Постановление № 39 (Постановление Министерства культуры Республики Беларусь от 8 апреля 2025 г. №39 «Аб зацвярджэннi праекта зон аховы нерухомай матэрыяльнай гiсторыка-культурнай каштоўнасцi "Тэрыторыя былога лагера смерцi "Трасцянец" у Заводскiм раёне г. Мiнска.»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

8 красавіка 2025 г. № 39

Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Тэрыторыя былога лагера смерці «Трасцянец» у Заводскім раёне г. Мінска

На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць праект зон аховы нерухомай матэрыяльнай гісторыка-культурнай каштоўнасці «Тэрыторыя былога лагера смерці «Трасцянец» у Заводскім раёне г. Мінска (дадаецца).

2. Прызнаць страціўшай сілу пастанову Міністэрства культуры Рэспублікі Беларусь ад 23 кастрычніка 2007 г. № 43 «Об утверждении проекта зон охраны историко-культурной ценности – «Территория бывшего лагеря смерти «Тростенец» в Заводском районе г. Минска».

3. Гэта пастанова ўступае ў сілу пасля яе афіцыйнага апублікавання.

 

Міністр

Р.І.Чарнецкі

 

ЗАЦВЕРДЖАНА Пастанова Міністэрства культуры Рэспублікі Беларусь 08.04.2025 № 39

Праект зон аховы нерухомай матэрыяльнай гісторыка-культурнай каштоўнасці «Тэрыторыя былога лагера смерці «Трасцянец» у Заводскім раёне г. Мінска

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомай матэрыяльнай гісторыка-культурнай каштоўнасці «Тэрыторыя былога лагера смерці «Трасцянец» у Заводскім раёне г. Мінска (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. «Тэрыторыя былога лагера смерці «Трасцянец» у Заводскім раёне г. Мінска з’яўляецца нерухомай матэрыяльнай гісторыка-культурнай каштоўнасцю катэгорыі «1» (далей – гісторыка-культурная каштоўнасць), якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 711Д000283.

3. Праект зон аховы распрацаваны праектна-даследчым камунальным унітарным прадпрыемствам «МІНСКГРАДА» ў складзе горадабудаўнічага праекта дэталёвага планавання тэрыторыі жылога раёна Малы Трасцянец у г. Мінску па заказе камітэта архітэктуры і горадабудаўніцтва Мінскага гарадскога выканаўчага камітэта.

4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона), зоны рэгулявання забудовы гісторыка-культурнай каштоўнасці (далей – зона рэгулявання забудовы) і іх межаў, рэжымаў іх утрымання і выкарыстання.

5. Праект зон аховы распрацаваны на падставе архіўна-бібліяграфічных даследаванняў, аналізу горадабудаўнічай сітуацыі і ландшафту.

Схема зон аховы гісторыка-культурнай каштоўнасці дадаецца (дадатак 1).

Табліца каардынат паваротных кропак дадаецца (дадатак 2).

ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ. АХОЎНАЯ ЗОНА

6. Тэрыторыя гісторыка-культурнай каштоўнасці вызначана на выснове навукова-даследчых работ па месцах знаходжання элементаў былога лагера.

Тэрыторыя гісторыка-культурнай каштоўнасці складаецца з чатырох участкаў.

7. Ахоўная зона ўстаноўлена для забеспячэння захавання гісторыка-культурнай каштоўнасці і яе навакольнага асяроддзя, найлепшага зрокавага ўспрымання гісторыка-культурнай каштоўнасці.

Ахоўная зона супадае з тэрыторыяй гісторыка-культурнай каштоўнасці.

8. Мяжой першага ўчастка тэрыторыі гісторыка-культурнай каштоўнасці і ахоўнай зоны згодна з дадаткам 1 з’яўляецца:

на паўночным усходзе – умоўная лінія, якая ідзе ўздоўж чырвонай лініі Партызанскага праспекта ад кропкі 1 на паўднёвы ўсход да кропкі 2;

на паўднёвым усходзе – умоўная лінія, якая ідзе ад кропкі 2 па мяжы зямельнага ўчастка з кадастравым нумарам 500000000002005627 праз кропкі 3–4 да кропкі 5, далей ад кропкі 5 уздоўж праезнай часткі вул. Ротмістрава да кропкі 6;

на паўночным захадзе – умоўная лінія, якая ідзе ад кропкі 6 ў паўночным напрамку ўздоўж мяжы зямельнага ўчастка для эксплуатацыі і абслугоўвання чыгуначных шляхоў агульнага карыстання да кропкі 1.

9. Мяжой другога ўчастка тэрыторыі гісторыка-культурнай каштоўнасці і ахоўнай зоны згодна з дадаткам 1 з’яўляецца:

на поўначы – умоўная лінія, якая ідзе ад кропкі 7 у паўднёва-ўсходнім напрамку па чырвонай лініі Партызанскага праспекта да кропкі 8;

на ўсходзе – умоўная лінія, якая ідзе ад кропкі 8 у паўднёвым напрамку ўздоўж чырвонай лініі вул. Сяліцкага да кропкі 9;

на поўдні – умоўная лінія, якая ідзе на захад ад кропкі 9 да кропкі 10;

на захадзе – умоўная лінія, якая ідзе на поўнач ад кропкі 10 да кропкі 7 (перасячэнне з чырвонай лініяй Партызанскага праспекта).

10. Мяжой трэцяга ўчастка тэрыторыі гісторыка-культурнай каштоўнасці і ахоўнай зоны згодна з дадаткам 1 з’яўляецца:

на ўсходзе – умоўная лінія, якая ідзе ад кропкі 11 на поўдзень уздоўж вул. Ельніцкай і сельскіх могілак праз кропкі 12–13–14–15 да кропкі 16; далей па паўднёвай мяжы зямельнага ўчастка па вул. Ельніцкай, 56А, да кропкі 17; далей уздоўж паўночна-ўсходняй мяжы праезнай часткі вул. Ельніцкай да кропкі 18 (перасячэнне з вул. М.Трасцянец); далей на паўднёвы ўсход уздоўж вул. М.Трасцянец да кропкі 19; далей уздоўж левага берага ручая Трасцянка праз кропкі 20–21–22–23–24–25–26–27–28–29–30–31 да кропкі 32 (перасячэнне з вул. Трасцянецкай); далей уздоўж вул. Трасцянецкай да кропкі 33;

на поўдні – умоўная лінія, якая ідзе ад кропкі 33 па мяжы зямельнага ўчастка для абслугоўвання і эксплуатацыі электрычнай падстанцыі праз кропку 34 да кропкі 35 (да праезнай часткі з вул. Сяліцкага);

на захадзе – умоўная лінія, якая ідзе ад кропкі 35 уздоўж вул. Сяліцкага праз кропкі 36–37–38–39 да кропкі 11.

11. Мяжой чацвёртага ўчастка тэрыторыі гісторыка-культурнай каштоўнасці і ахоўнай зоны згодна з дадаткам 1 з’яўляецца:

на паўночным захадзе – умоўная лінія, якая ідзе ад кропкі 40 паралельна мясцоваму праезду да кропкі 41;

на паўночным усходзе – умоўная лінія, якая ідзе ад кропкі 41 уздоўж мясцовага праезда праз кропкі 42–43–44 па мяжы чырвонай лініі вул. Паўлоўскага да кропкі 45;

на поўдні – умоўная лінія, якая ідзе ад кропкі 45 на захад праз кропку 46 да кропкі 47;

на паўднёвым захадзе – умоўная лінія, якая ідзе ад кропкі 47 на паўночны захад да кропкі 40.

12. На тэрыторыі гісторыка-культурнай каштоўнасці і ахоўнай зоны забараняецца:

знішчэнне, прычыненне шкоды, пагаршэнне тэхнічнага стану гісторыка-культурнай каштоўнасці, а таксама навукова неабгрунтаванае змяненне яе аб’ёмна-прасторавага і архітэктурнага рашэння, пагаршэнне ўмоў успрымання;

узвядзенне новых будынкаў і збудаванняў, не звязаных з гісторыка-культурнай каштоўнасцю, акрамя аднаўлення страчанай гістарычнай забудовы на падставе архіўна-бібліяграфічных матэрыялаў і навукова-праектнай дакументацыі; рэканструкцыі (рамонту) існуючай інжынернай і транспартнай інфраструктуры;

будаўнічая дзейнасць у адносінах да існуючых будынкаў і збудаванняў, якая прадугледжвае павелічэнне іх аб’ёмна-прасторавага рашэння і (або) ужыванне дысгарманічных матэрыялаў і колераў;

размяшчэнне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых уласцівасцей і элементаў гісторыка-культурнай каштоўнасці;

высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў);

выкананне земляных работ без уліку часткі першай пункта 1 артыкула 129 Кодэкса Рэспублікі Беларусь аб культуры;

ажыццяўленне дзейнасці без выканання Палажэння аб парадку добраўпарадкавання вайсковых пахаванняў і пахаванняў ахвяр войнаў, зацверджанага пастановай Савета Міністраў Рэспублікі Беларусь ад 17 верасня 2018 г. № 675.

ГЛАВА 3
ЗОНА РЭГУЛЯВАННЯ ЗАБУДОВЫ

13. Зона рэгулявання забудовы ўстаноўлена зыходзячы з неабходнасці рэгламентавання маштабу новага будаўніцтва і рэканструкцыі існуючай забудовы на тэрыторыі, якая прылягае да гісторыка-культурнай каштоўнасці, захавання неабходных умоў успрымання гісторыка-культурнай каштоўнасці і яе элементаў.

Зона рэгулявання забудовы складаецца з двух участкаў.

14. Мяжой першага ўчастка зоны рэгулявання забудовы згодна з дадаткам 1 з’яўляецца:

на захадзе – умоўная лінія, якая ідзе ад кропкі 32 па ўсходняй мяжы трэцяга ўчастка тэрыторыі гісторыка-культурнай каштоўнасці і ахоўнай зоны на поўнач праз кропкі 31–30–29–28–27–26–25–24–23–22–21–20–19–18–17–16–15–14–13–12 да кропкі 11; далей уздоўж чырвонай лініі вул. Сяліцкага праз кропку 48 да кропкі 49;

на поўначы – умоўная лінія, якая ідзе ад кропкі 49 уздоўж чырвонай лініі Смілавіцкага тракта праз кропкі 50–51 да кропкі 52;

на ўсходзе – умоўная лінія, якая ідзе ад кропкі 52 праз кропкі 53–54–55–56–57–58–59–60–61–62–63–64–65–66 да кропкі 67;

на поўдні – умоўная лінія, якая ідзе ад кропкі 67 у заходнім напрамку ўздоўж праезнай часткі вул. Трасцянецкай праз кропкі 68–69 да кропкі 32.

15. На тэрыторыі першага ўчастка зоны рэгулявання забудовы забараняецца:

знішчэнне, прычыненне шкоды, пагаршэнне тэхнічнага стану будынкаў і збудаванняў каштоўнага гісторыка-архітэктурнага асяроддзя;

узвядзенне будынкаў і збудаванняў вышэй за 11 м ад узроўню зямлі да ўзроўню вільчака даху і (або) з ужываннем неўласцівых, дысануючых матэрыялаў;

рэканструкцыя існуючых будынкаў і збудаванняў, якая прадугледжвае павелічэнне вышыні больш за 11 м ад узроўню зямлі да ўзроўню вільчака даху і (або) з ужываннем неўласцівых, дысануючых матэрыялаў;

усталяванне сродкаў вонкавай рэкламы, якія ствараюць перашкоды для візуальнага ўспрымання аб’ёмна-прасторавых уласцівасцей і элементаў гісторыка-культурнай каштоўнасці;

размяшчэнне прамысловых прадпрыемстваў, камунальна-складскіх і транспартных аб’ектаў і іншых збудаванняў, якія ў тым ліку павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі, за выключэннем аб’ектаў, якія забяспечваюць спрыяльнае і бяспечнае асяроддзе жыццядзейнасці насельніцтва.

16. Мяжой другога ўчастка зоны рэгулявання забудовы згодна з дадаткам 1 з’яўляецца:

на паўночным захадзе – умоўная лінія, якая ідзе ад кропкі 70 уздоўж мясцовага праезда да кропкі 40;

на паўночным усходзе – умоўная лінія, якая ідзе ад кропкі 40 па паўднёва-заходняй мяжы чацвёртага ўчастка тэрыторыі гісторыка-культурнай каштоўнасці і ахоўнай зоны да кропкі 47;

на паўднёвым усходзе – умоўная лінія, якая ідзе ад кропкі 47 на поўдзень да кропкі 71;

на паўднёвым захадзе – умоўная лінія, якая ідзе ад кропкі 71 па чырвонай лініі Смілавіцкага тракта да кропкі 70.

17. На тэрыторыі другога ўчастка зоны рэгулявання забудовы забараняецца:

дадатковае размяшчэнне, узвядзенне будынкаў і збудаванняў прамысловых прадпрыемстваў, камунальна-складскіх і транспартных аб’ектаў і іншых збудаванняў, якія ў тым ліку павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі, за выключэннем аб’ектаў, якія забяспечваюць спрыяльнае і бяспечнае асяроддзе жыццядзейнасці насельніцтва;

высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных высяканняў).

 

 

Дадатак 1 да праекта зон аховы нерухомай матэрыяльнай гісторыка-культурнай каштоўнасці «Тэрыторыя былога лагера смерці «Трасцянец» у Заводскім раёне г. Мінска

СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ

 

 

Дадатак 2 да праекта зон аховы нерухомай матэрыяльнай гісторыка-культурнай каштоўнасці «Тэрыторыя былога лагера смерці «Трасцянец» у Заводскім раёне г. Мінска

КААРДЫНАТЫ ПАВАРОТНЫХ КРОПАК

№ п.к.	Каардынаты	№ п.к.	Каардынаты
1	53.851627, 27.696834	37	53.83243, 27.696391
2	53.849953, 27.700279	38	53.837567, 27.704238
3	53.849617, 27.698717	39	53.838122, 27.704758
4	53.849681, 27.698248	40	53.843543, 27.731571
5	53.849887, 27.698141	41	53.847959, 27.738715
6	53.849252, 27.695498	42	53.843517, 27.745754
7	53.847957, 27.704382	43	53.843321, 27.745851
8	53.846935, 27.706483	44	53.843062, 27.745512
9	53.845302, 27.70587	45	53.840191, 27.747312
10	53.845345, 27.705523	46	53.840376, 27.737479
11	53.843331, 27.706713	47	53.839943, 27.736604
12	53.842559, 27.707219	48	53.844359, 27.70714
13	53.840276, 27.706566	49	53.845013, 27.707794
14	53.838901, 27.70616	50	53.844688, 27.710018
15	53.838086, 27.70633	51	53.844785, 27.710026
16	53.836851, 27.706635	52	53.844604, 27.711275
17	53.836718, 27.707891	53	53.84157, 27.717545
18	53.838785, 27.710306	54	53.840923, 27.716875
19	53.838252, 27.711043	55	53.840827, 27.717301
20	53.838139, 27.711144	56	53.839779, 27.71839
21	53.838023, 27.710837	57	53.838803, 27.71822
22	53.837288, 27.710856	58	53.836154, 27.71776
23	53.836633, 27.708461	59	53.83547, 27.717124
24	53.83546, 27.707594	60	53.836286, 27.715406
25	53.834809, 27.708051	61	53.83551, 27.714951
26	53.833562, 27.706823	62	53.834869, 27.713996
27	53.831997, 27.705501	63	53.834179, 27.71367
28	53.831638, 27.705608	64	53.829562, 27.713472
29	53.831606, 27.705932	65	53.828943, 27.71365
30	53.831155, 27.706051	66	53.828539, 27.713619
31	53.831042, 27.706179	67	53.828204, 27.713442
32	53.828277, 27.709275	68	53.828527, 27.71122
33	53.826631, 27.705982	69	53.828509, 27.710038
34	53.82732, 27.705002	70	53.838765, 27.726556
35	53.826706, 27.703735	71	53.836728, 27.730691
36	53.831879, 27.696385