 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
25 кастрычніка 2016 г. № 45
Аб зацвярджэнні праекта зон аховы гісторыка-культурнай каштоўнасці – «Магіла ахвяр фашызму, 1942 г. у в. Будкі Ельскага раёна Гомельскай вобласці, на паўночны ўсход ад вёскі, на месцы былой в. Забалацце»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Магіла ахвяр фашызму, 1942 г. у в. Будкі Ельскага раёна Гомельскай вобласці, на паўночны ўсход ад вёскі, на месцы былой в. Забалацце».
|
Міністр |
Б.У.Святлоў |
|
|
Пастанова |
Праект зон аховы гісторыка-культурнай каштоўнасці – «Магіла ахвяр фашызму, 1942 г. у в. Будкі Ельскага раёна Гомельскай вобласці, на паўночны ўсход ад вёскі, на месцы былой в. Забалацце»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурнай каштоўнасці – «Магіла ахвяр фашызму, 1942 г. у в. Будкі Ельскага раёна Гомельскай вобласці, на паўночны ўсход ад вёскі, на месцы былой в. Забалацце» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Магіла ахвяр фашызму, 1942 г. у в. Будкі Ельскага раёна Гомельскай вобласці, на паўночны ўсход ад вёскі, на месцы былой в. Забалацце з’яўляецца гісторыка-культурнай каштоўнасцю катэгорыі «3», якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 313Д000849 у адпаведнасці з пастановай Савета Міністраў Рэспублікі Беларусь ад 19 жніўня 2009 г. № 1088 (Национальный реестр правовых актов Республики Беларусь, 2009 г., № 211, 5/30346).
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе Cтаравысокаўскага сельскага выканаўчага камітэта Ельскага раёна Гомельскай вобласці.
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу існуючай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона, зона аховы ландшафту.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена з улікам забеспячэння фізічнага захавання гісторыка-культурнай каштоўнасці і стварэння спрыяльных умоў для яе ўспрымання.
8. Межамі ахоўнай зоны з’яўляецца ўмоўная лінія, якая ідзе па перыметру агароджы гісторыка-культурнай каштоўнасці памерамі 13 х 22 м.
Плошча ахоўнай зоны складае 0,03 га.
9. На тэрыторыі ахоўнай зоны забараняецца:
узвядзенне будынкаў і збудаванняў;
правядзенне работ без выканання патрабаванняў, устаноўленых заканадаўствам у дачыненні да тэрыторый месцаў пахаванняў;
высечка дрэў (акрамя санітарных рубак).
10. На тэрыторыі ахоўнай зоны дазваляецца:
правядзенне работ па добраўпарадкаванні тэрыторыі;
правядзенне рамонтна-аднаўленчых работ;
санітарныя высечкі зялёных насаджэнняў.
ГЛАВА 3
ЗОНА АХОВЫ ЛАНДШАФТУ
11. Зона аховы ландшафту ўстаноўлена з мэтай захавання асяроддзя гісторыка-культурнай каштоўнасці – прыроднага ландшафту, непасрэдна звязанага з гісторыка-культурнай каштоўнасцю.
Зона аховы ландшафту ўстаноўлена на тэрыторыі вакол ахоўнай зоны.
12. Межамі зоны аховы ландшафту з’яўляюцца:
на поўначы – умоўная лінія даўжынёй 145 м, якая ідзе ад усходняга краю дарогі са шчэбеневым пакрыццём па граніцы надзела 23 квартала 39 Рэмезаўскага лясніцтва на адлегласці 40 м ад паўночнага боку драўлянай штыкетнай агароджы гісторыка-культурнай каштоўнасці;
на ўсходзе – умоўная лінія даўжынёй 85 м, якая ідзе ад граніц надзела 23 квартала 39 Рэмезаўскага лясніцтва праз палявую дарогу на ворнае поле на адлегласці 70 метраў ад усходняга боку драўлянай штыкетнай агароджы гісторыка-культурнай каштоўнасці;
на поўдні – умоўная лінія, якая ідзе 185 м па ворным полі праз канаву да ўсходняга краю грунтавой дарогі са шчэбеневым пакрыццём на адлегласці 30 метраў ад паўднёвага боку драўлянай штыкетнай агароджы гісторыка-культурнай каштоўнасці;
на захадзе – умоўная лінія даўжынёй 90 м, якая ідзе па ўсходняму краю грунтавой дарогі са шчэбеневым пакрыццём.
Плошча зоны аховы ландшафту складае 1,4 га.
13. На тэрыторыі зоны аховы ландшафту забараняецца:
узвядзенне будынкаў і збудаванняў;
змена існуючага ландшафту;
пракладка новых транспартных камунікацый;
пракладка інжынерных камунікацый;
пасадка і высечка зялёных насаджэнняў (акрамя санітарных рубак);
стварэнне аўтастаянак.
14. На тэрыторыі зоны аховы ландшафту дазваляецца:
правядзенне сельскагаспадарчых работ, добраўпарадкаванне і азеляненне, якія не скажаюць існуючы ландшафт;
санітарныя высечкі зялёных насаджэнняў.
