 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
3 снежня 2013 г. № 85
Аб зацвярджэнні праекта зон аховы гісторыка-культурнай каштоўнасці – «Будынак былой фабрыкі-кухні (1936 год) па вул. Свярдлова, 2 у г. Мінску»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Будынак былой фабрыкі-кухні (1936 год) па вул. Свярдлова, 2 у г. Мінску».
|
Міністр |
Б.У.Святлоў |
|
|
Пастанова 03.12.2013 № 85 |
Праект зон аховы гісторыка-культурнай каштоўнасці – «Будынак былой фабрыкі-кухні (1936 год) па вул. Свярдлова, 2 у г. Мінску»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурнай каштоўнасці – «Будынак былой фабрыкі-кухні (1936 год) па вул. Свярдлова, 2 у г. Мінску» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гiсторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Будынак былой фабрыкі-кухні (1936 год) па вул. Свярдлова, 2 у г. Мінску з’яўляецца гісторыка-культурнай каштоўнасцю катэгорыі «2», унесенай у Дзяржаўны спіс гісторыка-культурных каштоўнасцей Рэспублікі Беларусь пад шыфрам 712Г000239 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны індывідуальным прадпрымальнікам Гліннікам Вадзімам Васільевічам па заказе кампаніі з абмежаванай адказнасцю «EASTLEINGH TRADING LIMITED».
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і ўстанаўленні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных і бібліяграфічных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона; зона рэгулявання забудовы.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці і ўмоў візуальнага ўспрымання гісторыка-культурнай каштоўнасці.
Плошча ахоўнай зоны складае 0,25 га.
8. Межамі ахоўнай зоны з’яўляюцца:
на поўначы – лінія, якая праходзіць па агароджы тэрыторыі, па ўмоўнай лініі паралельна дваровым фасадам будынка былой фабрыкі-кухні на адлегласці чатырох з паловай метраў ад вугла агароджы да скрыжавання з умоўнай лініяй, якая ідзе ў створы з паўночным фасадам двухпавярховага дваровага корпуса былой фабрыкі-кухні;
на ўсходзе – умоўная лінія, якая ідзе ў створы з заходнімі фасадамі нежылой забудовы да бартавога каменю вул. Берсана;
на поўдні – лінія, якая праходзіць ад вул. Берсана ў створы з паўночным фасадам будынка № 4 па вул. Свярдлова, да скрыжавання з умоўнай лініяй, якая ідзе ў створы з усходнім фасадам будынка № 1а па вул. Берсана;
на захадзе – умоўная лінія, якая ідзе ў створы з усходнім фасадам будынка № 1а па вул. Берсана да скрыжавання з умоўнай лініяй, якая ідзе паралельна дваровым фасадам будынка былой фабрыкі-кухні на адлегласці чатырох з паловай метраў, да скрыжавання з умоўнай лініяй, якая ідзе ў створы з паўночным фасадам двухпавярховага дваровага корпуса будынка былой фабрыкі-кухні.
9. На тэрыторыі ахоўнай зоны забараняецца будаўніцтва будынкаў, збудаванняў і прыбудоў да былой фабрыкі-кухні.
10. На тэрыторыі ахоўнай зоны дазваляецца:
дэмантаж дысгарманічных прыбудоў да гiсторыка-культурнай каштоўнасцi;
рэканструкцыя вул. Берсана з арганізацыяй парковак;
аднаўленне страчанага рэгулярнага парку перад галоўным фасадам гiсторыка-культурнай каштоўнасцi;
пракладка інжынерных камунікацый;
правядзенне работ па добраўпарадкаванні тэрыторыі.
ГЛАВА 3
ЗОНА РЭГУЛЯВАННЯ ЗАБУДОВЫ
11. Зона рэгулявання забудовы ўстаноўлена зыходзячы з неабходнасці рэгламентавання маштабу забудовы на тэрыторыі, прылеглай да гісторыка-культурнай каштоўнасці і ахоўнай зоны.
Плошча зоны рэгулявання забудовы складае 0,27 га.
12. Межамі зоны рэгулявання забудовы з’яўляюцца:
на поўначы і на ўсходзе – лінія, якая ідзе па агароджы тэрыторыі;
на поўдні – лінія, якая ідзе па паўночным фасадзе гісторыка-культурнай каштоўнасці, па агароджы тэрыторыі, па бартавым камені вул. Берсана, да скрыжавання з умоўнай лініяй, якая ідзе ў створы з паўднёвым фасадам будынка № 14 па вул. Берсана;
на захадзе – лінія, якая ідзе ў створы з паўднёвым фасадам будынка № 14 па вул. Берсана, па дваровых фасадах будынка № 14 па вул. Берсана, да агароджы тэрыторыі.
13. На тэрыторыі зоны рэгулявання забудовы забараняецца размяшчаць прамысловыя, камунальныя і складскія аб’екты, іншыя небяспечныя ў пажарным і выбуховым плане збудаванні, якія забруджваюць паветраны і водны басейны, павялічваюць транспартныя і грузавыя патокі.
14. На тэрыторыі зоны рэгулявання забудовы дазваляецца:
дэмантаж аднапавярховай паўночнай часткі гiсторыка-культурнай каштоўнасцi;
рэканструкцыя або дэмантаж існуючых будынкаў і збудаванняў;
новае будаўніцтва вышынёй да трыццаці сямі з паловай метраў ад ўзроўню глебы да ўзроўню вільчака даху;
правядзенне работ па добраўпарадкаванні тэрыторыі;
пракладка неабходных інжынерных камунікацый.
|
|
да праекта зон аховы гісторыка-культурнай каштоўнасці – па вул. Свярдлова, 2 у г. Мінску» |
Схема межаў і рэжымаў утрымання зон аховы гісторыка-культурнай каштоўнасці – «Будынак былой фабрыкі-кухні (1936 год) па вул. Свярдлова, 2 у г. Мінску»
