 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
18 мая 2016 г. № 9
Аб зацвярджэнні праекта зон аховы гісторыка-культурнай каштоўнасці – «Магіла ахвяр фашызму» ў г. Добруш Гомельскай вобласці»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Магіла ахвяр фашызму» ў г. Добруш Гомельскай вобласці».
|
Міністр |
Б.У.Святлоў |
|
|
Пастанова Міністэрства культуры |
Праект зон аховы гісторыка-культурнай каштоўнасці – «Магіла ахвяр фашызму» ў г. Добруш Гомельскай вобласці»
1. Праект зон аховы гісторыка-культурнай каштоўнасці – «Магіла ахвяр фашызму» ў г. Добруш Гомельскай вобласці» распрацаваны на падставе часткі першай пункта 2 артыкула 29 Закона Рэспублікі Беларусь «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Магіла ахвяр фашызму ў г. Добруш Гомельскай вобласці з’яўляецца гісторыка-культурнай каштоўнасцю катэгорыі «3», якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 313Д000837 у адпаведнасці з пастановай Савета Міністраў Рэспублікі Беларусь ад 3 верасня 2008 г. № 1288 «Аб наданні статусу і катэгорый гісторыка-культурнай каштоўнасці і ўнясенні змяненняў і дапаўненняў у пастанову Савета Міністраў Рэспублікі Беларусь ад 14 мая 2007 г. № 578» (Национальный реестр правовых актов Республики Беларусь, 2008 г., № 222, 5/28291).
3. Праект зон аховы распрацаваны аддзелам ідэалагічнай работы, культуры і па справах моладзі Добрушскага райвыканкама сумесна з камунальным праектна-вытворчым унітарным прадпрыемствам «Архітэктура – Добруш».
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і ўстанаўленні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлена ахоўная зона.
Схема зоны аховы дадаецца.
7. Ахоўная зона гісторыка-культурнай каштоўнасці ўстаноўлена зыходзячы з неабходнасці фізічнага захавання гісторыка-культурнай каштоўнасці і стварэння спрыяльных умоў для яе ўспрымання.
8. Плошча ахоўнай зоны складае 0,0123 га.
9. Межамі ахоўнай зоны з’яўляюцца:
на поўначы – лінія даўжынёй 30 м на адлегласці 1,3 м на поўнач ад гісторыка-культурнай каштоўнасці;
на ўсходзе – лінія даўжынёй 4,1 м на адлегласці 1,5 м на ўсход ад гісторыка-культурнай каштоўнасці;
на поўдні – лінія даўжынёй 30 м на адлегласці 1,3 м на поўдзень ад гісторыка-культурнай каштоўнасці;
на захадзе – лінія даўжынёй 4,1 м на захад ад гісторыка-культурнай каштоўнасці.
10. На тэрыторыі ахоўнай зоны забараняецца:
устаноўка буйнапамерных рэкламных канструкцый;
змена планіровачнай структуры;
узвядзенне будынкаў і збудаванняў.
11. На тэрыторыі ахоўнай зоны дазваляецца:
правядзенне работ па добраўпарадкаванні;
санацыя зялёных насаджэнняў.
