 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
1 жніўня 2016 г. № 30
Аб зацвярджэнні праекта зон аховы гісторыка-культурнай каштоўнасці – «Касцёл Святога Аляксея ў в. Сялец Бярозаўскага раёна Брэсцкай вобласці»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Касцёл Святога Аляксея ў в. Сялец Бярозаўскага раёна Брэсцкай вобласці».
|
Міністр |
Б.У.Святлоў |
|
|
ЗАЦВЕРДЖАНА Пастанова |
Праект зон аховы гісторыка-культурнай каштоўнасці – «Касцёл Святога Аляксея ў в. Сялец Бярозаўскага раёна Брэсцкай вобласці»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурнай каштоўнасці – «Касцёл Святога Аляксея ў в. Сялец Бярозаўскага раёна Брэсцкай вобласці» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Касцёл Святога Аляксея ў в. Сялец Бярозаўскага раёна Брэсцкай вобласці з’яўляецца гісторыка-культурнай каштоўнасцю катэгорыі «3», якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 113Г000155 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны дзяржаўным унітарным вытворчым прадпрыемствам «Бярозаўская жыллёва-камунальная гаспадарка» па заказе Рымска-каталіцкага прыходу Святога Аляксея ў в. Сялец Бярозаўскага раёна.
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і вызначэнні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных, бібліяграфічных і натурных даследаванняў, аналізу існуючага навакольнага асяроддзя і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона і зона рэгулявання забудовы.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з неабходнасці фізічнага захавання і стварэння спрыяльных умоў для візуальнага ўспрымання гісторыка-культурнай каштоўнасці.
Плошча ахоўнай зоны складае 0,3803 га.
8. Межамі ахоўнай зоны з’яўляюцца:
на паўночным захадзе – ламаная лінія, якая ідзе ад паўночна-ўсходняй кропкі ўсходняй мяжы зямельнага ўчастка дома № 6 па вул. Новікава на працягу 37 м да паўночна-заходняй кропкі заходняй мяжы зямельнага ўчастка дома № 8 па вул. Новікава;
на паўночным усходзе – лінія, якая ідзе ў створы з паўднёва-заходняй мяжой зямельнага ўчастка дома № 8 па вул. Новікава на працягу 105 м да паўночнай абочыны праезнай часткі вул. Новікава;
на поўдні – лінія, якая ідзе ад паўднёвай кропкі паўночна-ўсходняй мяжы зямельнага ўчастка дома № 6 па вул. Новікава па паўночнай абочыне праезнай часткі вул. Новікава на працягу 47 м;
на паўднёвым захадзе – лінія, якая ідзе ад паўднёва-ўсходняй кропкі ўсходняй мяжы зямельнага ўчастка дома № 6 па вул. Новікава на працягу 82 м.
9. На тэрыторыі ахоўнай зоны забараняецца:
узвядзенне будынкаў і збудаванняў;
змяненне існуючага рэльефу;
пракладка інжынерных камунікацый, не звязаных з функцыянаваннем гісторыка-культурнай каштоўнасці;
усталяванне рэкламных канструкцый;
правядзенне будаўнічых і земляных работ без прыняцця мер па ахове археалагічных аб’ектаў і археалагічных артэфактаў у парадку, устаноўленым заканадаўствам.
10. На тэрыторыі ахоўнай зоны дазваляецца правядзенне работ па добраўпарадкаванні тэрыторыі з выкарыстаннем характэрных гістарычных прыёмаў.
ГЛАВА 3
ЗОНА РЭГУЛЯВАННЯ ЗАБУДОВЫ
11. Зона рэгулявання забудовы ўстаноўлена зыходзячы з неабходнасці рэгламентавання маштабаў забудовы на тэрыторыях, прылеглых да гісторыка-культурнай каштоўнасці.
Плошча зоны рэгулявання забудовы складае 2,15 га.
12. Межамі зоны рэгулявання забудовы з’яўляюцца:
на паўночным усходзе – лінія, якая ідзе ў створы з агароджай паміж зямельнымі ўчасткамі дамоў № 37 і 39 па вул. 1-га Мая, перасякае праезную частку вул. 1-га Мая і ідзе да яе паўднёва-ўсходняй абочыны на працягу 142 м;
на паўднёвым усходзе – лінія, якая ідзе па паўднёва-ўсходняй абочыне праезнай часткі вул. 1-га Мая на працягу 155 м;
на паўднёвым захадзе – лінія, якая ідзе ад паўночна-заходняй мяжы зямельнага ўчастка дома № 18 па вул. 1-га Мая, перасякае праезную частку вул. 1-га Мая, далей ідзе ўздоўж паўночна-ўсходняй мяжы зямельнага ўчастка дома № 3 па вул. Новікава, далей ідзе па паўднёва-заходняй мяжы зямельнага ўчастка дома № 6 па вул. Новікава на працягу 96 м;
на паўночным захадзе – лінія, якая ідзе ад паўночнай кропкі паўднёва-заходняй мяжы зямельнага ўчастка № 6 па вул. Новікава да паўночнай кропкі паўночна-заходняй мяжы зямельнага ўчастка дома № 39 па вул. 1-га Мая на адлегласці 27 м паралельна паўночна-заходняй мяжы зямельнага ўчастка гісторыка-культурнай каштоўнасці.
13. На тэрыторыі зоны рэгулявання забудовы забараняецца:
будаўніцтва будынкаў і збудаванняў вышэй 7 м ад узроўню глебы да вышэйшай адзнакі даху;
размяшчэнне прамысловых прадпрыемстваў, гандлёва-складскіх аб’ектаў і іншых збудаванняў, якія павялічваюць грузавыя патокі, забруджваюць паветраны і водны басейны, з’яўляюцца выбухова- і пажаранебяспечнымі;
будаўніцтва транспартных магістралей і развязак, эстакад, мастоў і іншых інжынерных збудаванняў.
14. На тэрыторыі зоны рэгулявання забудовы дазваляецца:
рамонт і рэканструкцыя існуючых будынкаў і збудаванняў з выкарыстаннем традыцыйных будаўнічых матэрыялаў і архітэктурных прыёмаў (вышыня рэканструіраваных будынкаў і збудаванняў не павінна быць вышэй за 7 м ад узроўню глебы да вышэйшай адзнакі даху);
усталяванне з боку вуліц празрыстай агароджы вышынёй не больш за 1,5 м з выкарыстаннем традыцыйных формаў і матэрыялаў;
правядзенне работ па добраўпарадкаванні тэрыторыі;
пракладка інжынерных камунікацый.
