 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
28 красавіка 2023 г. № 71
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Троіцкая царква» ў в. Стары Крупец Добрушскага раёна Гомельскай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Троіцкая царква» ў в. Стары Крупец Добрушскага раёна Гомельскай вобласці (дадаецца).
2. Дадзеная пастанова ўступае ў сілу пасля яе афіцыйнага апублікавання.
|
Міністр |
А.М.Маркевіч |
|
|
Пастанова 28.04.2023 № 71 |
Праект зон аховы нерухомай матэрыяльнай гісторыка-культурнай каштоўнасці «Троіцкая царква» ў в. Стары Крупец Добрушскага раёна Гомельскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Троіцкая царква» ў в. Стары Крупец Добрушскага раёна Гомельскай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Троіцкая царква» ў в. Стары Крупец Добрушскага раёна Гомельскай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «3» (далей – гісторыка-культурная каштоўнасць), унесенай пад шыфрам 313Г000275 у Дзяржаўны спіс гісторыка-культурных каштоўнасцей Рэспублікі Беларусь.
3. Праект зон аховы распрацаваны індывідуальным прадпрымальнікам Калбовічам Яўгенам Канстанцінавічам па заказе рэлігійнай абшчыны «Прыход храма Святой Жывапачатковай Тройцы ў в. Крупец».
4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, вызначае зоны аховы гісторыка-культурнай каштоўнасці і іх межы, рэжымы ўтрымання і выкарыстання зон аховы гісторыка-культурнай каштоўнасці.
5. Праект зон аховы распрацаваны на падставе архіўна-бібліяграфічных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлены тэрыторыя гісторыка-культурнай каштоўнасці, ахоўная зона гісторыка-культурнай каштоўнасці (далей – ахоўная зона), зона рэгулявання забудовы гісторыка-культурнай каштоўнасці (далей – зона рэгулявання забудовы) і зоны аховы ландшафту гісторыка-культурнай каштоўнасці (далей – зона аховы ландшафту).
Межы тэрыторыі гісторыка-культурнай каштоўнасці і зон аховы дадзены ў WGS сістэме каардынат.
Схема зон аховы гісторыка-культурнай каштоўнасці дадаецца.
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШЎТОЎНАСЦІ. АХОЎНАЯ ЗОНА
7. Тэрыторыя гісторыка-культурнай каштоўнасці вызначана з улікам існуючай горадабудаўнічай сітуацыі ў межах агароджы царквы.
8. Ахоўная зона вызначана зыходзячы з умоў неабходнасці захавання гісторыка-культурнай каштоўнасці і яе навакольнага асяроддзя.
Ахоўная зона супадае з тэрыторыяй гісторыка-культурнай каштоўнасці.
9. Мяжой тэрыторыі гісторыка-культурнай каштоўнасці з’яўляюцца:
на поўначы – лінія даўжынёй 305 м, якая ідзе ад кропкі 1 на паўночны ўсход да кропкі 2;
на ўсходзе – лінія, якая ідзе ад кропкі 2 на поўдзень да кропкі 3;
на паўднёвым усходзе – лінія, якая ідзе ад кропкі 3 на паўднёвы захад да кропкі 4;
на захадзе – лінія, якая ідзе ад кропкі 4 на паўночны ўсход да кропкі 5 і далей на паўночны ўсход да кропкі 1.
10. На тэрыторыі ахоўнай зоны забараняецца:
дзейнасць, якая пагаршае ўмовы ўспрымання гісторыка-культурнай каштоўнасці;
усталяванне непразрыстай агароджы царквы;
выкананне земляных работ без выканання мер па ахове археалагічных аб’ектаў у адпаведнасці з Кодэксам Рэспублікі Беларусь аб культуры.
ГЛАВА 3
ЗОНА РЭГУЛЯВАННЯ ЗАБУДОВЫ
11. Зона рэгулявання забудовы ўстаноўлена зыходзячы з неабходнасці рэгламентавання маштабу новага будаўніцтва і рэканструкцыі існуючай забудовы на тэрыторыі ў непасрэднай блізкасці да гісторыка-культурнай каштоўнасці з улікам стварэння неабходных умоў для ўспрымання гісторыка-культурнай каштоўнасці.
12. Мяжой тэрыторыі зоны рэгулявання забудовы з’яўляюцца:
на ўсходзе – умоўная лінія ўздоўж заходняга боку вул. Савецкай, якая ідзе ад кропкі 2 на паўднёвы ўсход праз кропку 7 да кропкі 8;
на паўднёвым усходзе – умоўная лінія, якая ідзе ад кропкі 8 на паўднёвы захад да кропкі 9;
на паўднёвым захадзе – умоўная ломаная лінія, якая ідзе ад кропкі 9 праз кропку 10 да кропкі 3 і далей паварочвае на поўнач і ідзе па вонкаваму боку агароджы да кропкі 2.
13. На тэрыторыі зоны рэгулявання забудовы забараняецца:
узвядзенне будынкаў і збудаванняў і (або) надбудова існуючых будынкаў і збудаванняў вышэй за 7 м ад узроўню зямлі да ўзроўню канька даху;
усталяванне з боку вуліцы агароджы светапразрыстасцю меней за 50 %, вышынёй больш за 1,2 м і без выкарыстання традыцыйных формаў, матэрыялаў і колеру.
ГЛАВА 4
ЗОНА АХОВЫ ЛАНДШАФТУ
14. Зона аховы ландшафту ўстаноўлена зыходзячы з неабходнасці захавання існуючага прыроднага асяроддзя, якое мае візуальную сувязь з гісторыка-культурнай каштоўнасцю.
15. Тэрыторыя зоны аховы ландшафту складаецца з двух частак.
16. Мяжой першага ўчастка зоны аховы ландшафту з’яўляюцца:
на поўдні – умоўная лінія, якая ідзе ад кропкі 10 на паўднёвы захад праз кропкі 11 і 12 да кропкі 13;
на захадзе – умоўная лінія ўздоўж усходняга боку р. Крупка, якая ідзе ад кропкі 13 на поўнач праз кропку 14 да кропкі 15;
на поўначы – умоўная лінія, якая ідзе ад кропкі 15 па паўднёваму боку вул. Савецкай на ўсход да кропкі 6;
на ўсходзе – умоўная лінія, якая ідзе ад кропкі 6 на поўдзень да кропкі 2 і далей вакол тэрыторыі ахоўнай зоны праз кропкі 1, 5 і 4 да кропкі 3 і далей уздоўж тэрыторыі зоны рэгулявання забудовы да кропкі 10.
17. Мяжой другога ўчастка зоны аховы ландшафту з’яўляюцца:
на захадзе – умоўная лінія, якая ідзе ўздоўж усходняга боку р. Крупка ад кропкі 16 на поўнач да кропкі 17;
на поўначы – умоўная лінія, якая ідзе ад кропкі 17 на ўсход да кропкі 18;
на ўсходзе – умоўная лінія, якая ідзе ад кропкі 18 па заходняму боку вул. Савецкай на поўдзень да кропкі 19;
на поўдні – умоўная лінія, якая ідзе ад кропкі 19 на захад да кропкі 16.
18. На тэрыторыі зоны аховы ландшафту забараняецца:
узвядзенне будынкаў і збудаванняў, акрамя пракладкі неабходных падземных інжынерных камунікацый, рамонту і (або) рэканструкцыі існуючых інжынерных камунікацый;
добраўпарадкаванне тэрыторыі і іншая дзейнасць, якія парушаюць характар традыцыйнага ландшафту і рэльефу, акрамя работ па добраўпарадкаванні тэрыторыі з выкарыстаннем традыцыйных прыёмаў і матэрыялаў;
размяшчэнне рэкламных канструкцый, акрамя аб’ектаў візуальна-адраснай арыентацыі, якія не ствараюць перашкоды для візуальнага ўспрымання аб’ёмна-прасторавых уласцівасцей гісторыка-культурнай каштоўнасці;
высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе заключэння аб прызнанні дрэва небяспечным, а таксама акрамя санітарных рубак).
