 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
30 сакавіка 2015 г. № 11
Аб зацвярджэнні праекта зон аховы гісторыка-культурнай каштоўнасці – «Будынак па вул. Фралянкова, 11 у г. Баранавічы Брэсцкай вобласці»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Будынак па вул. Фралянкова, 11 у г. Баранавічы Брэсцкай вобласці».
|
Міністр |
Б.У.Святлоў |
|
|
Пастанова |
Праект зон аховы гісторыка-культурнай каштоўнасці – «Будынак па вул. Фралянкова, 11 у г. Баранавічы Брэсцкай вобласці»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурнай каштоўнасці – «Будынак па вул. Фралянкова, 11 у г. Баранавічы Брэсцкай вобласці» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гiсторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Будынак па вул. Фралянкова, 11 у г. Баранавічы Брэсцкай вобласці з’яўляецца гісторыка-культурнай каштоўнасцю катэгорыі «3», якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 113Д000048 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе культурна-спартыўнага цэнтра ўнітарнага прадпрыемства «Баранавіцкае аддзяленне Беларускай чыгункі».
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і ўстанаўленні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу навакольнага асяроддзя і ландшафту.
6. Праектам зон аховы ўстаноўлена ахоўная зона.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з умоў найлепшага ўспрымання і захавання гісторыка-культурнай каштоўнасці.
Ахоўная зона размяшчаецца вакол гісторыка-культурнай каштоўнасці.
Плошча ахоўнай зоны складае 0,08 га.
8. Межамі ахоўнай зоны з’яўляюцца:
на паўночным усходзе – лінія, якая ідзе па бардзюрным каменю праезнай часткі няцотнага боку вул. Фралянкова, ад кропкі перасячэння з лініяй, якая ідзе ў створы з бардзюрным каменем, які агароджвае азялененую тэрыторыю побач з будынкам, да кропкі перасячэння з лініяй, якая ідзе па бардзюрным камені паўночна-заходняга боку праезду ўздоўж паўднёва-ўсходняга тарца будынка па вул. Фралянкова, 11;
на паўднёвым усходзе – лінія, якая ідзе па бардзюрным каменю паўночна-заходняга боку праезду ўздоўж паўднёва-ўсходняга тарца будынка па вул. Фралянкова, 11, ад кропкі перасячэння з лініяй, якая ідзе па бардзюрным каменю праезнай часткі няцотнага боку вул. Фралянкова да кропкі перасячэння з лініяй, якая ідзе па бардзюрным каменю паўночна-ўсходняга боку прывакзальнай плошчы;
на паўднёвым захадзе – лінія, якая ідзе па бардзюрным каменю паўночна-ўсходняга боку прывакзальнай плошчы, ад кропкі перасячэння з лініяй, якая ідзе па бардзюрным каменю паўночна-заходняга боку праезду ўздоўж паўднёва-ўсходняга тарца будынка па вул. Фралянкова, 11, да кропкі перасячэння з лініяй, якая ідзе ў створы з бардзюрным каменем, які агароджвае азялененую тэрыторыю побач з будынкам;
на паўночным захадзе – лінія, якая ідзе ў створы з бардзюрным каменем, які агароджвае азялененую тэрыторыю побач з будынкам, па гэтым бардзюрным каменю і ў створы з ім ад кропкі перасячэння з лініяй, якая ідзе па бардзюрным каменю паўночна-заходняга боку прывакзальнай плошчы, да кропкі перасячэння з лініяй, якая ідзе па бардзюрным каменю праезнай часткі няцотнага боку вул. Фралянкова.
9. На тэрыторыі ахоўнай зоны забараняецца:
будаўніцтва будынкаў і збудаванняў;
усталяванне буйнапамерных шыльдаў і інфармацыйных канструкцый.
10. На тэрыторыі ахоўнай зоны дазваляецца:
правядзенне работ па добраўпарадкаванні;
пракладка інжынерных камунікацый.
