 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
15 снежня 2017 г. № 78
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці – «Будынак каледжа сувязі» па вуліцы П.Броўкі, 14 у горадзе Мінску
На падставе пункта 3 артыкула 105 Кодэкса Рэспублікі Беларусь аб культуры і абзаца шостага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40 «Вопросы Министерства культуры», Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы нерухомай матэрыяльнай гісторыка-культурнай каштоўнасці – «Будынак каледжа сувязі» па вуліцы П.Броўкі, 14 у горадзе Мінску.
|
Міністр |
Ю.П.Бондар |
|
|
Пастанова |
Праект зон аховы нерухомай матэрыяльнай гісторыка-культурнай каштоўнасці – «Будынак каледжа сувязі» па вуліцы П.Броўкі, 14 у горадзе Мінску
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці – «Будынак каледжа сувязі» па вуліцы П.Броўкі, 14 у горадзе Мінску (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. Будынак каледжа сувязі па вуліцы П.Броўкі, 14 у горадзе Мінску з’яўляецца нерухомай матэрыяльнай гісторыка-культурнай каштоўнасцю катэгорыі «3», унесенай у Дзяржаўны спіс гісторыка-культурных каштоўнасцей Рэспублікі Беларусь пад шыфрам 713Г000016 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны ўнітарным прадпрыемствам «Мінскграда» па заказу Камітэта архітэктуры і горадабудаўніцтва Мінгарвыканкама.
4. Праект зон аховы распрацаваны з мэтай забеспячэння захавання нерухомай матэрыяльнай гісторыка-культурнай каштоўнасці і яе навакольнага асяроддзя, заключаецца ў вызначэнні межаў тэрыторыі нерухомай матэрыяльнай гісторыка-культурнай каштоўнасці, межаў зон аховы і ўстанаўленні рэжымаў іх утрымання і выкарыстання.
5. Праект зон аховы выкананы на падставе гісторыка-архіўных і бібліяграфічных даследаваннях, аналізе горадабудаўнічай сітуацыі і ландшафту.
6. Праектам зон аховы ўстаноўлены наступныя зоны аховы нерухомай матэрыяльнай гісторыка-культурнай каштоўнасці: ахоўная зона, зона рэгулявання забудовы.
Схема зон аховы нерухомай матэрыяльнай гісторыка-культурнай каштоўнасці дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з умоў найлепшага ўспрымання нерухомай матэрыяльнай гісторыка-культурнай каштоўнасці і яе захавання з улікам існуючай горадабудаўнічай сітуацыі.
У ахоўную зону ўключана дваровая тэрыторыя будынка каледжа сувязі.
Плошча ахоўнай зоны складае 0,13 га.
8. Межамі ахоўнай зоны служаць:
на паўночным усходзе – чырвоная лінія цотнага боку вуліцы П.Броўкі ад кропкі скрыжавання з лініяй, якая ідзе па паўднёва-ўсходнім тарцы будынка па вул. П.Броўкі, 12 да кропкі скрыжавання з лініяй, якая ідзе па паўночна-заходнім тарцы будынка каледжа сувязі па вул. П.Броўкі, 14; далей лінія, якая ідзе па паўночна-заходнім тарцы, па дваравых фасадах будынка па вул. П.Броўкі, 14 да кропкі скрыжавання з чырвонай лініяй цотнага боку вул. П.Броўкі; далей чырвоная лінія цотнага боку вуліцы П.Броўкі да кропкі скрыжавання з лініяй, якая ідзе па паўднёва-ўсходняй агароджы тэрыторыі каледжа сувязі;
на паўднёвым усходзе, паўднёвым захадзе – лінія, якая ідзе па паўднёва-ўсходняй, паўднёва-заходняй агароджам тэрыторыі каледжа сувязі ад кропкі скрыжавання з чырвонай лініяй цотнага боку вул. П.Броўкі да кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. П.Броўкі, 12/2;
на паўночным захадзе – лінія, якая ідзе ў створы з паўднёва-ўсходнім тарцом будынка па вул. П.Броўкі, 12/2 і па гэтым тарцы ад кропкі скрыжавання з лініяй, якая ідзе па паўднёва-заходняй агароджы тэрыторыі каледжа сувязі па вул. П.Броўкі, 14 да кропкі скрыжавання з лініяй, якая ідзе па паўночна-ўсходнім фасадзе будынка па вул. П.Броўкі, 12/2; далей на паўднёвым захадзе – лінія, якая ідзе па паўночна-ўсходнім фасадзе будынка па вул. П.Броўкі, 12/2 да кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. П.Броўкі, 12; далей на паўночным захадзе – лінія, якая ідзе ў створы з паўднёва-ўсходнім тарцом будынка па вул. П.Броўкі, 12 і па гэтым тарцы да кропкі скрыжавання з чырвонай лініяй цотнага боку вул. П.Броўкі.
9. На тэрыторыі ахоўнай зоны нерухомай матэрыяльнай гісторыка-культурнай каштоўнасці забараняецца ўзвядзенне будынкаў і збудаванняў.
ГЛАВА 3
ЗОНА РЭГУЛЯВАННЯ ЗАБУДОВЫ
10. Зона рэгулявання забудовы нерухомай матэрыяльнай гісторыка-культурнай каштоўнасці ўстаноўлена зыходзячы з неабходнасці рэгламентавання маштабу новага будаўніцтва і рэканструкцыі існуючай забудовы на тэрыторыі, прылеглай да нерухомай матэрыяльнай гісторыка-культурнай каштоўнасці.
Зона рэгулявання забудовы нерухомай матэрыяльнай гісторыка-культурнай каштоўнасці ўстаноўлена на тэрыторыі, якую займаюць інтэрнаты каледжа сувязі і на вытворчай тэрыторыі, прылеглай да агароджы вакол будынка каледжа сувязі па вул. П.Броўкі, 14.
Зона рэгулявання забудовы нерухомай матэрыяльнай гісторыка-культурнай каштоўнасці мае адзін рэжым утрымання.
Плошча зоны рэгулявання забудовы нерухомай матэрыяльнай гісторыка-культурнай каштоўнасці складае 0,17 га.
11. Межамі зоны рэгулявання забудовы нерухомай матэрыяльнай гісторыка-культурнай каштоўнасці служаць:
на паўночным усходзе – чырвоная лінія цотнага боку вул. П.Броўкі ад кропкі скрыжавання з лініяй, якая ідзе па паўночна-заходнім фасадзе будынка па вул. П.Броўкі, 12 да кропкі скрыжавання з паўночна-заходняй мяжой ахоўнай зоны нерухомай матэрыяльнай гісторыка-культурнай каштоўнасці; далей на паўднёвым усходзе, паўночным усходзе, паўднёвым усходзе, паўночным усходзе, паўночным захадзе – паўночна-заходняя, паўднёва-заходняя, паўночна-заходняя, паўднёва-заходняя, паўднёва-ўсходняя межы ахоўнай зоны нерухомай матэрыяльнай гісторыка-культурнай каштоўнасці да кропкі скрыжавання з чырвонай лініяй цотнага боку вуліцы П.Броўкі; далей на паўночным усходзе – чырвоная лінія цотнага боку вуліцы П.Броўкі да кропкі скрыжавання з лініяй, якая ідзе па паўднёва-ўсходнім тарцы будынка па вул. П.Броўкі, 16;
на паўднёвым усходзе – лінія, якая ідзе па паўднёва-ўсходнім тарцы будынка па вул. П.Броўкі, 16 і ў створы з ім ад кропкі скрыжавання з чырвонай лініяй цотнага боку вул. П.Броўкі да кропкі скрыжавання з лініяй, якая ідзе на адлегласці 15 м да паўднёвага захаду ад паўднёва-заходняй мяжы ахоўнай зоны нерухомай матэрыяльнай гісторыка-культурнай каштоўнасці;
на паўднёвым захадзе – лінія, якая ідзе на адлегласці 15 м да паўднёвага захаду ад паўднёва-заходняй мяжы ахоўнай зоны нерухомай матэрыяльнай гісторыка-культурнай каштоўнасці ад кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. П.Броўкі, 16 да кропкі скрыжавання з лініяй, якая ідзе ў створы з паўночна-заходнім фасадам будынка па вул. П.Броўкі, 12;
на паўночным захадзе – лінія, якая ідзе ў створы з паўночна-заходнім фасадам будынка па вул. П.Броўкі, 12 і па гэтым фасадзе ад кропкі скрыжавання з лініяй, якая ідзе на адлегласці 15 м да паўднёвага захаду ад паўднёва-заходняй мяжы ахоўнай зоны нерухомай матэрыяльнай гісторыка-культурнай каштоўнасці да кропкі скрыжавання з чырвонай лініяй цотнага боку вул. П.Броўкі.
12. На тэрыторыі зоны рэгулявання забудовы нерухомай матэрыяльнай гісторыка-культурнай каштоўнасці забараняецца:
узвядзенне будынкаў і збудаванняў, надбудова існуючых будынкаў і збудаванняў вышэй за 14 м ад узроўню зямлі да ўзроўню вільчака даху;
размяшчэнне прамысловых прадпрыемстваў, транспартна-складскіх і іншых будынкаў, якія ствараюць вялікія грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі.
