 | Официальная правовая информация |
АБ РОЛІ СПАРТЫЎНАГА ПРАВА
КАМЯНКОЎ В.С.,
доктар юрыдычных навук, прафесар, заслужаны юрыст Рэспублікі Беларусь,
Старшыня Вышэйшага Гаспадарчага Суда Рэспублікі Беларусь, Старшыня
ГА «Беларускі рэспубліканскі саюз юрыстаў», Старшыня ГА «Беларуская
федэрацыя баскетбола», член прававой камісіі ФІБА-Еўропа
|
|
Матэрыял падрыхтаваны |
Права ў большасці крыніц дэфінуецца як сістэма агульнаабавязковых норм (правіл паводзін), якія ўстанаўліваюцца дзяржавай і забяспечваюцца сілай прымусу (пазітыўнае права) або вынікаюць з прыроды чалавека (натуральнае права). Права рэгулюе грамадскія адносіны, што ўзнікаюць у розных сферах дзейнасці чалавека, у тым ліку ў спартыўнай галіне. На жаль, у спартыўнай сферы права не атрымала належнага шырокага распаўсюджвання. Гэта значыць, спартыўным правілам і парадку іх прымянення яшчэ трэба надаць сапраўды ўсеабдымны прававы характар. Апошнія канфлікты і нават скандалы ў спорце (двухгадовая судовая цяжба беларускіх штурхальнікаў ядра, рэформа ў расійскім баскетболе, змены ў французскім футболе) толькі пацвярджаюць неабходнасць і значнасць спартыўнага права.