 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
26 снежня 2024 г. № 185
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Рэшткі комплексу былой сядзібы: сядзібны дом, парк, вадаём» у в. Вялікі Двор Стаўбцоўскага раёна Мінскай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Рэшткі комплексу былой сядзібы: сядзібны дом, парк, вадаём» у в. Вялікі Двор Стаўбцоўскага раёна Мінскай вобласці (дадаецца).
2. Гэта пастанова ўступае ў сілу пасля яе афіцыйнага апублікавання.
|
Міністр |
Р.І.Чарнецкі |
|
|
Пастанова 26.12.2024 № 185 |
Праект зон аховы нерухомай матэрыяльнай гісторыка-культурнай каштоўнасці «Рэшткі комплексу былой сядзібы: сядзібны дом, парк, вадаём» у в. Вялікі Двор Стаўбцоўскага раёна Мінскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Рэшткі комплексу былой сядзібы: сядзібны дом, парк, вадаём» у в. Вялікі Двор Стаўбцоўскага раёна Мінскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Рэшткі комплексу былой сядзібы: сядзібны дом, парк, вадаём» у в. Вялікі Двор Стаўбцоўскага раёна Мінскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), унесенай у Дзяржаўны спіс гісторыка-культурных каштоўнасцей Рэспублікі Беларусь пад шыфрам 613Г000610.
3. Праект зон аховы распрацаваны індывідуальным прадпрымальнікам Рутай Уладзіславам Карлавічам па заказу дзяржаўнай установы «Цэнтр па забеспячэнні дзейнасці бюджэтных арганізацый Стаўбцоўскага раёна» і адкрытага акцыянернага таварыства «Вялікі Двор».
4. Праект зон аховы распрацаваны на падставе архіўна-бібліяграфічных і натурных даследаванняў, аналізу горадабудаўнічай сітуацыі і ландшафту.
5. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона), зоны аховы ландшафту гісторыка-культурнай каштоўнасці (далей – зона аховы ландшафту), зоны аховы культурнага пласта (слоя) гісторыка-культурнай каштоўнасці (далей – зона аховы культурнага пласта (слоя) і іх межаў, рэжымаў іх утрымання і выкарыстання.
Схема зон аховы гісторыка-культурнай каштоўнасці дадаецца (дадатак 1).
Спіс геаграфічных каардынат дадаецца (дадатак 2).
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ. АХОЎНАЯ ЗОНА
6. Тэрыторыя гісторыка-культурнай каштоўнасці вызначана ў межах тэрыторыі былой сядзібы з улікам сучаснай горадабудаўнічай сітуацыі.
Тэрыторыя ахоўнай зоны супадае з тэрыторыяй гісторыка-культурнай каштоўнасці і ўстаноўлена для забеспячэння захавання гісторыка-культурнай каштоўнасці і яе элементаў, навакольнага асяроддзя, выяўлення архітэктурна-мастацкай якасці гісторыка-культурнай каштоўнасці і найлепшага яе зрокавага ўспрымання.
7. Мяжой тэрыторыі гісторыка-культурнай каштоўнасці і ахоўнай зоны з’яўляюцца:
на паўночным захадзе, паўднёвым захадзе – умоўная лінія, якая ідзе ад кропкі 1 уздоўж урэза вады заходняга берага вадаёма да кропкі 2;
на поўдні – умоўная лінія, якая ідзе ад кропкі 2 на ўсход па лініі рэльефу ад схілу да раўніны праз кропкі 27–3–4–5–6 да праезнай часткі дарогі да копкі 7;
на поўначы – умоўная лінія, якая ідзе ад кропкі 1 і далей на ўсход уздоўж дорогі па ўнутраным боку да кропкі 11 на скрыжаванні дарог;
на паўднёвым усходзе, паўночным усходзе – умоўная лінія, якая ідзе ад кропкі 7 на поўнач уздоўж праезнай часткі дарогі праз кропкі 8–9–10–11 да кропкі 1.
8. На тэрыторыі гісторыка-культурнай каштоўнасці і ахоўнай зоны забараняецца:
выкананне рамонтна-рэстаўрацыйных работ на гісторыка-культурнай каштоўнасці, якімі прадугледжаны навукова неабгрунтаваныя змяненні іх аб’ёмна-прасторавага, архітэктурнага і канструктыўнага рашэння, а таксама без навукова-праектнай дакументацыі, узгодненай ва ўстаноўленым парадку;
узвядзенне будынкаў і збудаванняў, акрамя навукова абгрунтаванага аднаўлення страчаных гістарычных будынкаў і збудаванняў, а таксама пракладкі неабходных падземных інжынерных камунікацый;
знішчэнне, прычыненне шкоды, пагаршэнне тэхнічнага стану, навукова неабгрунтаваная змена (у тым ліку змена параметраў будынкаў, страта канструктыўных і архітэктурных элементаў, мастацкіх асаблівасцяў) будынкаў і збудаванняў, якія ўваходзяць у склад гісторыка-культурнай каштоўнасці, а таксама дэмантаж рэшткаў старых падмуркаў;
знішчэнне, прычыненне шкоды, пагаршэнне тэхнічнага стану, змена архітэктурнага рашэння і дэкаратыўных элементаў фасадаў аб’ектаў каштоўнага гісторыка-архітэктурнага асяроддзя;
рэканструкцыя нейтральнай забудовы з павелічэннем яе аб’ёмна-прасторавага рашэння і ўжываннем дысануючых матэрыялаў і колеравых рашэнняў;
рэканструкцыя і мадэрнізацыя дысаніруючай забудовы з павелічэннем яе аб’ёмна-прасторавага рашэння і без прыняцця адпаведных мер па іх дэмантажу ці нейтралізацыі ў навакольным асяроддзі;
правядзенне работ па добраўпарадкаванні, уладкаванні знешняга асвятлення і ўсталяванні сродкаў вонкавай рэкламы, якія пагаршаюць успрыманне аб’ёмна-прасторавых асаблівасцяў гісторыка-культурнай каштоўнасці, а таксама правядзенне работ без уліку традыцыйных прыёмаў і матэрыялаў;
добраўпарадкаванне тэрыторыі без уліку традыцыйных матэрыялаў і прыёмаў, уласцівых характару і перыяду фарміравання гісторыка-культурнай каштоўнасці, у тым ліку выкарыстанне нехарактэрных матэрыялаў і прыёмаў пакрыцця дарог, элементаў азелянення, малых архітэктурных формаў, якія вядуць да пагаршэння ўмоў успрымання гісторыка-культурнай каштоўнасці;
будаўніцтва транзітных транспартных камунікацый, наземных інжынерных камунікацый і збудаванняў, акрамя рэканструкцыі мясцовых праездаў і пад’ездаў да гісторыка-культурнай каштоўнасці;
высяканне дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе адпаведнага заключэння, і санітарных высяканняў).
ГЛАВА 3
ЗОНА АХОВЫ ЛАНДШАФТУ
9. Зона аховы ландшафту ўстаноўлена на тэрыторыі, якая прылягае да тэрыторыі былой сядзібы з заходняга і паўднёвага бакоў, з мэтай захавання прыроднага асяроддзя, візуальна звязанага з гісторыка-культурнай каштоўнасцю.
10. Мяжой зоны аховы ландшафту з’яўляюцца:
на паўночным усходзе, паўднёвым усходзе – умоўная лінія, якая ідзе ад кропкі 12 уздоўж праезнай часткі дарогі да кропкі 1; далей па лініі ўрэза вады вадаёма да кропкі 2; далей на ўсход па лініі рэльефу ад схілу да раўніны праз кропкі 3–4–5–6 да кропкі 7; далей на поўдзень да меліярацыйнага канала да кропкі 19;
на поўдні – умоўная лінія, якая ідзе ад кропкі 19 на захад уздоўж меліярацыйных каналаў праз кропкі 18–17–16 да кропкі 15;
на паўднёвым захадзе, паўночным захадзе – умоўная лінія, якая ідзе ад кропкі 15 на паўночны захад уздоўж меліярацыйнага канала да кропкі 14; далей на паўночны ўсход паралельна берагавой лініі вадаёма прз кропку 13 да праезнай часткі дарогі да кропкі 12.
11. На тэрыторыі зоны аховы ландшафту забараняецца:
узвядзенне будынкаў і збудаванняў, акрамя пракладкі неабходных падземных інжынерных камунікацый, рамонту і (або) рэканструкцыі існуючых інжынерных камунікацый;
пракладка транспартных камунікацый;
правядзенне работ па добраўпарадкаванні і азеляненні тэрыторыі, якія вядуць да змены існуючага рэльефу і характару тэрыторыі;
высяканне дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе адпаведнага заключэння, і санітарных высяканняў).
ГЛАВА 4
ЗОНА АХОВЫ КУЛЬТУРНАГА ПЛАСТА (СЛОЯ)
12. Зона аховы культурнага пласта (слоя) устаноўлена на тэрыторыі гісторыка-культурнай каштоўнасці на ўчастку, дзе вызначаны рэшткі і падмуркі сядзібных гаспадарчых пабудоў, за выключэннем тэррыторыі вадаёма і прыбярэжнай тэрыторыі з боку сядзібы.
13. Мяжой зоны аховы культурнага пласта (слоя) з’яўляюцца:
на захадзе – умоўная лінія, якая ідзе ад кропкі 27 на паўночны ўсход уздоўж агароджы праз кропку 26 да кропкі 25;
на поўначы – умоўная лінія, якая ідзе ад кропкі 25 на ўсход уздоўж агароджы да кропкі 24; дадлей на паўночны ўсход уздоўж пад’язной дарогі праз кропку 10 да кропкі 23;
на паўночным ўсходзе, паўднёвым усходзе – умоўная лінія, якая ідзе ад кропкі 23 на паўднёвы ўсход праз кропкі 22–21–20 да кропкі 7;
на поўдні – умоўная лінія, якая ідзе ад кропкі 7 на захад па лініі рэльефу ад схілу да раўніны праз кропкі 6–5–4–3 да кропкі 27.
14. На тэрыторыі зоны аховы культурнага пласта (слоя) забараняецца:
знішчэнне, прычыненне шкоды, пагаршэнне тэхнічнага стану, змена архітэктурнага рашэння і дэкаратыўных элементаў фасадаў аб’ектаў каштоўнага гісторыка-архітэктурнага асяроддзя;
правядзенне земляных, будаўнічых, меліярацыйных і іншых работ без прыняцця мер па ахове археалагічных артэфактаў у адпаведнасці з артыкуламі 129 і 130 Кодэкса Рэспублікі Беларусь аб культуры.
|
|
да праекта зон аховы нерухомай |
Схема зон аховы гісторыка-культурнай каштоўнасці
|
|
да праекта зон аховы нерухомай |
|
№ кропкі |
Каардынаты (у.д.) |
Каардынаты (п.ш.) |
|
1 |
26.540164 |
53.357161 |
|
2 |
26.538525 |
53.353297 |
|
3 |
26.539909 |
53.352871 |
|
4 |
26.540971 |
53.353047 |
|
5 |
26.542226 |
53.353502 |
|
6 |
26.543202 |
53.353566 |
|
7 |
26.544114 |
53.353815 |
|
8 |
26.543975 |
53.354417 |
|
9 |
26.542408 |
53.355442 |
|
10 |
26.542666 |
53.355897 |
|
11 |
26.542569 |
53.356089 |
|
12 |
26.539168 |
53.357709 |
|
13 |
26.538514 |
53.357337 |
|
14 |
26.534512 |
53.354545 |
|
15 |
26.534973 |
53.353111 |
|
16 |
26.537999 |
53.352861 |
|
17 |
26.538139 |
53.352163 |
|
18 |
26.541668 |
53.353175 |
|
19 |
26.544154 |
53.352727 |
|
20 |
26.544908 |
53.354372 |
|
21 |
26.544830 |
53.354738 |
|
22 |
26.544393 |
53.355339 |
|
23 |
26.542999 |
53.355973 |
|
24 |
26.541775 |
53.355448 |
|
25 |
26.540359 |
53.355608 |
|
26 |
26.539329 |
53.354994 |
|
27 |
26.538922 |
53.353393 |