Официальная правовая информация |
УКАЗ ПРЭЗІДЭНТА РЭСПУБЛІКІ БЕЛАРУСЬ
7 жніўня 2018 г. № 308
Аб афіцыйных геральдычных сімвалах
У мэтах захавання і развіцця гістарычных традыцый Міністэрства адукацыі пастанаўляю:
1. Заснаваць:
эмблему Міністэрства адукацыі;
флаг Міністэрства адукацыі.
2. Зацвердзіць:
Палажэнне аб эмблеме Міністэрства адукацыі, яе апісанне і выяву (прыкладаюцца);
Палажэнне аб флагу Міністэрства адукацыі, яго апісанне і выяву (прыкладаюцца).
3. Фінансаванне расходаў на выраб заснаваных дадзеным Указам афіцыйных геральдычных сімвалаў ажыццяўляць за кошт сродкаў, прадугледжаных у рэспубліканскім бюджэце на ўтрыманне Міністэрства адукацыі, і іншых крыніц у адпаведнасці з заканадаўствам.
4. Дадзены Указ уступае ў сілу пасля яго афіцыйнага апублікавання.
Прэзідэнт Рэспублікі Беларусь |
А.Лукашэнка |
|
Указ Прэзідэнта |
ПАЛАЖЭННЕ
аб эмблеме Міністэрства адукацыі
1. Эмблема Міністэрства адукацыі (далей – эмблема) з’яўляецца адметным знакам Міністэрства адукацыі.
2. Выява эмблемы размяшчаецца на флагу Міністэрства адукацыі, афіцыйным сайце ў глабальнай камп’ютарнай сетцы Інтэрнэт, ганаровых граматах Міністэрства адукацыі і падзяках Міністра адукацыі.
3. Выява эмблемы можа выкарыстоўвацца на друкаванай, інфармацыйнай, сувенірнай, кіна-, відэа-, фота- і іншай прадукцыі, якая вырабляецца для патрэб Міністэрства адукацыі, органаў і арганізацый, якія ўваходзяць у яго сістэму, структурных падраздзяленняў мясцовых выканаўчых і распарадчых органаў, якія забяспечваюць рэалізацыю дзяржаўнай палітыкі ў сферы адукацыі, устаноў адукацыі, а таксама ў іншых выпадках, якія не супярэчаць заканадаўству.
4. Выява эмблемы можа размяшчацца ў службовых кабінетах Міністра адукацыі, яго намеснікаў, кіраўнікоў структурных падраздзяленняў Міністэрства адукацыі і іншых месцах, якія вызначаюцца Міністрам адукацыі.
5. Дапускаецца ўзнаўленне выявы эмблемы ў каляровым, чорна-белым і аб’ёмным варыянтах.
|
Указ Прэзідэнта |
Апісанне эмблемы Міністэрства адукацыі
1. Эмблема Міністэрства адукацыі ўяўляе сабой круг цёмна-сіняга колеру з аблямоўкай цёмна-сіняга колеру, абведзенай кантамі серабрыстага колеру.
2. У верхняй частцы круга знаходзіцца выява сонца залацістага колеру, на дыску якога размешчаны Дзяржаўны герб Рэспублікі Беларусь. Ад сонца паралельна яго праменям разыходзяцца прамені светла-сіняга колеру. У ніжняй частцы круга – стылізаваная выява разгорнутай кнігі, верхнія старонкі якой зялёнага колеру, ніжнія – серабрыстага. Сонца і кніга ўтвараюць стылізаваную выяву кветкі, пад лістамі якой размешчана насенне зялёнага колеру.
3. У верхняй частцы аблямоўкі размешчаны надпіс «МІНІСТЭРСТВА АДУКАЦЫІ РЭСПУБЛІКІ БЕЛАРУСЬ» серабрыстага колеру, у ніжняй – беларускі арнамент серабрыстага колеру.
|
Указ Прэзідэнта |
Выява эмблемы Міністэрства адукацыі (каляровая)
|
Указ Прэзідэнта |
Выява эмблемы Міністэрства адукацыі (з перадачай колеру ўмоўнай шафіроўкай)
|
Указ Прэзідэнта |
ПАЛАЖЭННЕ
аб флагу Міністэрства адукацыі
1. Флаг Міністэрства адукацыі (далей – флаг) з’яўляецца яго афіцыйным геральдычным сімвалам.
2. Флаг можа размяшчацца на будынках Міністэрства адукацыі, органаў і арганізацый, якія ўваходзяць у яго сістэму, структурных падраздзяленняў мясцовых выканаўчых і распарадчых органаў, якія забяспечваюць рэалізацыю дзяржаўнай палітыкі ў сферы адукацыі, устаноў адукацыі, а таксама ў службовых кабінетах Міністра адукацыі, яго намеснікаў, кіраўнікоў структурных падраздзяленняў Міністэрства адукацыі і іншых месцах, якія вызначаюцца Міністрам адукацыі.
Пры адначасовым размяшчэнні Дзяржаўнага флага Рэспублікі Беларусь, флага Міністэрства адукацыі і іншых флагаў іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 года «О государственных символах Республики Беларусь».
3. Выява флага можа выкарыстоўвацца на друкаванай, інфармацыйнай, сувенірнай, кіна-, відэа-, фота- і іншай прадукцыі, якая вырабляецца для патрэб Міністэрства адукацыі, органаў і арганізацый, якія ўваходзяць у яго сістэму, структурных падраздзяленняў мясцовых выканаўчых і распарадчых органаў, якія забяспечваюць рэалізацыю дзяржаўнай палітыкі ў сферы адукацыі, устаноў адукацыі, а таксама ў іншых выпадках, якія не супярэчаць заканадаўству.
4. Флаг можа выкарыстоўвацца падчас дзяржаўных свят і святочных дзён, урачыстых мерапрыемстваў, якія праводзяцца дзяржаўнымі органамі і іншымі арганізацыямі, а таксама пры правядзенні культурных і спартыўных мерапрыемстваў.
|
Указ Прэзідэнта |
Апісанне флага Міністэрства адукацыі
Флаг Міністэрства адукацыі ўяўляе сабой прамавугольнае палотнішча цёмна-сіняга колеру з суадносінамі бакоў 1:2. У цэнтры вонкавага і адваротнага бакоў палотнішча размешчана эмблема Міністэрства адукацыі дыяметрам 3/4 шырыні палотнішча.
|
Указ Прэзідэнта |
Выява флага Міністэрства адукацыі (каляровая)
|
Указ Прэзідэнта |
Выява флага Міністэрства адукацыі (з перадачай колеру ўмоўнай шафіроўкай)