 | Официальная правовая информация |
ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
5 жніўня 2014 г. № 41
Аб зацвярджэнні праекта зон аховы гісторыка-культурнай каштоўнасці «Касцёл св. Мікалая (1681 год) у в. Княжыцы Магілёўскага раёна»
На падставе часткі першай пункта 2 артыкула 29 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Міністэрства культуры Рэспублікі Беларусь ПАСТАНАЎЛЯЕ:
Зацвердзіць прыкладзены праект зон аховы гісторыка-культурнай каштоўнасці «Касцёл св. Мікалая (1681 год) у в. Княжыцы Магілёўскага раёна».
|
Міністр |
Б.У.Святлоў |
|
|
Пастанова 05.08.2014 № 41 |
Праект зон аховы гісторыка-культурнай каштоўнасці «Касцёл св. Мікалая (1681 год) у в. Княжыцы Магілёўскага раёна»
ГЛАВА 1
АГУЛЬНЫЯ ПАЛАЖЭННI
1. Праект зон аховы гiсторыка-культурнай каштоўнасцi «Касцёл св. Мікалая (1681 год) у в. Княжыцы Магілёўскага раёна» (далей – праект зон аховы) распрацаваны на падставе часткi першай пункта 2 артыкула 29 Закона Рэспублiкi Беларусь ад 9 студзеня 2006 года «Аб ахове гiсторыка-культурнай спадчыны Рэспублiкi Беларусь» (Национальный реестр правовых актов Республики Беларусь, 2006 г., № 9, 2/1195).
2. Касцёл св. Мікалая (1681 год) у в. Княжыцы Магілёўскага раёна з’яўляецца нерухомай матэрыяльнай гiсторыка-культурнай каштоўнасцю катэгорыi «2», якая ўнесена ў Дзяржаўны спiс гiсторыка-культурных каштоўнасцей Рэспублiкi Беларусь пад шыфрам 512Г000493 у адпаведнасцi з пастановай Савета Мiнiстраў Рэспублiкi Беларусь ад 14 мая 2007 г. № 578 «Аб статусе гiсторыка-культурных каштоўнасцей» (Национальный реестр правовых актов Республики Беларусь, 2007 г., № 119, 5/25167).
3. Праект зон аховы распрацаваны ўнiтарным вытворчым камунальным прадпрыемствам «Цэнтр па рэстаўрацыi».
4. Праект зон аховы выкананы з мэтай забеспячэння аховы гiсторыка-культурнай каштоўнасцi i яе навакольнага асяроддзя, заключаецца ў вызначэннi межаў зон аховы i ўсталяванні рэжымаў іх утрымання і выкарыстання.
5. Праект зон аховы распрацаваны на падставе архіўна-бібліяграфічных і натурных даследаванняў, аналізу наяўнай горадабудаўнічнай сітуацыі і ландшафту.
6. Праектам зон аховы ўстаноўлены наступныя зоны аховы гісторыка-культурнай каштоўнасці: ахоўная зона, зона рэгулявання забудовы.
Схема зон аховы дадаецца.
ГЛАВА 2
АХОЎНАЯ ЗОНА
7. Ахоўная зона ўстаноўлена зыходзячы з неабходнасці фізічнага захавання гісторыка-культурнай каштоўнасці і стварэння спрыяльных умоў для яе ўспрымання.
Плошча ахоўнай зоны складае 0,77 га.
8. Межамі ахоўнай зоны з’яўляюцца:
на поўначы – лінія, якая ідзе па верхняй мяжы схілу пагорка ў створы з мяжой тэрыторыі касцёла з паўночнага боку;
на ўсходзе – лінія, якая ідзе па заходняй і паўднёвай мяжы прысядзібнага ўчастка прыватнай забудовы, далей лінія, якая ідзе паралельна ўсходняму фасаду касцёла на адлегласці 34 м ад яго;
на поўдні – лінія, якая ідзе ў створы з агароджай тэрыторыі сядзібнай забудовы, далей лінія, якая ідзе ў створы з усходнім фасадам прыбудовы да будынка крамы, далей у створы з паўночным фасадам прыбудовы да будынка крамы;
на захадзе – лінія, якая ідзе па ўсходнім баку праезнай часткі дарогі, далей па верхняй мяжы схілу пагорка ў створы з мяжой тэрыторыі касцёла.
9. На тэрыторыі ахоўнай зоны забараняецца:
новае будаўніцтва;
размяшчэнне прамысловых прадпрыемстваў, збудаванняў, якія небяспечныя ў пажарным і выбуховым плане, забруджваюць паветраны і водны басейны, ствараюць значныя транспартныя і грузавыя патокі;
устаноўка буйнапамерных рэкламных канструкцый.
Пры выкананні земляных работ неабходна забяспечыць рэалізацыю мер па ахове археалагічных аб’ектаў у адпаведнасці з Палажэннем аб ахове археалагічных аб’ектаў пры правядзенні земляных і будаўнічых работ, ажыццяўленні іншай дзейнасці на тэрыторыі археалагічных аб’ектаў, зацверджаным пастановай Савета Міністраў Рэспублікі Беларусь ад 22 мая 2002 г. № 651 (Национальный реестр правовых актов Республики Беларусь, 2002 г., № 59, 5/10482; Национальный правовой Интернет-портал Республики Беларусь, 27.07.2012, 5/36005).
10. На тэрыторыі ахоўнай зоны дазваляецца:
правядзенне рэстаўрацыйна-аднаўленчых работ на гісторыка-культурнай каштоўнасці;
правядзенне работ па добраўпарадкаванні тэрыторыі і санацыі зялёных насаджэнняў;
пракладка неабходных інжынерных камунікацый.
ГЛАВА 3
ЗОНА РЭГУЛЯВАННЯ ЗАБУДОВЫ
11. Зона рэгулявання забудовы ўстаноўлена з мэтай рэгламентавання маштабу новага будаўніцтва і рэканструкцыі існуючай забудовы на тэрыторыях, прылеглых да гісторыка-культурнай каштоўнасці. Межы зоны рэгулявання забудовы ўстаноўлены з улікам сучаснай горадабудаўнічай сітуацыі.
Плошча зоны рэгулявання забудовы складае 3,38 га.
12. Межамі зоны рэгулявання забудовы з’яўляюцца:
на поўначы – лінія, якая ідзе ад мяжы ахоўнай зоны па верхняй мяжы схілу пагорка, далей паралельна мясцоваму праезду, далей у створы з агароджай прысядзібнага ўчастка;
на ўсходзе – лінія, якая ідзе ў створы з агароджай прысядзібных участкаў прыватнай забудовы да скрыжавання з паўночным бокам праезнай часткі дарогі;
на поўдні – лінія, якая ідзе па паўночным баку праезнай часткі дарогі;
на захадзе – лінія, якая ідзе па ўсходнім баку праезнай часткі дарогі да мяжы ахоўнай зоны.
13. На тэрыторыі зоны рэгулявання забудовы забараняецца размяшчэнне прамысловых прадпрыемстваў, камунальных і складскіх аб’ектаў, іншых збудаванняў, якія небяспечныя ў пажарным і выбуховым плане, забруджваюць паветраны і водны басейны, выклікаюць значныя транспартныя і грузавыя патокі.
14. На тэрыторыі зоны рэгулявання забудовы дазваляецца:
будаўніцтва будынкаў і збудаванняў вышынёй да 8,0 м ад узроўню зямлі да ўзроўню вільчака даху;
рэканструкцыя існуючай забудовы з павелічэннем вышыні да 8,0 м;
уладкаванне аўтастаянак;
правядзенне работ па добраўпарадкаванні тэрыторыі;
пракладка неабходных інжынерных камунікацый.
