 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
28 лістапада 2016 г. № 59
Аб зацвярджэнні праекта зон аховы гісторыка-культурных каштоўнасцей – «Будынкі па пр. Незалежнасці, 91, 93 у г. Мінску»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурных каштоўнасцей – «Будынкі па пр. Незалежнасці, 91, 93 у г. Мінску».
|
Міністр |
Б.У.Святлоў |
|
|
Пастанова |
Праект зон аховы гісторыка-культурных каштоўнасцей – «Будынкі па пр. Незалежнасці, 91, 93 у г. Мінску»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурных каштоўнасцей – «Будынкі па пр. Незалежнасці, 91, 93 у г. Мінску» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Будынкі па пр. Незалежнасці, 91, 93 у г. Мінску з’яўляюцца гісторыка-культурнымі каштоўнасцямі катэгорыі «2», якія ўключаны ў Дзяржаўны спіс гісторыка-культурных каштоўнасцей Рэспублікі Беларусь пад шыфрамі 712Г000201 і 712Г000202 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе камітэта архітэктуры і горадабудаўніцтва Мінгарвыканкама.
4. Праект зон аховы выкананы ў мэтах забеспячэння аховы гісторыка-культурных каштоўнасцей і навакольнага гістарычнага асяроддзя, заключаецца ў вызначэнні межаў, рэжымаў утрымання і выкарыстання зон аховы гісторыка-культурных каштоўнасцей.
5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурных каштоўнасцей: ахоўная зона, зона рэгулявання забудовы, зона аховы ландшафту.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з умоў найлепшага ўспрымання захавання гісторыка-культурных каштоўнасцей з улікам існуючай горадабудаўнічай сітуацыі.
У ахоўную зону ўключана праезная і пешаходная часткі пр. Незалежнасці.
Плошча ахоўнай зоны складае 6,18 га.
Межамі ахоўнай зоны з’яўляюцца:
на паўночным усходзе – лінія, якая ідзе па бартавым камені паўночна-ўсходняга боку праезнай часткі ўздоўж няцотнага боку вул. Талбухіна ад кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. Талбухіна, 3 да кропкі скрыжавання з лініяй, якая ідзе па паўднёва-ўсходняй мяжы бульвара па вул. Талбухіна; далей на паўднёвым усходзе – лінія, якая ідзе па паўднёва-ўсходняй мяжы бульвара па вул. Талбухіна і ў створы з ёй да кропкі скрыжавання з чырвонай лініяй забудовы цотнага боку вул. Талбухіна; далей на паўночным усходзе – чырвоная лінія забудовы цотнага боку вул. Талбухіна і лінія ў створы з ёй да кропкі скрыжавання з паўночна-заходняй мяжой гісторыка-культурнай каштоўнасці «Парк імя Чалюскінцаў»;
на паўднёвым усходзе – паўночна-заходняя мяжа гісторыка-культурнай каштоўнасці «Парк імя Чалюскінцаў» ад кропкі скрыжавання з лініяй, якая ідзе ў створы з чырвонай лініяй забудовы цотнага боку вул. Талбухіна да кропкі скрыжавання з паўночна-ўсходняй мяжой ахоўнай зоны гісторыка-культурнай каштоўнасці «Цэнтральны батанічны сад Нацыянальнай акадэміі навук Беларусі» (далей – Батанічны сад); далей на паўднёвым захадзе, паўднёвым усходзе, паўночным усходзе – паўночна-ўсходняя, паўночна-заходняя, паўднёва-заходняя межы ахоўнай зоны Батанічнага сада; далей на паўднёвым усходзе – лінія, якая ідзе ў створы з паўночна-заходняй мяжой Батанічнага сада да кропкі скрыжавання з лініяй, якая ідзе па паўночна-ўсходнім фасадзе будынка па пр. Незалежнасці, 80;
на паўднёвым захадзе – лінія, якая ідзе па паўночна-ўсходнім фасадзе будынка па пр. Незалежнасці, 80 ад кропкі скрыжавання з лініяй, якая ідзе ў створы з паўночна-заходняй мяжой Батанічнага сада да паўночнага вугла будынка па пр. Незалежнасці, 80; далей лінія, якая злучае паўночны вугал будынка па пр. Незалежнасці, 80 і ўсходні вугал будынка па пр. Незалежнасці, 89 да кропкі скрыжавання з лініяй, якая ідзе ў створы з паўднёва-ўсходняй мяжой сквера на пл. Калініна;
на паўночным захадзе – лінія, якая ідзе ў створы з паўднёва-ўсходняй мяжой сквера на пл. Калініна ад кропкі скрыжавання з лініяй, якая злучае вяршыню паўночнага вугла будынка па пр. Незалежнасці, 80 і вяршыню ўсходняга вугла будынка па пр. Незалежнасці, 89 да кропкі скрыжавання з лініяй, якая ідзе па паўночна-ўсходняй мяжы сквера; далей на паўднёвым захадзе – паўночна-ўсходняя мяжа сквера і лінія ў створы з ёй да кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. Калініна, 4; далей на паўночным захадзе – лінія, якая ідзе ў створы з паўднёва-ўсходнім тарцом будынка па вул. Калініна, 4, па гэтым тарцы і ў створы з ім да кропкі скрыжавання з лініяй, якая ідзе ў створы з паўднёва-заходнім тарцом будынка па вул. Калініна, 2а; далей на паўночным усходзе – лінія, якая ідзе ў створы з паўднёва-заходнім тарцом будынка па вул. Калініна, 2а і па гэтым тарцы; далей на паўночным захадзе, паўднёвым захадзе – лінія, якая ідзе па паўднёва-ўсходнім фасадзе, па паўночна-ўсходнім тарцы будынка па вул. Калініна, 2а; далей на паўночным захадзе – лінія, якая ідзе ў створы з паўночна-заходнім фасадам будынка па вул. Калініна, 2а да кропкі скрыжавання з лініяй, якая ідзе па паўднёва-заходнім тарцы будынка па пр. Незалежнасці, 93а; далей на паўночным усходзе, паўночным захадзе, паўднёвым захадзе – лінія, якая ідзе па паўднёва-заходнім тарцы, па паўднёва-ўсходнім фасадзе, па паўночна-ўсходнім тарцы і ў створы з паўночна-ўсходнім тарцом да кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. Талбухіна, 3; далей на паўночным захадзе – лінія, якая ідзе ў створы з паўднёва-ўсходнім тарцом будынка па вул. Талбухіна, 3, па гэтым тарцы і ў створы з ім да кропкі скрыжавання з лініяй, якая ідзе па бартавым камені паўночна-ўсходняга боку дарожнай часткі ўздоўж няцотнага боку вул. Талбухіна.
8. На тэрыторыі ахоўнай зоны дазваляецца:
правядзенне работ па добраўпарадкаванні тэрыторыі;
пракладка падземных інжынерных камунікацый.
9. На тэрыторыі ахоўнай зоны забараняецца:
узвядзенне будынкаў і збудаванняў;
усталяванне буйнапамерных рэкламных канструкцый.
ГЛАВА 3
ЗОНА РЭГУЛЯВАННЯ ЗАБУДОВЫ
10. Зона рэгулявання забудовы ўстаноўлена зыходзячы з умоў неабходнасці рэгламентавання маштабу новага будаўніцтва і рэканструкцыі існуючай забудовы на тэрыторыях, прылеглых да гісторыка-культурных каштоўнасцей.
Зона рэгулявання забудовы ўстаноўлена ў межах квартала і ўздоўж вул. Мяржынскага з радавой забудовай.
Зона рэгулявання забудовы мае два рэжымы ўтрымання.
11. Зона рэгулявання забудовы першага рэжыму ўтрымання ўстаноўлена на тэрыторыі квартала, абмежаванага вуліцамі Калініна, Мяржынскага, Талбухіна і прылягае да ахоўнай зоны будынкаў па пр. Незалежнасці, 91, 93.
Плошча зоны рэгулявання забудовы першага рэжыму ўтрымання складае 5,8 га.
Межамі зоны рэгулявання забудовы першага рэжыму ўтрымання з’яўляюцца:
на паўночным усходзе – лінія, якая ідзе па бартавым камені паўночна-ўсходняга боку дарожнай часткі ўздоўж няцотнага боку вул. Талбухіна ад кропкі скрыжавання з чырвонай лініяй забудовы цотнага боку вул. Мяржынскага да кропкі скрыжавання з паўночна-заходняй мяжой ахоўнай зоны;
на паўднёвым усходзе – паўночна-заходняя мяжа ахоўнай зоны да кропкі скрыжавання з лініяй, якая ідзе па паўднёва-заходнім фасадзе будынка па пр. Незалежнасці, 91б; далей на паўднёвым захадзе – лінія, якая ідзе па паўднёва-заходнім фасадзе будынка па пр. Незалежнасці, 91б да кропкі скрыжавання з лініяй, якая ідзе па паўднёва-ўсходняй агароджы вакол будынка па вул. Мяржынскага, 8а; далей на паўднёвым усходзе – лінія, якая ідзе па паўднёва-ўсходняй агароджы вакол будынка па вул. Мяржынскага, 8а і лінія ў створы з ёй да кропкі скрыжавання з лініяй, якая ідзе ў створы з паўночна-ўсходнім фасадам будынка па пр. Незалежнасці, 91а; далей на паўночным усходзе – лінія, якая ідзе ў створы з паўночна-ўсходнім фасадам будынка па пр. Незалежнасці, 91а, па гэтым фасадзе да кропкі скрыжавання з паўночна-заходняй мяжой ахоўнай зоны; далей на паўднёвым усходзе – паўночна-заходняя мяжа ахоўнай зоны да кропкі скрыжавання з чырвонай лініяй забудовы няцотнага боку вул. Калініна;
на паўднёвым захадзе – чырвоная лінія забудовы няцотнага боку вул. Калініна ад кропкі скрыжавання з паўночна-заходняй мяжой ахоўнай зоны да кропкі скрыжавання з чырвонай лініяй забудовы цотнага боку вул. Мяржынскага;
на паўночным захадзе – чырвоная лінія забудовы цотнага боку вул. Мяржынскага ад кропкі скрыжавання з чырвонай лініяй забудовы няцотнага боку вул. Калініна да кропкі скрыжавання з чырвонай лініяй забудовы няцотнага боку вул. Талбухіна.
12. На тэрыторыі зоны рэгулявання забудовы першага рэжыму ўтрымання дазваляецца:
узвядзенне будынкаў і збудаванняў не вышэй за 18 м ад узроўню зямлі да вільчака даху;
рамонт і рэканструкцыя з надбудовай існуючых будынкаў і збудаванняў не вышэй за 18 м ад узроўню зямлі да вільчака даху;
знос існуючых будынкаў і збудаванняў;
добраўпарадкаванне тэрыторыі;
пракладка падземных інжынерных камунікацый.
13. На тэрыторыі зоны рэгулявання забудовы першага рэжыму ўтрымання забараняецца:
размяшчэнне прамысловых прадпрыемстваў, гандлёва-складскіх і іншых збудаванняў, якія павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі;
размяшчэнне аўтамабільных стаянак.
14. Зона рэгулявання забудовы другога рэжыму ўтрымання ўстаноўлена уздоўж вул. Мяржынскага і прылягае да зоны рэгулявання забудовы першага рэжыму ўтрымання.
Плошча зоны рэгулявання забудовы другога рэжыму ўтрымання складае 2,3 га.
Межамі зоны рэгулявання забудовы другога рэжыму ўтрымання з’яўляюцца:
на паўночным усходзе – лінія, якая ідзе па бартавым камені паўночна-ўсходняга боку дарожнай часткі ўздоўж няцотнага боку вул. Талбухіна ад кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. Талбухіна, 9 да кропкі скрыжавання з паўночна-заходняй мяжой зоны рэгулявання забудовы першага рэжыму ўтрымання;
на паўднёвым усходзе – паўночна-заходняя мяжа зоны рэгулявання забудовы першага рэжыму ўтрымання;
на паўднёвым захадзе – чырвоная лінія забудовы няцотнага боку вул. Калініна ад кропкі скрыжавання з паўночна-заходняй мяжой зоны рэгулявання забудовы першага рэжыму ўтрымання да кропкі скрыжавання з лініяй, якая ідзе ў створы з паўночна-заходнім тарцом будынка па вул. Мяржынскага, 1;
на паўночным захадзе – лінія, якая ідзе ў створы з паўночна-заходнім тарцом будынка па вул. Мяржынскага, 1 і па гэтым тарцы, па паўночна-ўсходнім фасадзе гэтага будынка ад кропкі скрыжавання з чырвонай лініяй забудовы няцотнага боку вул. Калініна да кропкі скрыжавання з лініяй, якая ідзе ў створы з паўднёва-ўсходнім тарцом будынка па вул. Талбухіна, 9; далей лінія, якая ідзе ў створы з паўднёва-ўсходнім тарцом будынка па вул. Талбухіна, 9, па гэтым тарцы і ў створы з ім да кропкі скрыжавання з лініяй, якая ідзе па бартавым камені паўночна-ўсходняга боку праезнай часткі ўздоўж няцотнага боку вул. Талбухіна.
15. На тэрыторыі зоны рэгулявання забудовы другога рэжыму ўтрымання дазваляецца:
будаўніцтва будынкаў і збудаванняў, надбудова існуючых будынкаў і збудаванняў да 10 м ад узроўню зямлі да ўзроўню вільчака даху;
рамонт і рэканструкцыя з надбудовай існуючых будынкаў і збудаванняў не вышэй за 10 м ад узроўню зямлі да вільчака даху;
знос існуючых будынкаў і збудаванняў;
добраўпарадкаванне тэрыторыі;
пракладка падземных інжынерных камунікацый.
16. На тэрыторыі зоны рэгулявання забудовы другога рэжыму ўтрымання забараняецца: размяшчэнне прамысловых прадпрыемстваў, гандлёва-складскіх і іншых збудаванняў, якія павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі.
ГЛАВА 4
ЗОНА АХОВЫ ЛАНДШАФТУ
17. Зона аховы ландшафту ўстаноўлена пры складанні плана ландшафтнага аналізу на тэрыторыях, якія захавалі гістарычны характар ландшафту. Зона аховы ландшафту складаецца з трох участкаў, якія маюць адзіны рэжым утрымання і выкарыстання тэрыторыі.
18. Першы ўчастак зоны аховы ландшафту ўстаноўлены на ўнутрыквартальнай тэрыторыі паміж ахоўнай зонай і зонай рэгулявання забудовы першага рэжыму ўтрымання.
Плошча першага ўчастка зоны аховы ландшафту складае 0,42 га.
Межамі першага ўчастка зоны аховы ландшафту з’яўляюцца:
на паўночным усходзе, паўднёвым захадзе, паўночным захадзе – паўднёва-заходняя, паўночна-ўсходняя, паўднёва-ўсходняя межы зоны рэгулявання забудовы першага рэжыму ўтрымання;
на паўднёвым усходзе – паўночна-заходняя мяжа ахоўнай зоны гісторыка-культурных каштоўнасцей.
19. Другі ўчастак зоны аховы ландшафту ўстаноўлены на тэрыторыі сквера на пл. Калініна.
Плошча другога ўчастка зоны аховы ландшафту складае 0,35 га.
Межамі другога ўчастка зоны аховы ландшафту з’яўляюцца:
на паўночным усходзе, паўднёвым усходзе – паўднёва-заходняя, паўночна-заходняя межы ахоўнай зоны гісторыка-культурных каштоўнасцей ад кропкі скрыжавання з лініяй, якая ідзе па бартавым камені дарожнай часткі ўздоўж паўночна-заходняй мяжы сквера да кропкі скрыжавання з чырвонай лініяй забудовы цотнага боку зав. К.Чорнага;
на паўднёвым захадзе – чырвоная лінія забудовы цотнага боку зав. К.Чорнага ад кропкі скрыжавання з паўночна-заходняй мяжой ахоўнай зоны да кропкі скрыжавання з лініяй, якая ідзе па бартавым камені дарожнай часткі ўздоўж паўночна-заходняй мяжы сквера на пл. Калініна;
на паўночным захадзе – лінія, якая ідзе па бартавым камені падарожнай часткі ўздоўж паўночна-заходняй мяжы сквера ад кропкі скрыжавання з чырвонай лініяй забудовы цотнага боку зав. К.Чорнага да кропкі скрыжавання з паўднёва-заходняй мяжой ахоўнай зоны.
20. Трэці ўчастак зоны аховы ландшафту ўстаноўлены на тэрыторыі бульвара Талбухіна ад пр. Незалежнасці да вул. Мяржынскага.
Плошча трэцяга ўчастка зоны аховы ландшафту складае 1,59 га.
Межамі трэцяга ўчастка зоны аховы ландшафту з’яўляюцца:
на паўночным усходзе – лінія, якая ідзе па бартавым камені паўднёва-заходняга боку падарожнай часткі ўздоўж цотнага боку вул. Талбухіна ад кропкі скрыжавання з лініяй, якая ідзе ў створы з чырвонай лініяй забудовы цотнага боку вул. Мяржынскага да кропкі скрыжавання з паўночна-заходняй мяжой ахоўнай зоны гісторыка-культурных каштоўнасцей;
на паўднёвым усходзе, паўднёвым захадзе – паўночна-заходняя, паўночна-ўсходняя межы ахоўнай зоны гісторыка-культурных каштоўнасцей і лінія, якая ідзе ў створы з паўночна-ўсходняй мяжой ахоўнай зоны гісторыка-культурных каштоўнасцей ад кропкі скрыжавання з лініяй, якая ідзе па бартавым камені паўднёва-заходняга боку дарожнай часткі ўздоўж цотнага боку вул. Талбухіна да кропкі скрыжавання з лініяй, якая ідзе ў створы з чырвонай лініяй забудовы цотнага боку вул. Мяржынскага;
на паўночным захадзе – лінія, якая ідзе ў створы з чырвонай лініяй забудовы цотнага боку вул. Мяржынскага ад кропкі скрыжавання з лініяй, якая ідзе па бартавым камені паўднёва-заходняга боку дарожнай часткі ўздоўж няцотнага боку вул. Талбухіна да кропкі скрыжавання з лініяй, якая ідзе па бартавым камені паўднёва-заходняга боку дарожнай часткі ўздоўж цотнага боку вул. Талбухіна.
21. На тэрыторыі зоны аховы ландшафту забараняецца узвядзенне наземных будынкаў і збудаванняў.
22. На тэрыторыі зоны аховы ландшафту дазваляецца:
правядзенне работ па добраўпарадкаванні тэрыторыі;
пракладка падземных інжынерных камунікацый.
