнасцей – «Брацкая магіла» 1944 год і «Брацкая магіла» 1941–1944 гады на могілках па вул. 8 Сакавіка ў г. Барысаве

На падставе пункта 3 артыкула 105 Кодэкса Рэспублікі Беларусь аб культуры і абзаца шостага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40 «Вопросы Министерства культуры», Міністэрства культуры Рэспублікі Беларусь ПАСТАНАЎЛЯЕ:

Зацвердзіць прыкладзены праект зон аховы нерухомых матэрыяльных гісторыка-культурных каштоўнасцей – «Брацкая магіла» 1944 год і «Брацкая магіла» 1941–1944 гады на могілках па вул. 8 Сакавіка ў г. Барысаве.

 

Міністр

Б.У.Святлоў

 

ЗАЦВЕРДЖАНА Пастанова Міністэрства культуры Рэспублікі Беларусь 27.07.2017 № 43

Праект зон аховы нерухомых матэрыяльных гісторыка-культурных каштоўнасцей – «Брацкая магіла» 1944 год і «Брацкая магіла» 1941–1944 гады на могілках па вул. 8 Сакавіка ў г. Барысаве

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомых матэрыяльных гісторыка-культурных каштоўнасцей – «Брацкая магіла» 1944 год і «Брацкая магіла» 1941–1944 гады на могілках па вул. 8 Сакавіка ў г. Барысаве (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. Праект зон аховы распрацаваны для наступных нерухомых матэрыяльных гісторыка-культурных каштоўнасцей катэгорыі «3», уключаных у Дзяржаўны спіс гісторыка-культурных каштоўнасцей Рэспублікі Беларусь у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167):

брацкая магіла (1944 год) на могілках па вул. 8 Сакавіка ў г. Барысаве, шыфр 613Д000006;

брацкая магіла (1941–1944 гады) на могілках па вул. 8 Сакавіка ў г. Барысаве, шыфр 613Д000007.

3. Праект зон аховы распрацаваны праектным філіялам ААТ «Белрэстаўрацыя» па заказу Барысаўскага гарадскога ўнітарнага прадпрыемства «Жыллё».

4. Праект зон аховы распрацаваны з мэтай забеспячэння захавання нерухомых матэрыяльных гісторыка-культурных каштоўнасцей – «Брацкая магіла» 1944 год і «Брацкая магіла» 1941–1944 гады на могілках па вул. 8 Сакавіка ў г. Барысаве (далей – гісторыка-культурныя каштоўнасці) і іх навакольнага асяроддзя, вызначае межы тэрыторыі, ахоўную зону гісторыка-культурных каштоўнасцей і яе межы, рэжымы іх утрымання і выкарыстання.

5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу існуючай горадабудаўнічай сітуацыі і ландшафту.

Схема зон аховы гісторыка-культурных каштоўнасцей дадаецца.

ГЛАВА 2
ТЭРЫТОРЫЯ ГІСТОРЫКА-КУЛЬТУРНЫХ КАШТОЎНАСЦЕЙ

6. Тэрыторыя гісторыка-культурных каштоўнасцей уяўляе сабой комплекс пахаванняў, у склад якіх уваходзіць брацкая магіла ў паўднёвай часцы з помнікам, тры стэлы ўздоўж цэнтральнай алеі і невялікія надмагільныя пліты (11 шт.) і злева ад цэнтральнай брацкай магілы знаходзіцца брацкая магіла экіпажа танка Т-34 з помнікам героям-танкістам.

Межамі тэрыторыі гісторыка-культурных каштоўнасцей з’яўляецца ўмоўная лінія, якая ідзе па агароджы тэрыторыі брацкіх могілак (простакутнік памерамі 49 х 13 м).

Плошча тэрыторыі гісторыка-культурных каштоўнасцей складае 0,064 га.

7. На тэрыторыі гісторыка-культурных каштоўнасцей забараняецца:

узвядзенне будынкаў і збудаванняў;

устаноўка рэкламных канструкцый;

пракладка інжынерных камунікацый;

правядзенне работ без выканання патрабаванняў, устаноўленых заканадаўствам у дачыненні да тэрыторый пахаванняў;

пахаванні, не звязаныя з ахвярамі ўдзельнікаў баявых дзеянняў перыяду 1941–1944 гадоў;

высечка дрэваў (акрамя санітарных рубак).

ГЛАВА 3
АХОЎНАЯ ЗОНА

8. Ахоўная зона гісторыка-культурных каштоўнасцей устаноўлена, зыходзячы з неабходнасці захавання гісторыка-культурных каштоўнасцей і стварэння спрыяльных умоў для іх ўспрымання.

9. Вонкавымі межамі зоны аховы з’яўляюцца:

на поўначы – умоўная лінія даўжынёй 19 м, якая ідзе на адлегласці 3 м ад паўночнага боку агароджы тэрыторыі гісторыка-культурных каштоўнасцей;

на ўсходзе – умоўная лінія даўжынёй 57 м, якая ідзе на адлегласці 3 м ад усходняга боку агароджы тэрыторыі гісторыка-культурных каштоўнасцей;

на поўдні – лінія даўжынёй 20 м, якая ідзе па агароджы тэрыторыі Старых могілак, на якіх знаходзіцца тэрыторыя гісторыка-культурных каштоўнасцей;

на захадзе – лінія даўжынёй 59 м, якая ідзе на адлегласці 3 м ад заходняга боку агароджы тэрыторыі гісторыка-культурных каштоўнасцей.

Унутраныя межы зоны аховы супадаюць з межамі тэрыторыі гісторыка-культурных каштоўнасцей.

Плошча зоны аховы складае 0,049 га.

10. На тэрыторыі ахоўнай зоны забараняецца:

узвядзенне будынкаў і збудаванняў;

змена характару ландшафта;

устаноўка рэкламных канструкцый;

пракладка інжынерных камунікацый (акрамя неабходных для асвятлення гісторыка-культурных каштоўнасцей);

пахаванні;

высадка зялёных насаджэнняў, акрамя рэкамендаванага стварэння «зялёнай сцяны» з боку паўднёвай мяжы ахоўнай зоны;

высечка дрэваў (акрамя санітарных рубак).