 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
31 мая 2016 г. № 20
Аб зацвярджэнні праекта зон аховы гісторыка-культурнай каштоўнасці – «Мясціна, звязаная з жыццём і творчасцю пісьменніка Васіля Быкава (дача сям’і Быкавых), у дачным пасёлку Ждановічы-6, 62 Мінскага раёна Мінскай вобласці (участак у межах агароджы)»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Мясціна, звязаная з жыццём і творчасцю пісьменніка Васіля Быкава (дача сям’і Быкавых), у дачным пасёлку Ждановічы-6, 62 Мінскага раёна Мінскай вобласці (участак у межах агароджы)».
|
Міністр |
Б.У.Святлоў |
|
|
Пастанова 31.05.2016 № 20 |
Праект зон аховы гісторыка-культурнай каштоўнасці – «Мясціна, звязаная з жыццём і творчасцю пісьменніка Васіля Быкава (дача сям’і Быкавых), у дачным пасёлку Ждановічы-6, 62 Мінскага раёна Мінскай вобласці (участак у межах агароджы)»
1. Праект зон аховы гісторыка-культурнай каштоўнасці – «Мясціна, звязаная з жыццём і творчасцю пісьменніка Васіля Быкава (дача сям’і Быкавых), у дачным пасёлку Ждановічы-6, 62 Мінскага раёна Мінскай вобласці (участак у межах агароджы)» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Мясціна, звязаная з жыццём і творчасцю пісьменніка Васіля Быкава (дача сям’і Быкавых), у дачным пасёлку Ждановічы-6, 62 Мінскага раёна Мінскай вобласці (участак у межах агароджы) з’яўляецца гісторыка-культурнай каштоўнасцю катэгорыі «2» (далей – гісторыка-культурная каштоўнасць), якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 612Д000662 у адпаведнасці з пастановай Савета Міністраў Рэспублікі Беларусь ад 23 жніўня 2014 г. № 814 «Аб наданні статусу і катэгорый гісторыка-культурнай каштоўнасці, пазбаўленні статусу гісторыка-культурнай каштоўнасці і ўнясенні змяненняў у пастанову Савета Міністраў Рэспублікі Беларусь ад 14 мая 2007 г. № 578» (Национальный правовой Интернет-портал Республики Беларусь, 27.08.2014, 5/39307).
3. Праект зон аховы распрацаваны праектным філіялам адкрытага акцыянернага таварыства «Белрэстаўрацыя» па заказе дзяржаўнай установы «Дзяржаўны музей гісторыі беларускай літаратуры».
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя.
5. Праект зон аховы распрацаваны на падставе гісторыка-архіўных, бібліяграфічных і натурных даследаванняў.
6. Праектам зон аховы ўстаноўлена ахоўная зона гісторыка-культурнай каштоўнасці.
Схема зон аховы дадаецца.
7. Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці і стварэння спрыяльных умоў для яе ўспрымання.
Плошча ахоўнай зоны складае 0,106 га.
8. Межамі ахоўнай зоны з’яўляецца ўмоўная лінія, якая ідзе па паўночна-ўсходняй, паўднёва-ўсходняй, паўднёва-заходняй і паўночна-заходняй мяжы зямельнага ўчастка № 62 у межах агароджы і супадае з тэрыторыяй гісторыка-культурнай каштоўнасці.
9. На тэрыторыі ахоўнай зоны забараняецца ўзвядзенне новых будынкаў і збудаванняў.
10. На тэрыторыі ахоўнай зоны дазваляецца:
правядзенне мерапрыемстваў па захаванні гісторыка-культурнай каштоўнасці на падставе навукова-праектнай дакументацыі, распрацаванай у парадку, устаноўленым заканадаўствам;
правядзенне работ па добраўпарадкаванні тэрыторыі, якія звязаны з патрабаваннем сучаснага выкарыстання і выконваюцца з улікам характара навакольнага асяроддзя;
санацыя зялёных насаджэнняў;
пракладка інжынерных камунікацый.
