 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
4 лютага 2014 г. № 5
Аб зацвярджэнні праекта зон аховы гісторыка-культурнай каштоўнасці – «Парахавы склеп № 3 па вул. Луцкая, 3/10 у г. Брэсце»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці – «Парахавы склеп № 3 па вул. Луцкая, 3/10 у г. Брэсце».
|
Міністр |
Б.У.Святлоў |
|
|
Пастанова 04.02.2014 № 5 |
Праект зон аховы гісторыка-культурнай каштоўнасці – «Парахавы склеп № 3 па вул. Луцкая, 3/10 у г. Брэсце»
ГЛАВА 1
АГУЛЬНЫЯ ПАЛАЖЭННІ
1. Праект зон аховы гісторыка-культурнай каштоўнасці – «Парахавы склеп № 3 па вул. Луцкая, 3/10 у г. Брэсце» (далей – праект зон аховы) распрацаваны на падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» (Национальный реестр правовых актов Республики Беларусь, 2006 г., № 9, 2/1195).
2. Парахавы склеп № 3 па вул. Луцкай, 3/10 у г. Брэсце ўваходзіць у склад гісторыка-культурнай каштоўнасці катэгорыі «3» – сістэма фартоў у складзе фартыфікацыйных збудаванняў Брэсцкай крэпасці, якая ўнесена ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 112Г000077 у адпаведнасці з пастановай Савета Міністраў Рэспублікі Беларусь ад 14 мая 2007 г. № 578 «Аб статусе гісторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны філіялам «Брэстрэстаўрацыяпраект» адкрытага акцыянернага таварыства «Белрэстаўрацыя» па заказе таварыства з абмежаванай адказнасцю «ІДЭЯ».
4. Праект зон аховы распрацаваны з мэтай забеспячэння аховы гісторыка-культурнай каштоўнасці і яе навакольнага асяроддзя, заключаецца ў вызначэнні межаў зон аховы і ўсталяванні рэжымаў іх утрымання і выкарыстання.
5. Праект зон аховы распрацаваны на падставе гісторыка-архіўных, бібліяграфічных і натурных даследаванняў, аналізу існуючай горадабудаўнічай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона и зона аховы ландшафту.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з патрабаванняў фізічнага і эстэтычнага захавання гісторыка-культурнай каштоўнасці, стварэння ўмоў для яе спрыяльнага ўспрымання.
Плошча ахоўнай зоны складае 0,71 га.
8. Межамі ахоўнай зоны з’яўляюцца: на поўначы, усходзе, поўдні і захадзе – лінія, якая ідзе па вонкавым баку агароджы тэрыторыі, адведзенай для абслугоўвання гісторыка-культурнай каштоўнасці.
9. На тэрыторыі ахоўнай зоны забараняецца новае будаўніцтва, дзейнасць, якая пагражае захаванасці гісторыка-культурнай каштоўнасці.
10. На тэрыторыі ахоўнай зоны дазваляецца:
добраўпарадкаванне тэрыторыі – работы, звязаныя з уладкаваннем дарожак, знешняга асвятлення, азелянення, усталяваннем стэндаў, а таксама іншыя формы добраўпарадкавання, якія звязаны з патрабаваннем сучаснага выкарыстання і не парушаюць гістарычнае асяроддзе;
аднаўленне страчаных элементаў кампазіцыі (брук транспартнай сувязі з фартамі);
пракладка неабходных інжынерных камунікацый.
ГЛАВА 3
ЗОНА АХОВЫ ЛАНДШАФТУ
11. Зона аховы ландшафту ўстаноўлена з мэтай захавання прыроднага асяроддзя, візуальна звязанага з гісторыка-культурнай каштоўнасцю, і стварэння неабходных умоў для яе ўспрымання. Зона аховы ландшафту складаецца з двух участкаў.
Плошча зоны аховы ландшафту складае 1,94 га.
12. Межамі першага ўчастка зоны аховы ландшафту з’яўляюцца:
на поўначы і паўночным усходзе – лінія, якая ідзе па краі тратуара вул. Луцкай і вул. 28 Ліпеня;
на паўднёвым усходзе і поўдні – лінія, якая ідзе па мяжы прысядзібных участкаў забудовы па вул. Грушавай;
на захадзе – лінія, якая ідзе па мяжы ахоўнай зоны.
13. Межамі другога ўчастка зоны аховы ландшафту з’яўляюцца:
на поўначы і ўсходзе – лінія, якая ідзе па мяжы тэрыторыі рэчавага рынку;
на поўдні – лінія, якая ідзе па краі тратуара паўночнага боку вул. Луцкай да вул. 28 Ліпеня.
на захадзе – лінія, якая ідзе ў створы з паўднёва-заходняй мяжой ахоўнай зоны гісторыка-культурнай каштоўнасці.
14. На тэрыторыі зоны аховы ландшафту забараняецца:
будаўніцтва будынкаў і збудаванняў;
змяненне характару існуючага ландшафту.
15. На тэрыторыі зоны аховы ландшафту дазваляецца:
добраўпарадкаванне і азеляненне, якое не скажае існуючы характар тэрыторыі і не пагаршае ўмоў візуальнага ўспрымання гісторыка-культурнай каштоўнасці;
пракладка неабходных інжынерных камунікацый;
санітарная высечка зялёных насаджэнняў.
|
|
да праекта зон аховы гісторыка-культурнай |
Схема праекта зон аховы гісторыка-культурнай каштоўнасці – «Парахавы склеп № 3 па вул. Луцкая, 3/10 у г. Брэсце»
