Статья № - (Статья «Сiльчанка, М.У. Аб прававой прыродзе актаў Канстытуцыйнага Суда Рэспублiкi Беларусь у сувязi з магчымым увядзеннем iнстытута канстытуцыйнай скаргi.»)

Аб прававой прыродзе актаў Канстытуцыйнага Суда Рэспублікі Беларусь у сувязі з магчымым увядзеннем інстытута канстытуцыйнай скаргі

М.У.Сільчанка,

загадчык кафедры тэорыі дзяржавы і права Гродзенскага дзяржаўнага універсітэта імя Янкі Купалы, доктар юрыдычных навук, прафесар

1. Індывідуальная канстытуцыйная скарга – адзін з састаўных элементаў механізма абароны правоў і свабод асобы і грамадзяніна. На нацыянальным узроўні асновы гэтага механізма замацаваны ў Канстытуцыі Рэспублікі Беларусь, канкрэтызаваны і дапоўнены ў шэрагу нарматыўных прававых актаў самай рознай юрыдычнай сілы: ад законаў, дырэктыў, дэкрэтаў, указаў Прэзідэнта краіны да лакальных нарматыўных актаў. Удасканальванне дадзенага механізма мае заканамерны характар, але яно павінна ажыццяўляцца ў адпаведнасці з Асноўным Законам.