 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
4 лістапада 2022 г. № 96
Аб зацвярджэнні праекта зон аховы нерухомай матэрыяльнай гісторыка-культурнай каштоўнасці «Будынак чыгуначнай станцыі» на станцыі Дубіца Брэсцкага раёна Брэсцкай вобласці
На падставе пункта 3 артыкула 105 Кодэкса Рэспублікі Беларусь аб культуры і абзаца пятага падпункта 5.27 пункта 5 Палажэння аб Міністэрстве культуры, зацверджанага пастановай Савета Міністраў Рэспублікі Беларусь ад 17 студзеня 2017 г. № 40, Міністэрства культуры Рэспублікі Беларусь ПАСТАНАЎЛЯЕ:
1. Зацвердзіць праект зон аховы нерухомай матэрыяльнай гісторыка-культурнай каштоўнасці «Будынак чыгуначнай станцыі» на станцыі Дубіца Брэсцкага раёна Брэсцкай вобласці (дадаецца).
2. Дадзеная пастанова ўступае ў сілу пасля яе афіцыйнага апублікавання.
|
Міністр |
А.М.Маркевіч |
|
|
Пастанова |
Праект зон аховы нерухомай матэрыяльнай гісторыка-культурнай каштоўнасці «Будынак чыгуначнай станцыі» на станцыі Дубіца Брэсцкага раёна Брэсцкай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці «Будынак чыгуначнай станцыі» на станцыі Дубіца Брэсцкага раёна Брэсцкай вобласці (далей – праект зон аховы) распрацаваны на падставе пункта 3 артыкула 105 Кодэкса Рэспублікі Беларусь аб культуры.
2. «Будынак чыгуначнай станцыі» на станцыі Дубіца Брэсцкага раёна Брэсцкай вобласці з’яўляецца нерухомай матэрыяльнай гісторыка-культурнай каштоўнасцю катэгорыі «2» (далей – гісторыка-культурная каштоўнасць), якая ўключана ў Дзяржаўны спіс гісторыка-культурных каштоўнасцей Рэспублікі Беларусь пад шыфрам 112Г000747.
3. Праект зон аховы распрацаваны таварыствам з абмежаванай адказнасцю «РэстаўрацыяІнвест» па заказе транспартнага рэспубліканскага ўнітарнага прадпрыемства «Брэсцкае аддзяленне Беларускай чыгункі».
4. Праект зон аховы распрацаваны з мэтай забеспячэння захавання гісторыка-культурнай каштоўнасці і яе навакольнага асяроддзя, вызначае тэрыторыю гісторыка-культурнай каштоўнасці і зоны аховы гісторыка-культурнай каштоўнасці, іх межы, рэжымы ўтрымання і выкарыстання зон аховы.
5. Праект зон аховы распрацаваны на падставе архіўна-бібліяграфічных і натурных даследаванняў, аналізу горадабудаўнічай сітуацыі і ландшафту.
6. Праектам зон аховы ўстаноўлены тэрыторыя гісторыка-культурнай каштоўнасці і наступныя зоны аховы гісторыка-культурнай каштоўнасці: ахоўная зона гісторыка-культурнай каштоўнасці (далей – ахоўная зона), зона аховы ландшафту гісторыка-культурнай каштоўнасці (далей – зона аховы ландшафту) і зона рэгулявання забудовы гісторыка-культурнай каштоўнасці (далей – зона рэгулявання забудовы).
Межы зон аховы дадзены ў геаграфічнай сістэме каардынат.
Схема зон аховы гісторыка-культурнай каштоўнасці дадаецца.
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ.
АХОЎНАЯ ЗОНА
7. Тэрыторыя гісторыка-культурнай каштоўнасці супадае з мяжой ахоўнай зоны.
8. Ахоўная зона ўстаноўлена зыходзячы з умоў захавання гісторыка-культурнай каштоўнасці і стварэння спрыяльных умоў для яе ўспрымання.
Ахоўная зона ўключае тэрыторыю, якая непасрэдна прылягае да гісторыка-культурнай каштоўнасці.
9. Мяжой тэрыторыі гісторыка-культурнай каштоўнасці і ахоўнай зоны з’яўляюцца:
на поўначы – умоўная лінія, якая ідзе ад кропкі 1 з каардынатамі 51°48'17.16'' / 23°38'36.33'' на паўднёвы ўсход да кропкі 2 з каардынатамі 51°48'17.38'' / 23°38'38.79'';
на ўсходзе – умоўная лінія, якая ідзе ад кропкі 2 на паўднёвы захад праз кропку 3 з каардынатамі 51°48'15.64'' / 23°38'36.79'';
на поўдні – умоўная лінія, якая ідзе ад кропкі 3 на паўночны захад да кропкі 4 з каардынатамі 51°48'15.64'' / 23°38'36.79'';
на захадзе – умоўная лінія, якая ідзе ад кропкі 4 да кропкі 1.
10. На тэрыторыі ахоўнай зоны забараняецца:
узвядзенне будынкаў і збудаванняў, акрамя пракладкі падземных інжынерных камунікацый;
усталяванне сродкаў вонкавай рэкламы;
знішчэнне і прычыненне шкоды гісторыка-культурнай каштоўнасці і яе элементам, у тым ліку рэканструкцыя з ужываннем нетрадыцыйных прыёмаў і матэрыялаў;
правядзенне работ па добраўпарадкаванні тэрыторыі без праектнай дакументацыі, распрацаванай і ўзгодненай ва ўстаноўленым парадку;
ажыццяўленне дзейнасці без выканання патрабаванняў Кодэкса Рэспублікі Беларусь аб культуры.
ГЛАВА 3
ЗОНА РЭГУЛЯВАННЯ ЗАБУДОВЫ
11. Зона рэгулявання забудовы вызначана зыходзячы з патрабаванняў захавання і замацавання значнасці гісторыка-культурнай каштоўнасці ў асяроддзі, якое гістарычна склалася, і стварэння неабходных умоў для захавання і недапушчальнасці пагаршэння ўмоў успрымання гісторыка-культурнай каштоўнасці. Зона рэгулявання забудовы вызначана зыходзячы з неабходнасці рэгламентавання маштабу магчымага новага будаўніцтва на тэрыторыях, прылеглых да гісторыка-культурнай каштоўнасці.
12. У зону рэгулявання забудовы ўключана сучасная прыватная забудова, якая прылягае да гісторыка-культурнай каштоўнасці.
13. Мяжой зоны рэгулявання забудовы з’яўляецца:
на поўначы – умоўная лінія, якая ідзе ад кропкі 5 з каардынатамі 51°48'19.34'' / 23°38'35.19'' на паўднёвы ўсход да кропкі 6 з каардынатамі 51°48'19.46'' / 23°38'36.69'';
на ўсходзе – умоўная лінія, якая ідзе ад кропкі 6 на паўднёвы захад праз кропку 7 з каардынатамі 51°48'17.67'' / 23°38'37.15'';
на поўдні – умоўная лінія, якая ідзе ад кропкі 7 на паўночны захад да кропкі 8 з каардынатамі 51°48'16.71'' / 23°38'35.80'';
на захадзе – умоўная лінія, якая ідзе ўздоўж дарогі вул. Чыгуначнай ад кропкі 8 да кропкі 5.
14. На тэрыторыі зоны рэгулявання забудовы забараняецца:
новае будаўніцтва, акрамя рэканструкцыі існуючых будынкаў не вышэй за 7 м ад узроўню зямлі да вільчака даху;
замена традыцыйных для рэгіёну драўляных платоў на непразрыстыя і паўпразрыстыя, а таксама бетонныя і металічныя агароджы.
ГЛАВА 4
ЗОНА АХОВЫ ЛАНДШАФТУ
15. Зона аховы ландшафту вызначана з патрабаванняў захавання і замацавання значнасці гісторыка-культурнай каштоўнасці ў ландшафце і стварэння неабходных умоў для яе ўспрымання.
16. Мяжой зоны аховы ландшафта з’яўляюцца:
на поўначы – умоўная лінія, якая ідзе ад кропкі 9 з каардынатамі 51°48'20.90'' / 23°38'35.15'' на паўднёвы ўсход да кропкі 10 з каардынатамі 51°48'21.08'' / 23°38'38.06'';
на ўсходзе – умоўная лінія, якая ідзе ўздоўж дарогі ад кропкі 10 на паўднёвы захад праз кропку 11 з каардынатамі 51°48'14.89'' / 23°38'39.33'';
на поўдні – умоўная лінія, якая ідзе ўздоўж дарогі вул. Чыгуначнай ад кропкі 11 на поўнач да кропкі 9.
17. У зоне аховы ландшафту забаронена:
новае будаўніцтва, акрамя элементаў інфраструктуры, неабходных для сучаснага выкарыстання гістрорыка-культурнай каштоўнасці (стаянка, туалет і іншыя);
усталяванне буйнамаштабных рэкламных канструкцый;
памяншэнне плошчы зялёных насаджэнняў;
высечка дрэў (акрамя аб’ектаў расліннага свету, якія знаходзяцца ў неналежным (аварыйным) стане на падставе адпаведнага заключэння, санітарных рубак).
