 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
10 лістапада 2014 г. № 63
Аб зацвярджэнні праекта зон аховы гісторыка-культурнай каштоўнасці – «Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці)»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці)».
|
Міністр |
Б.У.Святлоў |
|
|
Пастанова |
Праект зон аховы гісторыка-культурнай каштоўнасці – «Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці)»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурнай каштоўнасці – «Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці)» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гiсторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці) з’яўляецца гісторыка-культурнай каштоўнасцю катэгорыі «3», якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 313Г000312 згодна з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе аддзела ідэалагічнай работы, культуры і па справах моладзі Жлобінскага раённага выканаўчага камітэта.
4. Праект зон аховы выкананы з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і ўстанаўленні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона, зона рэгулявання забудовы, зона аховы ландшафту.
Схема зон аховы дадаецца.
7. Зоны аховы гісторыка-культурнай каштоўнасці – брацкая магіла (1941–1944 гады) у в. Пірэвічы Жлобінскага раёна Гомельскай вобласці, якая размешчана ў зоне аховы ландшафту гісторыка-культурнай каштоўнасці «Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці)», зацверджаны пастановай Міністэрства культуры Рэспублікі Беларусь ад 10 студзеня 2013 г. № 1 «Об утверждении проекта зон охраны историко-культурных ценностей – воинского захоронения в г. Жлобине и братских могил на территории Жлобинского района Гомельской области».
ГЛАВА 2
АХОЎНАЯ ЗОНА
8. Ахоўная зона ўстаноўлена зыходзячы з неабходнасці фізічнага захавання і забеспячэння ўмоў найлепшага ўспрымання гісторыка-культурнай каштоўнасці. Ахоўная зона акружае гісторыка-культурную каштоўнасць з усіх бакоў і займае тэрыторыю ў межах агароджы царквы і невялікі ўчастак перад брамай.
Плошча ахоўнай зоны складае 0,32 га.
9. Межамі ахоўнай зоны з’яўляюцца:
на паўночным усходзе – лінія, якая ідзе ў створы з паўночна-ўсходняй царкоўнай агароджай, далей па гэтай агароджы ад кропкі скрыжавання з лініяй, якая ідзе ў створы з паўночна-заходняй агароджай сквера, да кропкі скрыжавання з лініяй, якая ідзе па паўднёва-ўсходняй агароджы царквы;
на паўднёвым усходзе – лінія, якая ідзе па паўднёва-ўсходняй агароджы царквы, ад кропкі скрыжавання з лініяй, якая ідзе па паўночна-ўсходняй агароджы царквы, да кропкі скрыжавання з лініяй, якая ідзе па паўднёва-заходняй агароджы царквы;
на паўднёвым захадзе – лінія, якая ідзе па паўднёва-заходняй агароджы царквы і ў створы з ёй ад кропкі скрыжавання з лініяй, якая ідзе па паўднёва-ўсходняй агароджы царквы, да кропкі скрыжавання з лініяй, якая ідзе ў створы з паўночна-заходняй агароджай сквера;
на паўночным захадзе – лінія, якая ідзе ў створы з паўночна-заходняй агароджай сквера, ад кропкі скрыжавання з лініяй, якая ідзе ў створы з паўднёва-заходняй царкоўнай агароджай, да кропкі скрыжавання з лініяй, якая ідзе ў створы з паўночна-ўсходняй царкоўнай агароджай.
10. На тэрыторыі ахоўнай зоны забараняецца будаўніцтва будынкаў і збудаванняў.
11. На тэрыторыі ахоўнай зоны дазваляецца:
пракладка інжынерных камунікацый;
правядзенне работ па добраўпарадкаванні тэрыторыі.
ГЛАВА 3
ЗОНА РЭГУЛЯВАННЯ ЗАБУДОВЫ
12. Зона рэгулявання забудовы ўстаноўлена зыходзячы з неабходнасці рэгламентавання маштабу пры рэканструкцыі існуючай забудовы на тэрыторыях, прылеглых да гісторыка-культурнай каштоўнасці.
Зона рэгулявання забудовы размяшчаецца на тэрыторыі сядзібнай забудовы з паўночна-ўсходняга і паўднёва-ўсходняга бакоў ад гісторыка-культурнай каштоўнасці і мае адзіны рэжым утрымання.
Плошча зоны рэгулявання забудовы складае 3,95 га.
13. Межамі рэгулявання забудовы з’яўляюцца:
на паўночным усходзе – лінія, якая ідзе ў створы з паўночна-ўсходняй агароджай прысядзібных участкаў уздоўж вул. Савецкай, далей па гэтай агароджы ад кропкі скрыжавання з лініяй, якая ідзе па заходняй агароджы прысядзібных участкаў уздоўж вул. Леніна, да кропкі скрыжавання з лініяй, якая ідзе па паўднёва-ўсходняй агароджы прысядзібных участкаў уздоўж дарогі ў в. Забаб’е;
на паўднёвым усходзе – лінія, якая ідзе па паўднёва-ўсходняй агароджы прысядзібных участкаў уздоўж дарогі ў в. Забаб’е, ад кропкі скрыжавання з лініяй, якая ідзе па паўночна-ўсходняй агароджы прысядзібных участкаў уздоўж вул. Савецкай, да кропкі скрыжавання з паўднёва-заходняй агароджай прысядзібных участкаў уздоўж вул. Калініна;
на паўднёвым захадзе – лінія, якая ідзе па паўднёва-заходняй агароджы прысядзібных участкаў уздоўж вул. Калініна і ўстворы з ёй ад кропкі скрыжавання з лініяй, якая ідзе па паўднёва-ўсходняй агароджы прысядзібных участкаў уздоўж дарогі ў в. Забаб’е, да кропкі скрыжавання з паўднёва-ўсходняй мяжой ахоўнай зоны гісторыка-культурнай каштоўнасці; далей на паўночным захадзе, паўднёвым захадзе – паўднёва-ўсходняя, паўночна-ўсходняя межы ахоўнай зоны гісторыка-культурнай каштоўнасці;
на паўночным захадзе, захадзе – лінія, якая ідзе па паўночна-заходняй, заходняй агароджах прысядзібных участкаў уздоўж вул. Леніна, ад кропкі скрыжавання з паўночна-ўсходняй мяжой ахоўнай зоны гісторыка-культурнай каштоўнасці да кропкі скрыжавання з лініяй, якая ідзе ў створы з паўночна-ўсходняй агароджай прысядзібных участкаў уздоўж вул. Савецкай.
14. На тэрыторыі зоны рэгулявання забудовы забараняецца размяшчэнне прамысловых прадпрыемстваў, гандлёва-складскіх і іншых збудаванняў, якія павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі.
15. На тэрыторыі зоны рэгулявання забудовы дазваляецца:
будаўніцтва новых будынкаў і збудаванняў не вышэй за шэсць метраў ад узроўню глебы да ўзроўню вільчака даху;
рэканструкцыя існуючых будынкаў і збудаванняў з павышэннем вільчака даху не вышэй за шэсць метраў ад узроўню глебы;
пракладка неабходных інжынерных камунікацый;
добраўпарадкаванне тэрыторыі.
ГЛАВА 4
ЗОНА АХОВЫ ЛАНДШАФТУ
16. Зона аховы ландшафту ўстаноўлена з мэтай захавання прыроднага асяроддзя, візуальна звязанага з гісторыка-культурнай каштоўнасцю.
Зона аховы ландшафту займае тэрыторыю сквера, дзе знаходзіцца брацкая магіла, ўчастак, які прылягае да сквера, і частку тэрыторыі былога сядзібнага саду ўздоўж вул. Леніна.
Плошча зоны аховы ландшафту складае 2,53 га.
17. Межамі зоны аховы ландшафту з’яўляюцца:
на паўночным усходзе – лінія, якая ідзе ў створы з паўночна-ўсходняй мяжой зоны рэгулявання забудовы, ад кропкі скрыжавання з лініяй, якая ідзе па ўсходняй агароджы тэрыторыі дзяржаўнай установы адукацыі «Пірэвіцкая дапаможная школа-інтэрнат», да кропкі скрыжавання з заходняй мяжой зоны рэгулявання забудовы;
на ўсходзе, паўднёвым усходзе – заходняя, паўночна-заходняя межы зоны рэгулявання забудовы, паўночна-заходняя мяжа ахоўнай зоны ад кропкі скрыжавання з лініяй, якая ідзе ў створы з паўночна-ўсходняй мяжой зоны рэгулявання забудовы, да кропкі скрыжавання з паўднёва-заходняй мяжой ахоўнай зоны;
на паўночным усходзе – паўднёва-заходняя мяжа ахоўнай зоны, паўднёва-заходняя мяжа зоны рэгулявання забудовы, ад кропкі скрыжавання з паўночна-заходняй мяжой ахоўнай зоны да кропкі скрыжавання з паўднёва-ўсходняй мяжой зоны рэгулявання забудовы;
на паўднёвым усходзе – лінія, якая ідзе ў створы з паўднёва-ўсходняй мяжой зоны рэгулявання забудовы, ад кропкі скрыжавання з паўднёва-заходняй мяжой зоны рэгулявання забудовы да кропкі скрыжавання з лініяй, якая ідзе ў створы з паўднёва-заходняй мяжой тэрыторыі сквера;
на паўднёвым захадзе – лінія, якая ідзе ў створы з паўднёва-заходняй мяжой тэрыторыі сквера, далей па гэтай мяжы і ў створы з ёй ад кропкі скрыжавання з лініяй, якая ідзе ў створы з паўднёва-ўсходняй мяжой зоны рэгулявання забудовы, да кропкі скрыжавання з лініяй, якая ідзе ў створы з паўднёва-заходнім участкам агароджы дзяржаўнай установы адукацыі «Пірэвіцкая дапаможная школа-інтэрнат»; далей лінія, якая ідзе ў створы з паўднёва-заходнім участкам агароджы дзяржаўнай установы адукацыі «Пірэвіцкая дапаможная школа-інтэрнат», па гэтым участку і ў створы з ім да кропкі скрыжавання з лініяй, якая ідзе па паўднёва-ўсходнім фасадзе будынка дзяржаўнай установы адукацыі «Пірэвіцкая дапаможная школа-інтэрнат»;
на паўночным захадзе – лінія, якая ідзе па паўднёва-ўсходнім фасадзе будынка дзяржаўнай установы адукацыі «Пірэвіцкая дапаможная школа-інтэрнат», ад кропкі скрыжавання з лініяй, якая ідзе ў створы з паўднёва-заходнім участкам агароджы дзяржаўнай установы адукацыі «Пірэвіцкая дапаможная школа-інтэрнат», да ўсходняга вугла будынка дзяржаўнай установы адукацыі «Пірэвіцкая дапаможная школа-інтэрнат»; далей лінія, якая ідзе ад ўсходняга вугла будынка дзяржаўнай установы адукацыі «Пірэвіцкая дапаможная школа-інтэрнат» да кропкі скрыжавання з лініяй, якая ідзе па ўсходняй агароджы тэрыторыі дзяржаўнай установы адукацыі «Пірэвіцкая дапаможная школа-інтэрнат» і ў створы з паўночна-ўсходняй мяжой зоны рэгулявання забудовы.
18. На тэрыторыі зоны аховы ландшафту забараняецца:
будаўніцтва будынкаў і збудаванняў;
пракладка магістральных дарог;
змяненне характару ландшафту.
19. На тэрыторыі зоны аховы ландшафту дазваляецца:
правядзенне работ па добраўпарадкаванні;
пракладка інжынерных камунікацый;
санітарная высечка зялёных насаджэнняў.
|
|
да праекта зон аховы гісторыка- |
Схема зон аховы гісторыка-культурнай каштоўнасці – «Усясвяцкая царква. Дэкаратыўнае аздабленне інтэр’ера і экстэр’ера (в. Пірэвічы Жлобінскага раёна Гомельскай вобласці)»
|
ЭКСПЛІКАЦЫЯ |
|
УМОЎНЫЯ АБАЗНАЧЭННІ |
||||
|
№ на плане |
Назвы |
Заўвага |
|
№ |
Абазначэнне |
Назвы |
|
1 |
Усясвяцкая царква, 1902 г. |
|
|
1 |
|
Матэрыяльная нерухомая гісторыка-культурная каштоўнасць |
|
2 |
Брацкая магіла, 1941–1944 гг. |
|
|
2 |
|
Ахоўная зона |
|
|
|
|
|
3 |
|
Зона рэгулявання забудовы |
|
|
|
|
|
4 |
|
Зона аховы ландшафту |
|
|
|
|
|
5 |
|
Будынак жылой і грамадскай забудовы |
