Постановление № 204 (Постановление Министерства культуры Республики Беларусь от 21 декабря 2023 г. №204 «Аб зацвярджэннi праекта зон аховы нерухомай матэрыяльнай гiсторыка-культурнай каштоўнасцi "Брацкая магiла" на могiлках па вул. Кашавога ў г. Чэрвенi Чэрвеньскага раёна Мiнскай вобласцi.»)

ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

21 снежня 2023 г. № 204

Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Брацкая магіла» на могілках па вул. Кашавога ў г. Чэрвені Чэрвеньскага раёна Мінскай вобласці

На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:

1. Зацвердзіць праект зон аховы нерухомай матэрыяльнай гісторыка-культурнай каштоўнасці «Брацкая магіла» на могілках па вул. Кашавога ў г. Чэрвені Чэрвеньскага раёна Мінскай вобласці (дадаецца).

2. Дадзеная пастанова ўступае ў сілу пасля яе афіцыйнага апублікавання.

 

Міністр

А.М.Маркевіч

 

ЗАЦВЕРДЖАНА Пастанова Міністэрства культуры Рэспублікі Беларусь 21.12.2023 № 204

Праект зон аховы нерухомай матэрыяльнай гісторыка-культурнай каштоўнасці «Брацкая магіла» на могілках па вул. Кашавога ў г. Чэрвені Чэрвеньскага раёна Мінскай вобласці

ГЛАВА 1
АГУЛЬНЫЯ ПАЛАЖЭННІ

1. Праект зон аховы нерухомай матэрыяльнай гісторыка-культурнай каштоўнасці «Брацкая магіла» на могілках па вул. Кашавога ў г. Чэрвені Чэрвеньскага раёна Мінскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.

2. «Брацкая магіла» на могілках па вул. Кашавога ў г. Чэрвені Чэрвеньскага раёна Мінскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 613Д000632.

3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе раённага ўнітарнага прадпрыемства «Чэрвеньскае ЖКХ».

4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай каштоўнасці (далей – ахоўная зона) і яе мяжы, рэжымаў іх утрымання і выкарыстання.

5. Праект зон аховы распрацаваны на падставе архіўна-бібліяграфічных даследаванняў, аналізу горадабудаўнічай сітуацыі і ландшафту.

Схема зон аховы гісторыка-культурнай каштоўнасці дадаецца.

ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ

6. Тэрыторыя гісторыка-культурнай каштоўнасці вызначана ў межах агароджы, якая ўстаноўлена вакол помніка і надмагільных дошак.

Тэрыторыя гісторыка-культурнай каштоўнасці ўваходзіць у межы ахоўнай зоны.

7. Мяжой тэрыторыі гісторыка-культурнай каштоўнасці згодна з дадаткам з’яўляецца ўмоўная лінія, якая ідзе праз кропкі 1-2-3-4-1.

8. На тэрыторыі гісторыка-культурнай каштоўнасці дзейнічаюць рэжымы ўтрымання і выкарыстання, усталяваныя для ахоўнай зоны.

ГЛАВА 3
АХОЎНАЯ ЗОНА

9. Ахоўная зона ўстаноўлена для забеспячэння захавання гісторыка-культурнай каштоўнасці і яе навакольнага асяроддзя, найлепшага зрокавага ўспрымання гісторыка-культурнай каштоўнасці.

10. Мяжой ахоўнай зоны згодна з дадаткам з’яўляецца:

на паўднёвым захадзе – умоўная лінія, якая ідзе ад кропкі 5 на паўночны захад паралельна агароджы брацкай магілы да кропкі 6;

на паўночным захадзе – умоўная лінія, якая ідзе ад кропкі 6 на паўночны ўсход паралельна паўночна-заходняй агароджы брацкай магілы да кропкі 7;

на паўночным усходзе – умоўная лінія, якая ідзе ад кропкі 7 на паўднёвы ўсход паралельна паўночна-ўсходняй агароджы брацкай магілы да кропкі 8;

на паўднёвым усходзе – умоўная лінія, якая ідзе ад кропкі 8 на паўднёвы захад паралельна паўднёва-ўсходняй агароджы брацкай магілы да кропкі 5.

11. На тэрыторыі гісторыка-культурнай каштоўнасці і ахоўнай зоны забараняецца:

знішчэнне, прычыненне шкоды, пагаршэнне тэхнічнага стану гісторыка-культурнай каштоўнасці;

выкананне рамонтна-рэстаўрацыйных работ на гісторыка-культурнай каштоўнасці без навукова-праектнай дакументацыі, узгодненай ва ўстаноўленым парадку;

узвядзенне збудаванняў;

ажыццяўленне пахаванняў, акрамя загінуўшых пры абароне Айчыны;

высечка дрэў, акрамя аб’ектаў расліннага свету, якія знаходзяцца ў неналежным стане на падставе адпаведнага заключэння, а таксама санітарных рубак;

добраўпарадкаванне тэрыторыі і іншая дзейнасць, якія парушаюць умовы успрымання гісторыка-культурнай каштоўнасці;

ажыццяўленне дзейнасці без выканання Палажэння аб парадку добраўпарадкавання вайсковых пахаванняў і пахаванняў ахвяр войн, зацверджанага пастановай Савета Міністраў Рэспублікі Беларусь ад 17 верасня 2018 г. № 675.

 

Дадатак да праекта зон аховы нерухомай матэрыяльнай гісторыка-культурнай каштоўнасці «Брацкая магіла» на могілках па вул. Кашавога ў г. Чэрвені Чэрвеньскага раёна Мінскай вобласці

СХЕМА ЗОН АХОВЫ ГІСТОРЫКА-КУЛЬТУРНАЙ КАШТОЎНАСЦІ